دا فيديو الخطاب يا علي يا عمّك بالنسبة للحتة بتعة عدم مشاركة قواته في الجبهة الشرقية هي وردت في صفحة مونتي كاروو - حقيقة الصفحة مصداقيتها عالية - لكن رغم كدا ما قدرت ابلع الكلام المنسوب لحميدتي لأنه سيخسر القوات المسلحة وبشكل يصعب اصلاحه, وعلى مستوى الافراد والضباط في الرتب الوسيطة مما سيؤدي لمشاكل كبيرة للدعم السريع لقدام مع الجيش, ثم بصفة عامة كونه يصف الدعم السريع بعدم الجاهزية حتى لو للتحجج فا ما قادر ابلعها. عموما, لي اعليق على حديثك عن حميدتي و شخصيته وشكرك ليه, و اسمح لي اختلف معك, لو اعدت سماع الخطاب ح تلقاه نسخه من خطاباته السابقة الاشبه بلايفات ذو النون وغيره من العطالة! قلنا ليكم و انتو و ح نعمل ليكم وعندني التفاصيل و بعد دا ما ح نسكت و شنو وشنو ويوجه سهامه لمجهولين ولا يوم واحد ما جاب اسم لا فرد ولا حزب, نفس اسلوب اللوايفة في اللف و الدوران وادعاء البطولة و الظهور بمظهر المظلوم وان هناك مؤامرة عليه و على قواته! حسي خطابه دا يتحدث عن اتنين بركوا ليه! الاول ما جاب سيرته و دي طاقية وااااسعة ممكن يلبسها الكثيرين اما التاني القال ح يفرتق السودان طوبة طوبة واضح انه يعني محمد جلال هاشم بتاع حركة تحرير كوش و المتحالف مع عبد العزيز الحلو ودا يستحيل يكون جاه قال ليه يوم 11 ابريل انا ما بمرق, و دا هو الوحيد الاشار ليه بوضوح دونا عن كل المجاهيل الكان بوجه ليهم سهام المطاعنات بتلميحات مبهمة, لماذا يا ترى! تاني شي نغمة الفشل في الامن و في السياسة و الاقتصاد التي يرمي بها الجميع الاهو! مع انه هو الحادة الوحيدة المفروض وضعته في مكانه دا و بقية العسكر هي حجة حفظ الامن التي فشلوا فيها فشلا ذريعا - كما في الظاهر ولكن في الحقيقة هم نجحوا في مسعاهم الحقيقي غير المعلن وهو افساد وتخريبالامن!
المهم يا عمنا مع احترامي لرأيك لكن ارى فيه نوع من المجاملة و عدم قراءة حميدتي و اطماعه ووضعه الشاذ بشكل سليم, هو لا يستحق اي كردت, وطال الزمن أم قصر مصيره ان يواجه عواقب ما ارتكب و يرتكب من اجرام ومظالم في حق البلد و الشعب.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة