|
|
 Re: ياريت السيد الموصلي يعطينا شرح اوفي للصو� (Re: ياسر السر)
|
منقول
داليا كباشي :
لا تنكأ الجرح القديم!
*******
(أرض القيادة) كما أسماها المعتصمون هناك (تحببا).. ميدان انتصاراتهم وفردوسهم المفقود..
في كل شبر هناك ذكريات.. دماء عزل سالت.. فصول من الخذلان.. وطعم مرار..
انا متأكدة انو في ناس - حتى اللحظه - ما مروا بشارع القيادة تاني.. وبعرف ناس
لمن يمروا من هناك بيصمتوا دقائق حزن وحداد حتى لو راكبين في المواصلات..!
الملابسات دي ما مرت عليها سنوات كتيرة...
الكلام دا قريب جدا..
لو مات في أسرتك زول واحد ما بتكون اتجاوزت حزنك عليهو..
فما بالكم بشعب فقد المئات في ليله واحدة برصاص الغدر!
صور وفديوهات المطربين والمطربات وهم متجولين في القيادة العام
ه للقوات المسلحة اعادت لنفوس الكثيرين ذكريات في حقبتين مريرتين!
اشهر الاعتصام.. وحقبه (التجييش) و (العسكرة) اللي كانت بتعملها
الإنقاذ للفنانين وللشخصيات العامه وتنشر المظاهر العسكرية حولنا
في فترات حرب الجنوب.. والدفاع الشعبي.. والحروب ضد سودانيين
من بني جلدتنا اسمتهم (المتمردين)!
نحن ك ناس بنعرف نفرز الحاجات فاهمين تماما انو دي حرب مع دولة أخرى..
وفاهمين واجبنا ك شعب في الوقوف مع الجيش الذي يحمي ارض الوطن..
لكن الظرف حقنا في السودان مختلف نظرا ل اننا اصلا في بلد اي
شي فيها مختلف عن الظروف الطبيعيه!
مظهر الفنانين اللابسين الكاكي بالنسبه لينا منفر..
لانو مرتبط جوانا ذهنيا ب ازمنه الانقاذ الغابره..
نفس الربط الذهني الحصل لينا من موسيقى الجيش اللي
بقت مرتبطه لينا ب (ساحات الفداء)!
عشان الربط دا يتفكا بنحتاج لزمن طويل جدا..
لعمل حقيقي وخطوات جادة تنقلنا من مربع الحسرة ل مربع
الوقوف خلف الجيش الوطني..
الناس ما عندها مفتاح ON and OFF جوه قلوبها..
ما ممكن تطلب منهم يدفعوا بحماسهم نحو منظومه عندهم
معاها خذلان مرير..
ما ممكن تفرض عليهم يرحبوا بعمل فني يدار من نفس المكان
الذي سالت فيه دماء ابنائهم..
ما ممكن يهتف لناس بيتصوروا ويضحكوا كأنهم في (رحله نيليه)
في نفس المكان اللي (عفصت) فيهو الابوات وجوههم!
كنا نتمنى من الفنانين الجايين يدعموا الجيش ان يدخلوا القيادة بوقار..
ويصدروا لينا مشاعر احترامهم للمكان المدثر بدماء الصائمين..
مظهر الفنان المجيش دا بالنسبه لينا منفر..
اكسرو الحزن والنفور اللي اتراكم جوه الشعب دا..
واعملوا ليهم نقله حقيقيه في مشاعرهم.. سوقوهم معاكم..
الأوبريت هدفوا استحثاث الدعم المعنوي للشعب
تجاه الجيش المدافع عن أرض الوطن..
في الحقيقه وللأسف.. الصور والفديوهات الطلعت للاوبريت
بس عملت العكس تماما.. واستثارت مشاعر الغبن والغضب والحزن العميق!
نفس العمل دا كان ممكن يتم بالازياء السودانيه التقليديه بمختلف اشكالها..!
يتصور في مكان تاني غير القيادة..
يمرر مشاعر الحماس والدعم والمحبه للوطن وللمدافعين
عنه ويخلق التفاف جماهيري حقيقي..
ما تزايدوا على حب الناس لتراب السودان..
ومافي زول يستهجن او يستغرب من نفور الناس من صور
الأوبريت ويتهمهم بعدم الوطنيه!
الناس دي نفسها مرقت.. وقاتلت.. وماتت في نفس المكان
الواقفين فيهو دا من أجل السودان دا زاتو!
الدماء التي تسيل هناك في ارض المعركه.. سالت قبلا في
ارض القيادة لتسقط نظام البطش البائد داك!
اعملوا الحاجات الكويسه بالطرق الما بتسنهض الأسى جوه نفوس الناس..
ما ممكن تعمل اغنيه عشان تشجع بيها الجيش تقوم تستفز
بيها مشاعر الآخرين! وشستفادت الأمه؟!
لازم نخت في بالنا انو الخطوات الحقيقيه للمحاسبه واخذ الحقوق
واستجلاب عداله انتقاليه وتضميد الجراح لسه ما حصلت..
ولا حتى الموسسات اللي مفروض تشتغل عليها ما تم انشائها..
ولا الاوعيه اللي ممكن تستوعبها اكتملت..
ف من الصعب جدا انك تتجاوز دا كلو وتقول للناس دي اغنيه للجيش
وتجي تتصور ليهم بالكاكي وتضحك وتمرح وتتصور لينا خاتي يدك في نصك!
كان ما راعيت الانضباط الواجب في الجهاز البيمثل سيادة السودان..
راعي الانضباط الواجب تجاه أهالي الشهداء الماتو
في نفس الحته البتتضاحكوا فيها دي!
هل انتو فارزين انكم بتغنوا اغنيه وطنيه في ظروف حرب؟
وهل فارزين الفرق بينها وبين (القيدومه) وحنه العريس؟
بتتضاحكوا مالكم يا ناس والبيضحك في الحرب شنو؟
نحن (الملكيه) الساي ديل
عندنا غيره على الكاكي دا اكتر منكم يا جيشنا!
وما رضيناها ليكم!
|
|
  
|
|
|
|
|
| العنوان |
الكاتب |
Date |
| ياريت السيد الموصلي يعطينا شرح اوفي للصوره المتداولة في الميديا | محمد الامين محمد | 01-14-21, 08:20 PM |
| Re: ياريت السيد الموصلي يعطينا شرح اوفي للصو� | محمد الامين محمد | 01-14-21, 08:23 PM |
| Re: ياريت السيد الموصلي يعطينا شرح اوفي للصو� | Asim Ali | 01-14-21, 09:28 PM |
| Re: ياريت السيد الموصلي يعطينا شرح اوفي للصو� | Mahjob Abdalla | 01-14-21, 09:51 PM |
 Re: ياريت السيد الموصلي يعطينا شرح اوفي للصو� | Asim Ali | 01-14-21, 10:02 PM |
| Re: ياريت السيد الموصلي يعطينا شرح اوفي للصو� | Mahjob Abdalla | 01-14-21, 10:51 PM |
| Re: ياريت السيد الموصلي يعطينا شرح اوفي للصو� | يحي قباني | 01-14-21, 11:14 PM |
| Re: ياريت السيد الموصلي يعطينا شرح اوفي للصو� | جلالدونا | 01-14-21, 11:45 PM |
| Re: ياريت السيد الموصلي يعطينا شرح اوفي للصو� | اْسامة اْباّرو | 01-14-21, 11:50 PM |
| Re: ياريت السيد الموصلي يعطينا شرح اوفي للصو� | طارق محمد الطيب | 01-15-21, 04:05 AM |
| Re: ياريت السيد الموصلي يعطينا شرح اوفي للصو� | أحمد محمد عمر | 01-15-21, 11:08 AM |
| Re: ياريت السيد الموصلي يعطينا شرح اوفي للصو� | Asim Ali | 01-15-21, 11:23 PM |
| Re: ياريت السيد الموصلي يعطينا شرح اوفي للصو� | منتصر صلاح | 01-16-21, 00:17 AM |
| Re: ياريت السيد الموصلي يعطينا شرح اوفي للصو� | مدثر صديق | 01-17-21, 07:09 AM |
| Re: ياريت السيد الموصلي يعطينا شرح اوفي للصو� | ياسر السر | 01-17-21, 07:35 AM |
| Re: ياريت السيد الموصلي يعطينا شرح اوفي للصو� | Hamid Elsawi | 01-17-21, 07:46 AM |
| Re: ياريت السيد الموصلي يعطينا شرح اوفي للصو� | أحمد محمد عمر | 01-18-21, 07:36 AM |
| Re: ياريت السيد الموصلي يعطينا شرح اوفي للصو� | علاء سيداحمد | 01-18-21, 11:40 AM |
| Re: ياريت السيد الموصلي يعطينا شرح اوفي للصو� | علاء سيداحمد | 01-18-21, 11:55 AM |
|
| |
Hamid Elsawi
فيس بوك
تويتر
انستقرام
يوتيوب
بنتيريست