لمن حولوا التعليم من سادسة لسنة تامنة ..إستشاروا منو ؟ لمن فتحوا معسكرات الدفاع الشعبي وفرضوا ادبياتهم وغناهم ..إستشاروا منو ؟ لمن ودوا الطلبة الصغار لحرب الجنوب وماتوا في الغابات ...إستشاروا منو ولمن جابو كتاب إسموا الانسان والكون ..إستشاروا منو ؟ لمن عملوا (البكور) وقوموا شفع الروضة بين نايمين وصاحين يداقشو في عتمة الليل ...أستشاروا منو ؟
بالمناسبة أنا ملاحظ أنو اخوانا من ناس الإنقاذ (التكتيك) الوحيد المقعدهم في الراهن وفاتح حلوقهم للنقد والبكاء على الوطن والاسلام والدولة السنية البهية ، هو الإستفادة القصوى من (ضعف الذاكرة السودانية ) . حاتم الياس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة