|
Re: انه شىء ابشع من الرق يا وزير الصحة (Re: ود محجوب)
|
سلام عليكم يا اخوانا... في حاجات بسيطة بس عاوز اوضحها بالنسبه لاضربنا كنواب اختصاصين. انت كطبيب عشان تبقى نائب بتمتحن امتحان صعب و معقد في مجلس التخصصات الطبية و اغلب الناس ما بتنجح من اول مرة... رسوم الامتحان ده كانت 1000 ج اخر مره ما عارفا زادت او لا.. قصاد الالف ج دي انت ما بدوك قزازاه مويه.. امتحان طويل وعريض ببدا من الساعه 8 صباحا وبنتهي 4 عصرا وفي تخصصات زي الجراحه بتمتحن في 3 ورقات كل ورقه ساعتين... متوسط الممتحنيين بكون 4000 كل طبيب بدفع 1000 ج دي 4 مليون ج (4 مليار) بتدخل المجلس كل 6 شهور وزي ما قلت ليكم ما بدوك قزازاه مويه في الامتحان.. نجي لي مرحله ما بعد الامتحان... يا سقطت وعدت الدوامه دي لحدي ما ربنا يفرجا عليك.. ولا نجحت وبي كده تعتبر نائب اخصائي وتبدا رحله المعاناه.. اذا انت ما عندك وظيفه في الوزاره زي اغلب الاطباء حتستنا التوزيع ولما يطلع حتمشي تدفع مبلغ 10000ج(10 مليون) مقابل التدريب في المستشفيات سنويا.. والان تم رفع المبلغ الى 20000ج( 20 مليون) سنويا... مده التدريب في الجراحه مثلا 5 سنوات يعني المجمل 100000ج (100 مليون) بدفعا النائب للمجلس قصاد تدريبو لي مده 5 سنوات لحدي ما يخلص ويبقا اخصائي... دا كلو ما مشكله في ناس باعو حاجات شخصيه وفي الاتسلف عشان يقدر يدفع الرسوم دي ويبدا التخصص.. تعال شوف بعداك... انت ملزم تجي المستشفي اقل شي 5 ايام في الاسبوع عندك عياده محوله تجر معاك لحدي نص اليوم.. عندك عمليات عادي تطلع المغرب او العشاء.. عندك نبطشبه 24 ساعه كل اسبوع علي الاقل... ودا كلو بدون اي مقابل ولا بتاخد اي تعريفه... طب انا اعيش كيف...؟؟ اذا افترضنا انك عزابي ساي ما عندك زوجه ولا اطفال بتصرف عليهم.. ولا بتدي ناس بيتكم قروش وساكن مجان.. عشان تصل المستشفي وترجع داير ليك يوميا 500 ج مواصلات و فطرت سندوتش فول بي 100 ج وما تشرب شاي ولا اي شي وترجع تتغدا في البيت.. دي 600 في 26 يوم اذا طلعنا الجمعه والسبت مع انو ممكن عادي تجي وتكون نبطشي كمان كده داير ليك 15600ج في الشهر ولاحظ انت ما صرفت غير مواصلات وسندوتش فول فقط...يعني ماشلت لي ناس بيتكم ولا حتي رطل لبن.. دا غير النبطشيه الفيها غدا وعشا وكلام كتير وكلو من جيبك.. دا من غير ما يكون عندك اطفال ومدارس وايجار ومافي داعي اشرح اكتر.. لو مرضت ساي ما في مستشفي حيعالجك مجان وقبال فتره كان في بوست بطلبو دعم لي طبيبه وقعت في النبطشيه ودخلت العنايه الكثفه في مستشفى خاص وكانت بالملاييين.. لو واحد من اولادك مرض الا تبيع هدومك... لانو ما عندك تامين زي باقي البشر... عشان كده النائب بطلع المغرب يمشي يسد في مستشفي خاص ولا يشتغل ترحال ويكون بايت 3 يوم بره البيت عشان يقدر يوصل المستشفي وياكل وجبه فطور... عشان كده في عدد كبير من الدكاتره اتوفو في النبطشيات من الارهاق والضغط النفسي... الحكومه ممكن توفر المليارات والعربات الانفنيتي لي اعضاء السيادي والحركات المسلحه وتستوعبم وقادره انها توفر مرتبات لعشرات الالاف من الناس الما ليهم اي لازمه لكن صعب انو يوفرو مرتبات لي 7 الف نائب بيشتغلو زي المكنات في المستشفيات عشان تكفيهم شر التسول والحاجه... انا بعرف نواب بتسلفو من اخوانم عشان يجو النبطشيات... اي زول فيكم لو خصمو من مرتبو ممكن يخلي الشغل... فما بالكم بالشغال مجان.... النواب اعلنو الاضراب الجزئي