|
|
 Re: جبريل ابراهيم, كان شغلوك بموضوع رغيف ناس ا (Re: Mahjob Abdalla)
|
تعرف يا محجوب أنا لسة ما سمعت خطبة جبريل العصماء رغم إنها كانت حديث الوسائط طوال اليومين الفاتو
ما سمعتها لأني ما عاوز حلول من كوز
اكتفيت حد التخمة من الكيزان والمتأسلمين وما بقدر اسمع ليهم مهما كانت موضوعية حديثهم
لا أملك حرمانهم من الحديث أو الممارسة السياسية بما تيسر من اتفاقيات لكن استطيع منع نفسي من الإنخداع بطلاوة حديثهم
بخصوص الرجوع للأرياف الموضوع ليس عقوقاً من سكانها
ببساطة وانت في الريف لن تجد أساسيات الحياة لإبنائك
لو زول ساي اتضايق بالليل محتاج عملية زائدة دودية والدنيا خريف ممكن ما تقدر تمرق من القرية عشان تفتش مستشفى تنقذ بيها حياته
ما حتلقى تعليم كويس لي أولادك ولا خدمات كهرباء مستقرة وانترنت
الناس دي هاجرت الخرطوم لما الإنقاذ قفلت كل أسباب الرزق في الولايات
عندنا في الجزيرة دمرت المشروع الزراعي الكان عايش الجزيرة كلها وقفلت المصانع وحاربت الرأسمالية المحلية
أمسك ليك مثال واحد بس اللي هو رجل الأعمال السابق المرحوم فتح الرحمن البشير مهندس مصالحة 77 دة كان فاتح عدد من المصانع في منطقة جنوب الجزيرة أبرزها مصنع الحاج عبد الله للغزل والنسيج .. لما جات الإنقاذ حاولت استمالته وهو سياسي محنك رفض اغراءاتهم فكان التضييق والمحاربة والضرائب والجبايات لحدي ما أجبر على إغلاق أعماله اللي أنشأها في منطقته عشان يخدم بيها مواطني جنوب الجزيرة واحداً تلو الآخر وفقد الآلاف من منطقة سنار وظائفهم البتكفل ليهم الحياة الكريمة في قراهم .. الآن قريته البريّاب شبابها كلهم مهاجرين
مشيت قرية ود الشافعي جنوب مدني اندهشت جداً لنظامها وترتيبها ومبانيها الجميلة رغم إنها شبه فاضية لما سألتهم قالوا لي القرية دي زمان كانت رئاسة السكة حديد عشان كدة متطورة ولما جات الإنقاذ واعدمت السكة حديد انتهت
متذكر حلويات الكريمت؟ أشهر حلاوة بقرة في السودان .. مصنعها كان في قرية نائية في المناقل برضو طلعوا عينهم لحدي ما قفلوا
أولاد أبو زيد الهلالي في منطقة المناقل كانوا شايلين البلد كلها عمالة في مصانعهم لحدي ما اتقفلت
مصنع الصداقة الصينية السودانية للغزل والنسيج في الحصاحيصا كان شايل محافظة الحصاحيصا بالكامل .. بصاته بتجيب العمالة من أقاصي قرى المنطقة .. يعني لو ماشي أي قرية هناك بس تمشي المصنع وتسأل من بص القرية اللي بيودي العمال ويجيبهم وتركب معاهم .. برضو تم إغلاقه
مدارس القرى الحكومة ما بتوفر ليها أي حاجة .. أنا شفت بي عيني مدرسة ود شنتور فيها 6 فصول و4 أساتذة .. الاستاذ بشتغل فصلين في نفس الوقت .. يكتب لي ديل في السبورة يقول ليهم أنقلوا ويمشي يكتب لناس الفصل التاني
شفت مدرسة الماطوري وهي معتمدة بالكامل على أبناء القرية اللي بيقروا في الجامعات يجوا يدرسوا في إجازاتهم
قريبي ودته الظروف لقرية بيّت فيها وطقته عقرب .. سواق لوري أداهو عرق قال ليه أمضغو دة العلاج الوحيد عندنا لأنه مافي مركز صحي في القرية ولا جمبنا مستشفى قريب
الرجوع للقرية طوعاً في الظروف الحالية ما خيار إلا للمضطر لأنه مافي زول مقتدر بغامر بي صحة وتعليم أولاده .. الارتباط بكون في الإجازات فقط
مالم تشمل التنمية الولايات بإجراءات حكومية تبدأ بإغلاق مراكز الجامعات الولائية في الخرطوم وتفتح فرص الاستثمار المغري في الولايات وتدعم التعليم في المناطق البعيدة وتملأ حوجتها قبل حوجة الخرطوم ما حيتصلح الريف
