Quote: (15) داخل (Abulazim) مشاكساً: لو سمحت اللخو انت هنا قاصد منو ؟!!
|
● قالو:الفي قلبو بوالحرقص براهو برقص.
تحين اسمع زول أحسن لك تختاني نا بتوكك بــــراي
بطني فايرة عليكم. موش كفاية حرشتو علي الأدمن غير لي
عنوان البوست حقي من (صار ) إلى (كـــان) ياخي أنا (صار )
وشي خلقة كدا براي ، أها ، و أنتو شن دخلكم ؟!ثم من ضارب
لي (لاعب) بالنار؟!ما تراهو جنس الحقارة دي البتخلي الواحد
يجيب ليكم السم القدر غداكم يجهجه باكاتكم و يخليكم تتوسلولم
يظلو على الحياد.علا تصدق ي عظمة نا كنتاعاذرك أنك أصلن ما ح تدخل
في البوستندا بلظاط خوفن على ضنبك. علا مخيرظنبك على جنبك. لكن،
عان جاي ، بموناسبة (مخير) ديقالو الخراراية الواحدة عن ناس عضولي
بقت تعدل (ثقلها دهبا)؛علا عندكم بهناك قالو الخيار و بيض أم جان ديل
راقدات هبطرش علا تخللوهن تسووهن طرشي بالروب. فعلن على
رأي المسل : بلاوي قومن عند قومن (بيت كلاوي)
●علا يا Abdelazim/ عظمة ، تراها غايتو الفيك اتعرفت
علا وو الله ترا خوفي عليك يكطعولك إضنيك المشتحات ديل.
و راسك المقودس متل سرج العلجة أكان علينا نحنا لا نا ساعلين
في البنا و لا في البناول الطين.غايتو بقت عليكم ترا حكاية الجماعة
ديلك في مجلس التعايشي يوم عاقدين يتشارطو؛ واحد قال لرفيقو: أها كان
عرفتا الفي قلبي دا بديك مراح بقري دا تجت عليهو . أها داك ود لزينة بلحيل،
عرف يمسكو من محل الحتة البتوجعو، قاللو: كيفن عاد ماني عارفو الفي قلبك
تحينن شن فيهو غير محبة خليفة المهدي. فسقط في يدالراجل وفقد بقيراتو ب ي
دقسة. لكن برضو حقطا في قلبو و قرر ينتقم من صاحبه و الذي كان لديه شنبٌ كاجة
قالو: أستى لي بورطك يا معفن.و لامن جات صلاة الجماعة أقاموها اصطفو خلف
خليفة المهدي. أول ما بقو في عز الركوع، زولك قعد عمل في حركات بايخة:
قعد يتنحنحج و يضرَّط و يقول أسو و أسو في أم خليقة المهدي. قام الخلفية
سمعو، سألم دا منو دا؟! فزولك قاللو داأنا أب شنبن كاجة البخودالعجاجة .
هنا صاحبو أب شنب رقد رُز وبقى في حيص بيص.فقعد يمعط في
شنبولامن الخليفة سلم قبّل لك عليهم لقى جماعتك كولهم
مُلُس لا شنب و لا دِقِن. تحين ما قولتو نوبة؟!!