فكرت أبقى كوز ، بس ما عارف ابدأ من وين ؟

مرحبا Guest
اخر زيارك لك: 05-02-2024, 11:50 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
11-21-2020, 02:09 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3422

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: فكرت أبقى كوز ، بس ما عارف ابدأ من وين ؟ (Re: عمر التاج)

    بمجرد ان ولجت قدماي الباب، وتقدمت بخطوة واحدة فاجأني صوت "حمزة" .
    - قف.
    وقفت متسمرا ونظرت في وجهه بقوة ..
    - انت كرعيك ديل ملولوات كده مالن ؟
    حاولت ان أستعجل الرد فاذا باحد أعضاء اللجنة يجيبه بانجليزية ساخره ..
    - الظاهر عليه بمشي بالمقلوب هه هااااا.
    ورد ثالث :
    - ممكن يكون واقع من راس بيت أو مصاب عمليات ..
    - انت مصاب عمليات ولا واقع من شجرة؟ ، ساكت مالك يازول؟ .. وكمان أبكم ..
    كل هذا السيل مر علي في ظرف ثانية ، قبل أن استعيد رباط جأشي وأرد عليهم بهدوء..
    - ربنا خلقني كده.
    -ربنا خلقك "ملول" كده ..
    - لا أبدا ، خلقني في أحسن تقويم .
    - وكمان "لديح" وفصيح،
    رد علي بتاع الانجليزي.
    - وعامل فيها بتاع دين..
    عقب آخر .
    وأخيرا قال "حمزة" :
    - كدي أمشي لمولانا "ابراهيم" داك وعلمه اصول الدين بتاعك ده وتعال راجع لينا..
    مولانا ابراهيم كان راجل طيب وساهم في استعادة رباط جأشي، قال لي حافظ كم جزء في القرآن يا ولدنا؟ فأجبته :
    - أنا ما بحفظ بالأجزاء، لكن بحفظ سور وآيات متفرقة ..
    - والحكمة شنو ما بتحفظ بالاجزاء؟
    - أنا طالب حاسوب ما طالب علوم شرعية، وبحفظ من القرآن ماتيسر لي ويساعدني على أداء وفهم العبادات وتأويل علوم العصر.
    - ماشاء الله .. شكلك فيلسوف .. طيب في الحديث كيف ؟
    المهم سألني كم سؤال، وطلب مني كم دليل في أصول الفقه والعبادات والاقتصاد، وأجبت بثقة .. عندها ابتسم وقال لي خلاص أنا مريت مني ، لكن البمررك من بتاع الانجليزي شنو؟
    استاذ الانجليزي فتح الكمبيوتر القدامه وشغل فيديو صغير ثم سألني ..
    - فهمت شنو؟
    ترجمتها له كاملة، ولحسن الحظ كان يتحدث عن موضوع قريب جدا من تخصصي وبحث تخرجي .. بعدها نظر الينا حمزة وقال لنا .
    - بتتراطنوا براكم في شنو؟ ، كدي تعال هنا وكلمني بالدارجي ، انت من وين ؟
    - ساكن جبرة .
    - ماسالتك ساكن وين ، قلت لك أنت من وين ؟
    - أصلا من نهر النيل ..
    - نهر النيل دي شنو؟
    - ولاية طبعا ..
    - ولاية ولا محافظة ولا مديرية ولا اقليم ، ولماذا ؟
    - ولاية .. وكانت فيها خمسة محافظات ..
    - طيب مادمت قلت ولاية أذكر حدودها ومحافظاتها ..
    - بتحدها الولاية الشمالية والبحر الاحمر وكسلا والقضارف والخرطوم .
    - وكردفان مابتحدها؟
    - أبدا شمال كردفان مجاورة للولاية الشمالية وليست نهر النيل ..
    - طيب نهر النيل علاقتها شنو بمصر؟
    - بتمتد في شكل شريط ضيق لحدي مصر وتفصل البحر الاحمر من الشمالية ..
    - يازول انت شغال في الحكم الفدرالي ولا شنو؟ طيب قول لي المحليات بتاعتها ..
    المهم مسكتها ليهو من الحدود المصرية، الى ان وصلت الخرطوم .. منطقة منطقة .. ومدينة مدينة ، ويحمد للرجل انه ماقاطعني ابدا ، الي ان قلت له .. انتهت، وعندها نظر في ورقي وقال لي:
    - انت ورقك ده مزور ..
    - أبدا ما مزور ..
    - ما مزور كيف وانت ما خاتمه في التعليم العالي؟
    - ختم الشهادة في الوزارة مايباخد أكثر من يومين وخمسين جنيه.
    - وانت ماعندك الخمسين جنيه؟
    - ماكانوا عندي اليومين .. لاني استخرجت الشهادة اليوم ..
    - يعني جايينا طازج ..
    - حديث.
    - والزبير ده بتعرفه من وين؟
    - من نهر النيل؟
    - من وين في نهر النيل؟
    - من أم الطيور
    - من ياتو حتة في أم الطيور ؟
    - أم الطيور كلها حتة واحدة ..
    - يازول انت من قبيل بتكضب في نهر النيل قابلني أنا من الحبشة؟
    - لا أبدا.. لكني بعرف ولايتي أكثر من أي زول ولافيها حتة حتة ..
    - طيب لو عايز تمشي من عطبرة لكسلا بتمشي كيف؟
    - بمشي بالطريق البري مع نهر عطبرة حتى حلفا الجديدة ومنها ساعتين لكسلا..
    - وحصل انت مشيت بالطريق ده ولا عايز تعملوا لينا جديد ؟
    - أيوة مشيت.
    - طيب لو عايز تمشي من شندي للقضارف تمشي بوين؟
    - بمشي بالطريق القومي حتى الخرطوم ثم مدني ثم القضارف..
    - ولو ما عايزك تجي الخرطوم؟
    - بمشي بالبطانة واشق الساسريب ..
    - حصل مشيت بالساسريب .
    - أيوة ، كتير.
    ماشاء الله يا ابن بطوطة، طيب وغير نهر النيل بتعرف وين في السودان ..
    - الخرطوم .. عشت فيها.
    - وغير الخرطوم..
    - كسلا ولدت واتربيت فيها ..
    - وغيرها ..
    زرت بورتسودان والقضارف والجزيرة والنيل الأبيض والدمازين وسنار والابيض .. و .
    - مافضل ليك الا تقول مشيت جوبا ..
    - أيوة مشيت ..
    - شفت جوبا
    - أيوة ..
    - طيب وصف لي الاحياء الفيها ..
    - ماقعدت فيها كتير لكن شفت حي كتور وملكية وجبل لادو و...
    - كفاية كضب يازول ، مزور الشهادة وكمان عايز تزور المدن الزرتها ..
    -لا أبدا والله .. أسألني من أي منطقة قلتها ليك ..
    - طيب خلينا من ده كله ، المدير العام بتاعنا أسمه منو؟
    - "حمزة" .
    - هههه ، حمزة ده أنا يا برلوم .. انت شكلك ماعارف نفسك زاتو وين ..
    - في الحقيقة ما بعرف أسم المدير ، لكن أوعدك اذا اشتغلت معاكم أعرفهم واحد واحد ..
    - تشتغل معانا شنو يا زول .. انت موهوم ؟
    قال الجملة الأخيرة ورمى الورق للشاب أب عضلات وقال له ، خلي البرلوم ده يمشي يقابل " الباشمهندس أحمد" يشوفوا كان بنفع معاهم في الحاسب ولا لا؟
    نهضت من عندهم وخرجت ممتعضا من المعاملة ، فخورا بما قدمت ، واثقا من ردودي.. وفعلا بعد يومين اتصل بي احدهم وقال لي عندك امتحان في برج كذا .. تذهب اليه الساعة ٦ ص والا فاتت عليك الفرصة.. وفعلا كنت عندهم في تمام السادسة، وجدت اسمي ضمن ١٣ آخرين عند الاستقبال، ودخلت الاختبار التحريري والقدرات ، اجتازه منا ١٠ .. ثم تم عمل اختبار عملي لي اخر في قسم الحاسب كان بالنسبة لي أسهل مايكون، وبعد اسبوع تم الاتصال بي لاعمل الكشف الطبي.. ومن يومها وجدت نفسي ضمن طاقم مؤسسة انقاذية صرفة تعج بالكيزان .. قضيت فيها عدة سنوات من عمري واعتبرتها مطية لمرحلة أخرى، قبل أن انطلق لدنيا الاغتراب وأقضي فيه ردحا من عمري ..
    في المداخلات القادمة سأحكي باختصار أبرز محطات وجودي في هذه المؤسسة .. ولكن بعد فاصل من الردود.

    (عدل بواسطة عمر التاج on 11-24-2020, 07:15 PM)






                  

العنوان الكاتب Date
فكرت أبقى كوز ، بس ما عارف ابدأ من وين ؟ عمر التاج11-21-20, 07:54 AM
  Re: فكرت أبقى كوز ، بس ما عارف ابدأ من وين ؟ Salah Zubeir11-21-20, 08:07 AM
    Re: فكرت أبقى كوز ، بس ما عارف ابدأ من وين ؟ muntasir11-21-20, 08:11 AM
    Re: فكرت أبقى كوز ، بس ما عارف ابدأ من وين ؟ عبدالحفيظ ابوسن11-21-20, 08:11 AM
      Re: فكرت أبقى كوز ، بس ما عارف ابدأ من وين ؟ علاء سيداحمد11-21-20, 08:59 AM
        Re: فكرت أبقى كوز ، بس ما عارف ابدأ من وين ؟ عمر التاج11-21-20, 09:19 AM
          Re: فكرت أبقى كوز ، بس ما عارف ابدأ من وين ؟ عمر التاج11-21-20, 09:43 AM
            Re: فكرت أبقى كوز ، بس ما عارف ابدأ من وين ؟ محمد البشرى الخضر11-21-20, 10:10 AM
            Re: فكرت أبقى كوز ، بس ما عارف ابدأ من وين ؟ عمر التاج11-21-20, 10:14 AM
              Re: فكرت أبقى كوز ، بس ما عارف ابدأ من وين ؟ عمر التاج11-21-20, 11:57 AM
                Re: فكرت أبقى كوز ، بس ما عارف ابدأ من وين ؟ Deng11-21-20, 12:33 PM
                Re: فكرت أبقى كوز ، بس ما عارف ابدأ من وين ؟ tasneem11-21-20, 12:39 PM
                Re: فكرت أبقى كوز ، بس ما عارف ابدأ من وين ؟ عمر التاج11-21-20, 12:54 PM
                  Re: فكرت أبقى كوز ، بس ما عارف ابدأ من وين ؟ عمر التاج11-21-20, 01:08 PM
                    Re: فكرت أبقى كوز ، بس ما عارف ابدأ من وين ؟ عمر التاج11-21-20, 02:09 PM
                Re: فكرت أبقى كوز ، بس ما عارف ابدأ من وين ؟ علاء سيداحمد11-21-20, 01:36 PM
                  Re: فكرت أبقى كوز ، بس ما عارف ابدأ من وين ؟ عمر التاج11-21-20, 04:14 PM
                    Re: فكرت أبقى كوز ، بس ما عارف ابدأ من وين ؟ عمر التاج11-21-20, 04:52 PM
                      Re: فكرت أبقى كوز ، بس ما عارف ابدأ من وين ؟ Deng11-21-20, 05:25 PM
                        Re: فكرت أبقى كوز ، بس ما عارف ابدأ من وين ؟ Haytham Ghaly11-21-20, 06:00 PM
                          Re: فكرت أبقى كوز ، بس ما عارف ابدأ من وين ؟ Arif Nashed11-21-20, 06:10 PM
                        Re: فكرت أبقى كوز ، بس ما عارف ابدأ من وين ؟ عمر التاج11-21-20, 06:43 PM
                  Re: فكرت أبقى كوز ، بس ما عارف ابدأ من وين ؟ Asim Ali11-21-20, 06:23 PM
                    Re: فكرت أبقى كوز ، بس ما عارف ابدأ من وين ؟ عمر التاج11-21-20, 06:55 PM
                      Re: فكرت أبقى كوز ، بس ما عارف ابدأ من وين ؟ علاء سيداحمد11-21-20, 08:56 PM
                        Re: فكرت أبقى كوز ، بس ما عارف ابدأ من وين ؟ عمر التاج11-22-20, 07:12 AM
                        Re: فكرت أبقى كوز ، بس ما عارف ابدأ من وين ؟ عمر التاج11-22-20, 07:12 AM
                          Re: فكرت أبقى كوز ، بس ما عارف ابدأ من وين ؟ adil amin11-22-20, 07:25 AM
                            Re: فكرت أبقى كوز ، بس ما عارف ابدأ من وين ؟ محمد أبوالعزائم أبوالريش11-22-20, 08:08 AM
                              Re: فكرت أبقى كوز ، بس ما عارف ابدأ من وين ؟ عمر التاج11-22-20, 11:35 AM