فتح الاستثمار في الولايات بإجراءات مغرية زي إعفاءات ضريبية لمدة سنتين مثلاً وتيسير الإجراءات .. يعني مناطق زراعة الطماطم لو الحكومة عملت فيها عطاء لإنشاء مصنع صلصة مثلاً بشروط تشغيل العمالة الوطنية المصنع دة حينهض بالمنطقة بالكامل .. وحتى لو ما عملتها شركة مساهمة عامة وإنما فتحتها للاستثمار الخاص بإعفاءات وشروط تحمي المنطقة رأس المال حيجي لأنه عندنا أيام الناس بتخلي الطماطم تموت في مزارعها بسبب إنه الحصاد والترحيل أغلى من سعرها
|
|
 
|
|
|
|
|
| العنوان |
الكاتب |
Date |
| جبريل ابراهيم, كان شغلوك بموضوع رغيف ناس الخرطوم, عصيدة اهلنا في انتظارك تبرد | Mahjob Abdalla | 11-18-20, 01:26 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-18-20, 01:28 PM |
| Re: جبريل ابراهيم, كان شغلوك بموضوع رغيف ناس ا | Hani Arabi Mohamed | 11-18-20, 01:54 PM |
| Re: جبريل ابراهيم, كان شغلوك بموضوع رغيف ناس ا | muntasir | 11-18-20, 02:04 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-18-20, 07:15 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-18-20, 07:21 PM |
| Re: جبريل ابراهيم, كان شغلوك بموضوع رغيف ناس ا | قسم الفضيل مضوي محمد | 11-18-20, 08:17 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-18-20, 09:39 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-19-20, 02:02 PM |
| Re: جبريل ابراهيم, كان شغلوك بموضوع رغيف ناس ا | علي عبدالوهاب عثمان | 11-19-20, 08:58 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-19-20, 10:34 PM |
| Re: جبريل ابراهيم, كان شغلوك بموضوع رغيف ناس ا | ترهاقا | 11-20-20, 02:16 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-20-20, 02:42 AM |
| Re: جبريل ابراهيم, كان شغلوك بموضوع رغيف ناس ا | elsharief | 11-20-20, 02:50 AM |
| Re: جبريل ابراهيم, كان شغلوك بموضوع رغيف ناس ا | عبدالعظيم عثمان | 11-20-20, 03:27 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-20-20, 03:34 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-20-20, 03:35 AM |
| Re: جبريل ابراهيم, كان شغلوك بموضوع رغيف ناس ا | أحمد محمد عمر | 11-20-20, 06:18 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-20-20, 09:44 PM |
| Re: جبريل ابراهيم, كان شغلوك بموضوع رغيف ناس ا | علي عبدالوهاب عثمان | 11-20-20, 10:28 PM |
 Re: جبريل ابراهيم, كان شغلوك بموضوع رغيف ناس ا | Asim Ali | 11-20-20, 10:40 PM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-21-20, 02:42 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-21-20, 02:47 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-21-20, 02:55 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-21-20, 03:54 AM |
| Re: جبريل ابراهيم, كان شغلوك بموضوع رغيف ناس ا | ترهاقا | 11-21-20, 04:02 AM |
| Re: جبريل ابراهيم, كان شغلوك بموضوع رغيف ناس ا | muntasir | 11-21-20, 08:03 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-21-20, 10:03 PM |
| Re: جبريل ابراهيم, كان شغلوك بموضوع رغيف ناس ا | elsharief | 11-22-20, 00:51 AM |
| Re: جبريل ابراهيم, كان شغلوك بموضوع رغيف ناس ا | Mahjob Abdalla | 11-22-20, 03:16 AM |
| Re: جبريل ابراهيم, كان شغلوك بموضوع رغيف ناس ا | ترهاقا | 11-22-20, 03:40 AM |
|
| |
فيس بوك
تويتر
انستقرام
يوتيوب
بنتيريست