في السودان:دقت ساعة البريكست

Quote: لا ناس الجبهة الثورية ولا الإمام تقدس سره مواكبين...والبركة في د .منصور خالد القال زمان من قيامة الساحة الخضراء الطلع ليها 5 مليون سوداني وسجل ليها 18 مليون في انتخابات الأمل ان نيفاشا هي خارطة الطريق الوحيدة للدولة المدنية الفدرالية الديمقراطية ..وامشوا ذاكرو في كتاب منصور خالد الاخير:السودان تكاثر الزعازع وتناقص الاوتاد2010...عشان تعرفو ليه الشعب السوداني بقى لا عاجبو البنا ولا البعجن في الطين 1- قطاع الشمال الذي يمثل طرف الأساسي في نيفاشا من هرول مع المؤلفة جيوبهم في انتخابات 2010 فارق مسار الرؤية البارعة السودان الجديد..ومسؤل من كل ما ترتب علي ذلك.. والجبهة الثورية والفجر الجديد خلط أوراق ومضيعة زمن..."واردب ويكة لا يستطيع ان يجمع المعارضات الكثيرة والمتنوعة والمتشرزمة سواء كانت مدنية او مسلحة..اذا كانت لا تؤمن باتفاقية نيفاشا كمرجعية اساسية والقرار 2046 ومبادرة نافع /عقار 2011كارضية لحل مشكلة الجنوب الجديد..ووضع الحزب الحاكم في مواجهة المجتمع الدولي 2- حركات دارفور اول حاجة توحد مسارها السياسي والعسكري وهي في دارفور-الكبرى اولا عبراتفاقية الدوحة للسلام ويصبح الفرز في دارفور...اقليم ام ولايات...برنامج واحد بس 3- احزاب المركز التي يمثلها حزب الامة ووعيها لا يتجاوز جمهورية العاصمة المثلثة -النخبة السودانية وادمان الفشل...تواجه المؤتمر الوطني بي اشياء محددة بس 1- تعيين 9 قضاة في المحكمة الدستورية العليا حقيقيين ومحترمين غير الموجودين هسة 2- المحكمة الدستورية العليا فوق الجميع بما في ذلك رئيس لجمهورية ومسؤلة من تنظيف الدستور من القوانين السيئة بتاعة الامن و الانقاذ..والغاء كافة القرارات غير الدستورية لرئيس الجمهورية من 2005 لي 2014 3- اطلاق سراح كافة المعتلقين السياسيين 4- تسجيل الحزب الجمهوري 5- استعادة الاقليم"الخمسة " باسس جديدة وانتخابات اقليمية والغاء المستوى الولائى الفاشل نهائيا ... هذه هي المحاور الثلاث والمسارات الحقيقية للتغير اما "نزمبع" من بلد لي بلد ونستعرض الصور هنا وهناك ونقول كلام ونلحسوا بكره ونتكتل هنا ونتشرزم هناك ده كلام لا يصلح لسودان 2014 وخداع ذات ووهم لا يشبه الا النخبة السودانية وادمان الفشل..والناس القاعدة في راسنا من 1964-2014 للمرة الاخيرة..الحل يبدا من اديس ابابا والقرار 2046 ومبادرة نافع عقار 2011 لتفكيك الانقاذ دون السقوط البشع في الفراغ الدستوري والفوضى الخلاقة...لابد من تحددو انتو دايرن شنو بي 1و2و3و4و5و6و7و8...وده كلو لا يتجاوز نيفاشا ودستور 2005..العيب في حزب المؤتمر اوطني وليس في نيفاشا ولا يوجد اي واحد في الناس المصوريين فقو اكثر ذكاء من جون قرنق او محمود محمد طه او السيد عبدالرحمن المهدي حتى ...عشان يقدم تصورات جديدة تتخطى مشاريع الناس ديل...رغم رحيل الفرسان الثلاث اعلاه رموز السودان الحقيقيين...لانهم مدارس سودانية خالدة واتحداكم في اي مناظرة هنا في الراكوبة وبي الوثائق ...