في السودان فوضى المدارس الخاصة عادي جدا

Quote: مع مجيء الحكومة اليسارية الهوى دي والقلبها على الغلابة الناس اتوعدت سماسرة المستشفيات الخاصة الفندقية وناس المدارس الخاصة بان التسونامي جاييهم وحيتم اقتلاعهم وايقاف العبث بحياة المواطن والمتاجرة في قوته وعلاجه وتعليمه فحيتم حاااالا الغاء تراخيص كل المدارس الخاصة والمستشفيات الفندقية لكن الان خوفة اصحاب المستشفيات واصحاب المدارس راحت خلاص وعرفوا ان دي حكومة مفلسه قروش وفهم فبقوا شغالين عادي في ظل العيش التجاري والبنزين التجاري والمواطن التجاري يعني سستم الكيزان لازال شغال بل الواضح إنه لي قدام حيستمر ويزداد ويتطور كمان عندك قروش تتعلم وتاكل وتشرب وتتعالج ما عندك تفطس زول شغال بيك ماف غض النظر عن الحاكم منو كيزان ولا شيوعيين لا فرق الا في اختلاف الاهازيج والشعارات لكن الواقع أياهووو ذاتو الماابغبانا فعلا تعش رجبا ترى عجبا