Quote: نصيحتي لإخوتي الأمريكان: شيلو الصبر والزول خلوه يكمل ولايتو التانية عشان الأمور تعدي على خير، واستفيديو من تجربتنا فقد صبرنا على الرقاص ثلاثة عقود.
|
♡سلامنا حااار لكاتبنا/ أبو الريش وجماعتو.
● علا عين العقل نصيحتك أخونا محمد اللمين موسى.
تحين قُتلي يخلوه العكليتة ياكل عهدتين!سمح وكان طمع
يخرتا رجالة و يحكم مدى إلا يستلموها منو منكر و نكير .
● ياخ طريتني أيام اللنقليز قالو الخواجة صمد الحواشات
كان يجي راكب حصانو حايم بي كرباجو فوق ترابلتنا للما بشتغل .
فمرة لقاهم عاملين عيتنوبة زي نظام ترفيه و كدي. فنزل العلج العاطل
عجبتو اللعبة و قعد يعمل معاهم دواس. فيقوم عمنا أمحُمَّد ود طاشين
أعمنو معضل و شارب السمن يحنكلو يشيلو المبغبغ و يخبت بو الدلجة
لامن عجاجتو تعكل، و كلما يقوم يرفع رويسو تاني يكمجو ليك. المعفن
قنت ..و بطنو طمت داير يقضف و وشو حمَّر بقى متل قرعة الكارجقل !!
فشنو ،جماعتنا لاوزو منو يقوم يصفر يستعديلم نجدة عسكرية غاشمة.
فبقو يهدو في زولم : خلاس أمحمد، كفاه العولاق دا بعدا أقع ليو ساي
ما يقوم كمان ينحمق يجيب لينا نصيبتن ضقلا يكركب ؛ و بعدينك
عاد نقعد نكوس يحلنا الحل بلة من القيد و المذلة !!