♧ من العبَّاساب..و مباشرتن للدَّقَلاب £

π السغيرون تعال راجع£
أمس يا جماعة سمعت ليك جارنا بتكلم ليه مع واحد.. قال ليه
أمبارح يا أخوي حلمان حلمت الخير.. بالجمعة ٱخر الليلة نائمن..
اللهم اجعله خير .. قال ليك الكيزان ديل رجعوا تاني استلموا الحكم..
وهم يكبرو و يهللو.. ونحن نقةل خيد يا البگاء ولموا ليك فينا دق
من طرف.. وكل شويه يسألونا.. عرفتوا فرقتنا.. ونحن نجاوب..
والله عرفناها والله العظيم عرفناها.. دقوونا يدقنا البلاء.
وبعد ما دقونا دقه بنت كلب .. فعلن نستاهل.. دقشوا ليك
الخرتوم دي محل بشوشتي كان بنوم و تيارة دا بقوم ..ظفوا
ليك الشوارع دي من الوساخة والعفونيات ديك لحسوها لامن
عدموهو طفاي النار.. ورجعوا ليك النظام العام ودقوا ليك البنات
المنطلقات أم فگو ديلك دق العيش.. والوليدات أبان شعيرات
ديلك ظعكو ليهم ليك يا زول صلعه عديييل.. والامور ظبطت
والامن استتب والبلد رجعت تش.
[} وعمك بشه رجع لنقزيهو و رقيصو داك تاني يا زول..
ونافع رجع تاني يهدد الناس بلحس الكوع.. والشوارع
رجعت تاني اتملت بأصحاب الدقون والكروش الگبيرة
و المؤخرات المستديرة.. والسوق يازول ظبطو ليك
تظبيطه جد.. والحاجات رخصت والناس فرحت.
[} وأنا ياني القدامك ده عندي لي فت 500 جنيه.. دقشت
ليك بيها سوق أم دفسو.. علي الطلاق.. ودا كلو في الحلم..
مشيت للجزار قلت ليهو.. أديني مسكول.. الساعة الهوب لي بالفرار
أنا قلت قطع راسي.. قلت لي مالك علي يا زول.. قال لي يا بني ٱدم
إت ماك نصيح!هسه يلقوا ليك فكة لل500 دي من وين؟!. قلت ليهو
لشنو هو المسكول بكم؟!.قال لي بخمسه جنيه.. بكيت بكيت بكيت و
«جرى دمعي بالمايك».. وقلت ليهو.. خلاص أديني 2 كيلو عمل ال2
كيلو.. قلت ليهو حسابك كم؟!.. قال لي 80 جنيه يلا «ورا البسنات
سكبت دموع و بكيت من غيريخس بيابكيت .. وأديتو قروشو.
[} بعدو مشيت لبتاع السلطهدات و الملطات مديت ليهو 50 جنيه وقلت
ليهو أدينا سلطة.. عاين لي كدااا.. وقام قال لي.. ات آآآزول ماك نصيح؟!..
سلطة شنو الدايرا بى50 جنيه؟!. ات عندك وليمم؟!.. قلت ليهو لالا.. قال لي
خلاص أنا بجيهك تب.. ردم لي سلطة لمن انا قلت ليه يا زول كفاك دي كتيرة
دي.. وقلت ليهو حسابك كم؟!.. قال لي 5 جنيه.. وتااااااني.. بكيت وبكيت وبكيت.
ومشيت من عندو لبتاع العيش قال لي 20 عيشه ب20 جنيه.. فكيتا ليك تاني بكيت.
وشلت عيشي ومشيت لناس الفواكه.. ردمت ليك فواكه ردم واديتو 10 جنيه..
وأجرت لي تكتك للبيت ب10 جنيه.. وقمت حسبت باقي قرووشي لقيتم
ليك الباقي لي 385 جنيه فغت لا غير.
[} أها.. قمت صرخت ليك بأعلى حسي يا الكيزان والله قروشكم
النهبتوها والاختلستوها والسرقتوها من الشعب السوداني ده حلال
عليكم ونحن عافين ليكم تب حرررم.. ودا جت في الحلمه.
[} وفجأة كده أحس ليك بي نهزة في صفاقي أتاريها دي
البغلة جنبي في الأبريق.. وهي بتقول لي ها راجل ها..
إنت جنيت؟!. يا راجل بقيت تهضرب وإنت نايم؟!..
قوم قمقم عصبك في تسعة طويلة نط علينا!!