عمر القرموطى من نماذج الشباب البيتقدم محتوى جيد لكن المشكله فى ماعون اللغه والمضطلح البيقدم لبهو الماده بتاعتو ودا محتاج برضو وقفه ودعم من الخبرات رغم انو نوع الرساله البيقدمها الاجيال القديمه قبل الانترنت والوسائط لاخبره تذكر ليها فى المجال دا الا ان كان نوع الاستانداب كوميدى ومسرح الرجل االواحد ومن جهه تانيه يبدو انو بيجهز الماده تسجيل ومونتاج بامكانيات متواضعه لكن يبدو فيها الابداع> ملاحظ انو احيانا بيتناول مواضيع تعتبر تابوهات ومسكوت عنها فى قنوات زى قناتو او وسائط التواصل فى مجتمعنا السودانى بقدم حلقتين من قناتو مع اعتذار مقدما على بعض مايعتقد انو الفاظ خارجه لكنها لغه ساريه فى اوساط الشباب من الجنسين يعنى لغه مابعيد عن الواقع او خارجه بمعايير الاجيال القديمه (دت موضوع تانى محتاج ناس علم الاجتماع فى المنبر يفتحو لينا) دى مختارات وفى مواضيع تانيه بيتناول فيها مواضيع العاده السريه والافلام الاباحيه والدجل والشعوذه ....الخ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة