رجاجيل نهر النيل، أقرعوا الولية دي ما ترتكب باسمكم جريمة

Quote: المجموعة التي قامت بقفل شارع التحدي امام حركة السير دي مجموعة الحويج معتمد شندي في العهد المظلم يعني بآختصار ديل فلول يعني ما تلبسوا ليكم جلابية ما حقتكم وتقولوا نظارة عموم قبائل الجعليين والحنك العاضي دا خجلانين من إنكم تقولوا نحن مؤتمر وطني ودايرين تجلطوها في الجعليين تاني الوهم بتاع انا جعلي وانت نوباوي دا مافي الان في حاجة واحدة بس انا مواطن سوداني شريحة العنصرية والقبلية والجهوية الدخلها الحرامي البشير وعصابته في البلد دي لازم تنتهي ودونكم ما حدث في الجنينة الان عهد جديد دولة مواطنة لا فيها لون لا فيها عرق بعدين انتو ما بتخجلوا الجعليين الصاح بيقفلوا الشارع عشان يكرموا عابر السبيل يعني بيعوجوا الدرب عشان اطعام الطعام وإغاثة الملهوف مش يقفلوا الطريق عشان يضيقوا علي خلق الله الفيهم الكبير والصغير والمريض رجال كبار بشنبات تقولوا واااي ما دايرين آمنة انتو قايلينها ألفة فصل دي وااالي يعني حاكم للولاية كلها وعندها الحل والربط وعندها البل احمدوا الله علي نعمة الثورة العلمتكم تترسوا الشوارع وتعملوا اعتصام آمنة في الضمير بلاني ما شوفتوها يا خيلاني زي بل آمنة ما لاقاني