لمده 10 ايام تنتهي غدا وبعدها سيتحول الاضراب الى شامل وحتي اللحظه لم يستجب لهم احد... النواب اضربو لانهم ببساطه وبدون تعقيد بقو ما قادرين يجو الشغل لانهم مفلسين ولانهم تعبو جسديا ونفسيا.... د. سامر عبدالقادر.. نائب جراحه مضرب... منقول تعديل نرجو مشاركة المنشور على اوسع نطاق حتى يتم تمليك الحققيقة للمواطنين حتى يشعروا ويحسو بالمعاناة ... دا تنوير بسيط بعد رفض وكالة سونا للانباء لاستضافة الزملاء للتنوير وشرح اسباب الاضراب *#اضراب_نواب_الاختصاصين*
|
|
|
|
|
|
|
العنوان |
الكاتب |
Date |
انه شىء ابشع من الرق يا وزير الصحة | ود محجوب | 12-07-20, 01:36 PM |
Re: انه شىء ابشع من الرق يا وزير الصحة | ود محجوب | 12-07-20, 01:41 PM |
Re: انه شىء ابشع من الرق يا وزير الصحة | ود محجوب | 12-07-20, 03:33 PM |
Re: انه شىء ابشع من الرق يا وزير الصحة | نعمات عماد | 12-07-20, 03:46 PM |
Re: انه شىء ابشع من الرق يا وزير الصحة | Asim Ali | 12-07-20, 04:14 PM |
Re: انه شىء ابشع من الرق يا وزير الصحة | ود محجوب | 12-07-20, 07:38 PM |
Re: انه شىء ابشع من الرق يا وزير الصحة | عمر التاج | 12-07-20, 04:20 PM |
Re: انه شىء ابشع من الرق يا وزير الصحة | محمد المسلمي | 12-07-20, 05:50 PM |
Re: انه شىء ابشع من الرق يا وزير الصحة | علي عبدالوهاب عثمان | 12-07-20, 06:19 PM |
Re: انه شىء ابشع من الرق يا وزير الصحة | ود محجوب | 12-07-20, 07:48 PM |
Re: انه شىء ابشع من الرق يا وزير الصحة | ود محجوب | 12-07-20, 07:42 PM |
Re: انه شىء ابشع من الرق يا وزير الصحة | ود محجوب | 12-07-20, 07:40 PM |
Re: انه شىء ابشع من الرق يا وزير الصحة | ود محجوب | 12-07-20, 07:35 PM |
Re: انه شىء ابشع من الرق يا وزير الصحة | Hani Arabi Mohamed | 12-07-20, 07:29 PM |
Re: انه شىء ابشع من الرق يا وزير الصحة | Abdullah Idrees | 12-07-20, 07:39 PM |
Re: انه شىء ابشع من الرق يا وزير الصحة | Abdullah Idrees | 12-07-20, 07:39 PM |
Re: انه شىء ابشع من الرق يا وزير الصحة | ود محجوب | 12-07-20, 07:56 PM |
Re: انه شىء ابشع من الرق يا وزير الصحة | ود محجوب | 12-07-20, 07:52 PM |
Re: انه شىء ابشع من الرق يا وزير الصحة | محمد الأمين موسى | 12-07-20, 08:25 PM |
Re: انه شىء ابشع من الرق يا وزير الصحة | ود محجوب | 12-08-20, 10:35 AM |
Re: انه شىء ابشع من الرق يا وزير الصحة | Ali Alkanzi | 12-07-20, 08:30 PM |
Re: انه شىء ابشع من الرق يا وزير الصحة | Abdelrahim Mohmed Salih | 12-08-20, 01:42 AM |
Re: انه شىء ابشع من الرق يا وزير الصحة | ود محجوب | 12-08-20, 10:48 AM |
Re: انه شىء ابشع من الرق يا وزير الصحة | ود محجوب | 12-08-20, 10:40 AM |
Re: انه شىء ابشع من الرق يا وزير الصحة | ود محجوب | 12-08-20, 10:52 AM |
Re: انه شىء ابشع من الرق يا وزير الصحة | نعمات عماد | 12-08-20, 12:54 PM |
Re: انه شىء ابشع من الرق يا وزير الصحة | ود محجوب | 12-08-20, 07:18 PM |
Re: انه شىء ابشع من الرق يا وزير الصحة | Abdelrahim Mohmed Salih | 12-08-20, 08:01 PM |
Re: انه شىء ابشع من الرق يا وزير الصحة | ود محجوب | 12-09-20, 12:45 PM |
Re: انه شىء ابشع من الرق يا وزير الصحة | عبدالعظيم عثمان | 12-10-20, 04:42 AM |
Re: انه شىء ابشع من الرق يا وزير الصحة | ود محجوب | 12-10-20, 11:36 AM |
|
|
|