السودان يوقع إعلان "اتفاقيات ابراهام " لتطبيع العلاقات مع إسرائيل

Quote: حبيبنا الجميل حيدر .. أمبس ( بالنوبية ) أخوي مرحباً بهذه الاتفاقية .. صدقني يا حيدر أنا ما عارف ليه عندي مزاج كده مع اليهود يمكن عشان جربنا الكفيل والعربان .. ولكن المهم جداً عندي والاهم من كل شيء هو الدعم ( الدولارات ) عشان السماد والتقاوي والجازولين تكون متوفرة .. اتفاقية ابراهام جابت مليار دولار في السنة واعفاء من الديون أنا همي حيدر الحبيب المصلحة دي تصل لأهلنا الغلابا في ضواحي الدنيا ديل الاهم والمنتجين الحقيقيين .. لكن السياسيين عندنا اهم الحاجة عندهم الخرطوم ( المظاهرات) أنا ما عارف ابراهام القصد منها .. ولكن مما سمعت الدولارات وزيارات وزير الخزينة الامريكية عرفت ان ابراهام فيها خير .. ناس المحاور وعدونا بـ 3 مليارات لم يفوا بوعدهم إلا أقل من 500 مليون دولار ديل اهل الاسلام والعروبة شوف ناس ابراهام حضروا الى السودان وفي صمت بدون اعلام وضجيج وبدون كفالة واحتواء مليار دولار .. حيدر أمبس .. تعرف كلامي ده كلو عشان أولادنا وأحفادنا يكونوا في وطن مزدهر نحن ما عندنا فرصة تاني .. اللهم بارك في عمرنا