|
|
 Re: النيابة العامة تعلن عن وظائف لابناء المنط (Re: زهير عثمان حمد)
|
Quote: لا (اظن) في اى وقت من اوقات السودان الـ 64 سنة الماضية, كان تم التعيين للوظائف العامة بناءا علي الكفاءات, الا ببعض الاكسسوارات.
الارجح انها الواسطة التى تسببت في فشل الخدمة المدنية في السودان. |
الواسطة الجاهلية مش بس الواسطة.
دي الحقيقة يا أخ محجوب، الواسطة قد تكون سبب لطيف جداً.
الحقيقة هي عقلية المكاسب ووراثة المناصب لود (شيخ) فلان و(حاج) علان، لفترة طويلة جداً
عاصرنا معتمدين وولاة ومدراء شركات وبنوك هم أحفاد مباشرين لدجالين ومشعوذين وشيوخ طرق يعتقدون في (حق الخمس).
| Quote: يمكن الرجوع الي كشوفات العاملين في كل الوظائف الحكومية في كل الوزارات الاتحادية و سوف تجد النسب غير ما متوقع. طبعا يجى واحد يقول ديلك الكفاءات و لا يوجد كفاءات في تلك المناطق و الان سوف تتدنى مستوى الخدمة المدنية بسبب هؤلاء الذين سوف يتم تعيينهم |
شلة جهلة وفاشلين ليس إلا، دا سبب البكاء على وظائف عامة اعتادوا توارثها وتبادلها.
والمعيار هنا الحالة الوصل ليها أكبر قطر زراعي بإمكانه انتاج الغذاء لكل القارة، بيشحدوا القمح باسم الدولة.
==================================================================
Quote: Omwaleed Mohammed
هل نسبة العاملين بالخدمة المدنية من دارفور والمنطقتين لا تتناسب مع عدد خريحيهم من الجامعات؟؟؟
واين يحب ان تحسب هذه النسبة في الخرطوم كولاية ام في باقي الولايات ام في ولايات دارفور فقط ام في كل السودان ككل؟؟؟
هذا لن يحل مشكلة بل سيراكم الغبن ويوسع الهوة بين ابناء الوطن فليكن المعيار الكفاءة فقط وليس بالبندقية ما ذنب من يقيم في جزيرة بالشمالية بدون ماء
او كهرباء او اي خدمات حكومية ودرس في مدرسة متهالكة ولكنه نجح واراد ان ينافس ولكنه استبعد اصلا من المنافسة
بسبب الجهوية فقط بينما من عاش وتربي ودرس وسط الخرطوم سيسمحوا له بالمنافسة بسبب الجهوية فقط |
نجي نفكك العقلية البتتكلم بيها صاحبة التعليق أعلاه.
| Quote: هل نسبة العاملين بالخدمة المدنية من دارفور والمنطقتين لا تتناسب مع عدد خريحيهم من الجامعات؟؟؟ |
ونسألك بالمقابل، كم مدرسة في كل ولايات دارفور مقارنة بمحلية الحصاحيصا مثلاً؟
وكم نسبة مواطني دارفور والمنطقتين مقارنة بكل مناطق السودان؟
ولما تحصري التوظيف في الخدمة العامة على (عدد الخريجين) فدا يقودنا مباشرة لنموذج المخلوق المتعلم الأوصى
بحصر مشاريع الطاقة شمال خط 17.5، ليه؟ شوفي الفكرة الشيطانية تحت:
Quote: انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه
17 ونص!17 ونص!
+++
قبل كم سنه فى تشاد والصينيين شغالين بترول ومجالات تانيه يعنى مستفيدين من البلد .قالو يعملو مشاريع ابار لحل مشكله العطش .
عملو شنو ؟
فى كل قريه من القرى الى اتبرعو بحل مشكلتها عملو مضخه يد بدائيه (المعروفه للجميع من عشرات السنين) وحوض اسمنت.
كان غالبهم ييتبرعو بمضخات طاقه شمسيه توفر مجهود وزمن سحب المياه من البير .
لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
Re: 17 ونص!Re: 17 ونص!
|
صاحب الفكرتين أعلاه (موظف في جهاز الدولة) برضك، أكاديمي كمان، وتشاد مجرد رمز لدارفور لو ما عارفة.
واحد يدمر والتاني يبرر ، (جهاز دولة شعبي).
يبقى الفكر الشيطاني في تبرير كميات الخريجين ونسبتها (لاستحقاقهم) من الوظيفة العامة مقرون بإهلاك الحياة
في مناطقهم وجعلهم في حالة صراع دائم على الموارد الطبيعية رغم وفرتها، بما يجعل حتى التعليم الأساسي حلم ورفاهية
ودي في الواقع طريقة تفكير جمعي بالمناسبة عند الجماعة البيتمخطوا ديل، وهي ذات الطريقة البيفكر بيها مخلوق تاني هنا:
Quote: والآن بين يدي معلومات سوف تنزل في مقال عن أنَّ كل الدولارات التي دخلت البلد منذ العام 2014 إلى 2020 تم تخصيصها للولايات الغربية.
وليس هذا وحسب، بل إنَّ جارة الولاية الشمالية مصر، أعطت الولاية الشمالية تخصيصاً أدوية لمكافحة حمَّى الوادي المتصدع (ليس حباً في الولاية الشمالية ولكن خوفاً من أن ينتقل المرض إليهم)، ولكن تم تحويلها لولاية شمال دارفور، وأعطوا الولاية الشمالية منها مائة درب فقط لاغير؛ وعلى ذلك قِسْ.
وانتظر مقالي يا عزيزي الذي يفصل المخصصات المالية التي ذهبت لغرب السودان منذ العام 2014 إلى الآن.
Re: بقاء المد الثوري حيَّاً، حوَّل انقلاب andquot;Re: بقاء المد الثوري حيَّاً، حوَّل انقلاب andquot; |
فالاتنين بذات عقلية الاستخفاف والرفض لأي خير (مستحق) باتجاه أطراف السودان.
يبقى لما يكون (التذاكي احصائياً) ناتج عن خلفية جهوية كسبوية فدا ما معيار ولا مرجع.
كفاية تعرفي إنو في العام 2001 لما (جهاز الدولة) أرسل مبعوث بصلاحيات رئيس جمهورية لدارفور وجد
إنو المعلمين ستة شهور ما صرفوا مرتباتهم، ودي ذات العقلية البتجي تقلب يدينها وتكلمنا عن (الكفاءة ونسبة الخريجين).
هاك القصة:
سنة 2001 والي غرب دارفور كان اسمه إبراهيم يحيى بداية ثورة أهل دارفور، عليه الرحمة عرفت إنو توفي.
لما كان بيطالب (المركز) بمساعدته عشان يحل المشاكل الصغيرة البدأت وكانت مجرد مطالبات بتوفير الخدمات في الإقليم
ما لقى الإجابة في الوقت المناسب، لأنو الخزينة والبنك والقرار كانت عند أبناء الشمال في المالية وبنك السودان.
وبعد ما المعارك ولعت، (المركز) رسل مبعوث رئاسي لدارفور برتبة فريق، من أبناء الشمال وتم إعفاء الوالي (لعدم كفاءته)!
المبعوث كان بصلاحيات رئيس جمهورية، لقى المعلمين ستة شهور ما صرفوا رواتبهم، ويمكن التكهن بالسبب!
المبعوث صرف ليهم فوراً رواتبهم من (الكاش) الأخدوا من الوزارة والبنك بواسطة نفس الناس الأهملت طلب الوالي
المبعوث شال معاهو شنط حديد مليانة قروش من نفس الخزنة والبنك والوزارة الاتثاقلت على الوالي
لأنو الخزنة والبنك والوزارة كانت تحت يد الناس الاتثاقلت على ابن دارفور ومعلمي دارفور.
يبقى المدارس تقيف، والبلد تتعطل، وتصبح وظيفة تعليم الأجيال غير جاذبة لأحد
والحروب تدور على الموية وعلى أي مورد متاح، لأنو العندو القلم عايز دا يحصل، إقليم فاشل!
وعشان يظهر ابن دارفور فاشل في نظر أهله بينما يظهر واحد من آخر على أنه المنقذ المخلص الكفؤ.
وعندما كان علي محمود يشتكي من عدم توفر سبعة برميل جازولين يومياً لإنارة نيالا (أيام البترول)
كان "عطا المنان" يتم تزويده بالكراكات وجاز الكراكات فيقول الناس ولدنا فاشل والمنان أعطانا.
وعشان تجي واحدة تطلع بخلاصة إنو:
(نسبة العاملين بالخدمة المدنية من دارفور والمنطقتين تتناسب مع خريجيهم من الجامعات)
مش كدة ولا أنا غلطان؟
___
دا بقى التعريف لمصطلح (جهاز الدولة)، واضح إنو شمل حتى المواطن الحاقد على أهل دارفور.
Quote: هذا لن يحل مشكلة بل سيراكم الغبن ويوسع الهوة بين ابناء الوطن فليكن المعيار الكفاءة فقط وليس بالبندقية ما ذنب من يقيم في جزيرة بالشمالية بدون ماء
او كهرباء او اي خدمات حكومية ودرس في مدرسة متهالكة ولكنه نجح واراد ان ينافس ولكنه استبعد اصلا من المنافسة
بسبب الجهوية فقط |
مين (أبناء الوطن) ديل؟
هل هم طيارين الانتونوف ولا الموظفين الحرموا معلمي دارفور من مرتباتهم ولا المتباكين على منح الآخرين حقوقهم؟
ماهو الغبن متراكم من قبل الاستقلال، البكاء والنحيب يبدأ الليلة لما المظلومين بدوا يقلعوا حقهم؟
ولما نجي نكلمك عن الجزر أحب اقتبس نموذج (جزيرة) واحدة بس:
Quote: أنا من منطقة اسمها الجزيرة مقرات ريفي ابو حمد الإقليم الشمالي
هذه الجزيرة يمكن حساب عدد الذين سكنوها خلال مائة سنة
العدد لا يزيد عن بضعة آلاف
عدد الذين استوزروا في حكومات السودان منذ الاستقلال يزيد على عشرة
أذكر منهم بدون ألقاب وأترحم على من رحل:
عبد الرحمن عبد الله
وعبد الله أحمد عبد الله
ومحمد الشاذلي
محجوب البدوي
عثمان النافع
صلاح كرار
معتصم عبد الرحيم
طيب، هذه الجزيرة التي أفتتحت فيها أول مدرسة أولية بالمنطقة عام 1918
لا يزال سكانها يقضون حاجتهم في العِدوة أي الخلاء العراء
ويستضيئون بالفوانيس ويغسلون ملابسهم على الحجارة في قيفة البحر!!
Re: 17 ونص!Re: 17 ونص!
|
ونموذج (استلام البلد) قبل وصول الشرذمة (الما متعودة على قيادة دولة)
Quote: من/ما هي القيادات التي ستسيطر على الفترة الانتقالية وتمنع سرقة الثورة
أقصد سرقتها بواسطة قادة الأحزاب الديناصورات أو عناصر الكيزان في الجيش
أو المليشيات المسلحة المتشرذمة الما منضبطة ولا متعودة على قيادة دولة
Re: كيف يفرز الشارع قيادات تستلم البلد؟Re: كيف يفرز الشارع قيادات تستلم البلد؟
|
الغبن انتي قايلاهو بيتراكم كيفن غير بالممارسات دي؟
دي جزيرة واحدة طلعوا منها أكتر من عشرة وزراء (حسب الذاكرة) وكلهم أقارب، فحدثينا شوية عن الجهوية الذكرتيها فوق؟
وكونهم ما قدموا خدمات لمناطقهم (حسب وصفك) فدا ما الموضوع هنا، الوطنية والاحساس بالانتماء دي حاجة ما في يد الجهة الأوزرتهم،
الشيء التاني، عقلية المغانم والمكاسب هي الدافع الوحيد للنموذج المقراتي أعلاه، ولذلك النتيجة الطبيعية هي إهمال
المنطقة ناهيك عن إهمال الوطن (بكامله) والأصلاً ما موضع اهتمام عند من لا يعتقد في انتماءه للقاره برمتها (الهوية).
فهل كمية الوزراء العشرة (حسب الذاكرة) أعلاهم كان معيار اختيارهم الكفاءة في ظل (مدارس متهالكة) زي ما وصفتيها
فهل كانوا عباقرة اقتصاد وتنمية ولا هي إلا الجهوية والطمع؟
==================================================================
Quote: لو قامت بالتحقيق المحكمة الجنائية الدولية
يكون اقوم بالذات الجرائم ضد الانسانية
وال فيها تعذيب ( لعدم الثقة المتبادل وحتي
نضمن وجود جهات دولية تستطيع التوثيق حتي
لا يتكرر ما حدث وحتي لا تكون مبالغات ) |
مبالغات؟
مبالغة أبلغ من قولة (راس جهاز الدولة كله) بأنهم قتلوا عشرة ألف مواطن (فقط) ولأتفه الأسباب؟
فلما كان (جهاز الدولة) في دارفور يرفض فتح البلاغات في قضايا الانتهاكات كان الغرض هو إتاحة الفرصة،
عشان نسمع كلمة (مبالغات) بكل استخفاف بحياة اانسان دارفور.
Quote: هم رضوا بالنسبة دي
الاصح تعداد سكاني ( احتمال كبير يكون
عددهم أكبر من النسبة ) المعضلة ح تكون
التوزيع العادل لمكونات الاقليم . |
التوزيع دا ما شغلة أي زول من خارج المنطقة، أهل المناطق أدرى بحقوقهم وكيفية إدارتها، فات زمن الوصاية.
==================================================================
| Quote: ممكن تورونا المنطقتين ديل شنو!!!؟؟؟؟؟؟؟؟ |
ولا حتى عارفاهم أو سمعت بيهم، خليكم من قضيتهم العادلة.
و(العقدة) من عدم معرفة الأسماء ومش من الجرائم الفضحتها الهيئات والمنظمات واعترف بيها (جهاز الدولة).
==================================================================
Quote: Darfortization
على وزن :- Emiratization
وعلى وزن :- سعودة الوظائف ...
بعد شوية كل زول (بدون) يشوف ليهو
كفيل دارفوري ...
+++
وبالتأكيد ورونا وعلمونا الطريق الصحيح لنيل المكتسبات ...
دا مدماك في الطريق لي لعبه اسمها شلعت ... |
|
|
 
|
|
|
|
|
| العنوان |
الكاتب |
Date |
 النيابة العامة تعلن عن وظائف لابناء المنطقتين ودارفور | زهير عثمان حمد | 12-20-20, 11:19 AM |
| Re: النيابة العامة تعلن عن وظائف لابناء المنط | محمد البشرى الخضر | 12-20-20, 11:39 AM |
| Re: النيابة العامة تعلن عن وظائف لابناء المنط | Yasir Elsharif | 12-20-20, 11:48 AM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-20-20, 11:54 AM |
| Re: النيابة العامة تعلن عن وظائف لابناء المنط | محمد المسلمي | 12-20-20, 11:58 AM |
| Re: النيابة العامة تعلن عن وظائف لابناء المنط | زهير عثمان حمد | 12-20-20, 11:59 AM |
| Re: النيابة العامة تعلن عن وظائف لابناء المنط | Yasir Elsharif | 12-20-20, 12:01 PM |
| Re: النيابة العامة تعلن عن وظائف لابناء المنط | امتثال عبدالله | 12-20-20, 01:16 PM |
| Re: النيابة العامة تعلن عن وظائف لابناء المنط | Al Sunda | 12-21-20, 06:08 AM |
| Re: النيابة العامة تعلن عن وظائف لابناء المنط | Salah Zubeir | 12-21-20, 07:47 AM |
| Re: النيابة العامة تعلن عن وظائف لابناء المنط | علي عبدالوهاب عثمان | 12-21-20, 08:03 AM |
| Re: النيابة العامة تعلن عن وظائف لابناء المنط | حاتم إبراهيم | 12-21-20, 12:54 PM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-21-20, 01:46 PM |
| Re: النيابة العامة تعلن عن وظائف لابناء المنط | Mahjob Abdalla | 12-21-20, 01:53 PM |
| Re: النيابة العامة تعلن عن وظائف لابناء المنط | زهير عثمان حمد | 12-21-20, 02:26 PM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-21-20, 02:36 PM |
| Re: النيابة العامة تعلن عن وظائف لابناء المنط | Salah Zubeir | 12-21-20, 06:33 PM |
| Re: النيابة العامة تعلن عن وظائف لابناء المنط | امتثال عبدالله | 12-21-20, 07:39 PM |
| Re: النيابة العامة تعلن عن وظائف لابناء المنط | Salah Zubeir | 12-21-20, 08:05 PM |
| Re: النيابة العامة تعلن عن وظائف لابناء المنط | Abdelrahim Mohmed Salih | 12-22-20, 00:29 AM |
| Re: النيابة العامة تعلن عن وظائف لابناء المنط | حاتم إبراهيم | 12-22-20, 07:56 AM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-22-20, 08:14 AM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-22-20, 08:28 AM |
| Re: النيابة العامة تعلن عن وظائف لابناء المنط | Salah Zubeir | 12-22-20, 09:54 AM |
| Re: النيابة العامة تعلن عن وظائف لابناء المنط | Salah Zubeir | 12-22-20, 02:55 PM |
| Re: النيابة العامة تعلن عن وظائف لابناء المنط | حاتم إبراهيم | 12-23-20, 09:05 AM |
| Re: النيابة العامة تعلن عن وظائف لابناء المنط | Salah Zubeir | 12-23-20, 01:01 PM |
| Re: النيابة العامة تعلن عن وظائف لابناء المنط | محمد المسلمي | 12-23-20, 01:18 PM |
| Re: النيابة العامة تعلن عن وظائف لابناء المنط | Salah Zubeir | 12-23-20, 01:33 PM |
| Re: النيابة العامة تعلن عن وظائف لابناء المنط | اخلاص عبدالرحمن المشرف | 12-23-20, 08:44 PM |
| Re: النيابة العامة تعلن عن وظائف لابناء المنط | Mahjob Abdalla | 01-05-21, 02:41 AM |
| Re: النيابة العامة تعلن عن وظائف لابناء المنط | Mahjob Abdalla | 01-05-21, 02:43 AM |
| Re: النيابة العامة تعلن عن وظائف لابناء المنط | Mahjob Abdalla | 01-05-21, 02:44 AM |
|
| |
حاتم إبراهيم
فيس بوك
تويتر
انستقرام
يوتيوب
بنتيريست