                                Re: فكرت أبقى كوز ، بس ما عارف ابدأ من وين ؟ عمر التاج11-23-20, 07:20 AM
                                Re: فكرت أبقى كوز ، بس ما عارف ابدأ من وين ؟ Haytham Ghaly11-24-20, 09:19 AM
  Re: فكرت أبقى كوز ، بس ما عارف ابدأ من وين ؟ عبدالله محمد أحمد11-23-20, 05:18 PM
    Re: فكرت أبقى كوز ، بس ما عارف ابدأ من وين ؟ نصر الدين عشر11-23-20, 07:48 PM
      Re: فكرت أبقى كوز ، بس ما عارف ابدأ من وين ؟ صديق مهدى على11-23-20, 08:01 PM
        Re: فكرت أبقى كوز ، بس ما عارف ابدأ من وين ؟ عمر التاج11-23-20, 09:48 PM
          Re: فكرت أبقى كوز ، بس ما عارف ابدأ من وين ؟ احمد عمر محمد11-23-20, 10:04 PM
            Re: فكرت أبقى كوز ، بس ما عارف ابدأ من وين ؟ عمر التاج11-24-20, 04:35 PM
              Re: فكرت أبقى كوز ، بس ما عارف ابدأ من وين ؟ عمر التاج11-24-20, 05:01 PM
                Re: فكرت أبقى كوز ، بس ما عارف ابدأ من وين ؟ عمر التاج11-24-20, 05:09 PM
                  Re: فكرت أبقى كوز ، بس ما عارف ابدأ من وين ؟ علي عبدالوهاب عثمان11-24-20, 05:16 PM
                  Re: فكرت أبقى كوز ، بس ما عارف ابدأ من وين ؟ عمر التاج11-24-20, 05:51 PM
                    Re: فكرت أبقى كوز ، بس ما عارف ابدأ من وين ؟ عمر التاج11-24-20, 07:31 PM
                      Re: فكرت أبقى كوز ، بس ما عارف ابدأ من وين ؟ عمر التاج11-25-20, 08:11 AM
  Re: فكرت أبقى كوز ، بس ما عارف ابدأ من وين ؟ محمد محمد قاضي01-09-21, 09:43 PM
    Re: فكرت أبقى كوز ، بس ما عارف ابدأ من وين ؟ امتثال عبدالله01-10-21, 00:40 AM
      Re: فكرت أبقى كوز ، بس ما عارف ابدأ من وين ؟ معاوية المدير01-10-21, 02:03 AM
        Re: فكرت أبقى كوز ، بس ما عارف ابدأ من وين ؟ اخلاص عبدالرحمن المشرف01-10-21, 04:52 AM
          Re: فكرت أبقى كوز ، بس ما عارف ابدأ من وين ؟ عمر التاج01-10-21, 09:55 AM
  Re: فكرت أبقى كوز ، بس ما عارف ابدأ من وين ؟ محمد محمد قاضي01-10-21, 01:52 PM
    Re: فكرت أبقى كوز ، بس ما عارف ابدأ من وين ؟ عمر التاج01-10-21, 04:35 PM
  Re: فكرت أبقى كوز ، بس ما عارف ابدأ من وين ؟ محمد محمد قاضي01-12-21, 05:27 AM
  Re: فكرت أبقى كوز ، بس ما عارف ابدأ من وين ؟ محمد محمد قاضي01-21-21, 06:27 AM
    Re: فكرت أبقى كوز ، بس ما عارف ابدأ من وين ؟ عمر التاج01-21-21, 01:21 PM
      Re: فكرت أبقى كوز ، بس ما عارف ابدأ من وين ؟ HAIDER ALZAIN02-15-21, 08:09 PM
  Re: فكرت أبقى كوز ، بس ما عارف ابدأ من وين ؟ محمد محمد قاضي02-15-21, 12:49 PM
    Re: فكرت أبقى كوز ، بس ما عارف ابدأ من وين ؟ muntasir02-15-21, 10:42 PM
  Re: فكرت أبقى كوز ، بس ما عارف ابدأ من وين ؟ محمد محمد قاضي02-17-21, 01:10 PM
    Re: فكرت أبقى كوز ، بس ما عارف ابدأ من وين ؟ عمر التاج02-17-21, 03:43 PM
      Re: فكرت أبقى كوز ، بس ما عارف ابدأ من وين ؟ HAIDER ALZAIN04-04-21, 12:47 PM
        Re: فكرت أبقى كوز ، بس ما عارف ابدأ من وين ؟ عمر التاج04-04-21, 01:00 PM
  Re: فكرت أبقى كوز ، بس ما عارف ابدأ من وين ؟ محمد محمد قاضي04-04-21, 03:12 PM
  Re: فكرت أبقى كوز ، بس ما عارف ابدأ من وين ؟ محمد محمد قاضي04-04-21, 03:27 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de