|
|
 Re: فصل الدين عن الاخلاق !! (Re: عبدالحفيظ ابوسن)
|
مرة عندي شنط جاية كارغو
بعد مروحوني فيها كويس ودفعوني حق المروحة دي رسوم ارضية رغم إني بادي اجراءاتها من يوم وصلت وهم المتأخرين علي .. المهم بعد رضو عننا ضباط الجماك اتصل بي المخلص وقال كمل جميع الاجراءات حقة الشنط وحيستلمهم بكرة الصباح وشدد علي إني لازم اجي بدري عشان هو ما حيقدر يتصرف في الشنط بعد يطلعن الشارع
سألته التقول 10 مرات تاني مافي أي اجراء وهو يضحك يقول لي يا زول لحدي الوصل البتطلع بيه الشنط أهو دة في يدي بكرة ما علي إلا أمشي استلمهم واطلع بس انت خليك قريب وجيب معاك عربية
ركبت البص من مدني آذان الصبح .. مشيت السوق العربي على بال ما الأمور تنتهي
اتصل علي يا زول انت وين أنا خلاص طالع بالشنط .. أجرت عربية من السوق العربي ومشيت على المطار
لما وصلت لقيتو منتظرني برة قال لي الضابط المفروض يوقع على وصل خروج الشنط صايم الستوت وقال تعب من الصيام مشى البيت يرتاح !!
الكلام دة 10 صباحاً !! طيب مافي زول يمسك مكانه؟ قال لي لأ إلا يوقع هو ذاتو حتى تطلع الشنط .. هو مافيش تقيف كل الاجراءات
يعني هسة هو متصالح مع إنه يسيب شغله عادي كدة ويمشي ينوم في البيت وحريقة في المنتظرين لكن ما بقدر يأجل صيام الستوت لي يوم تاني؟؟!!
المهم الضابط اليوم داك قطع شك بكون عدى اليوم كلو نايم تحت المكيف بلا شغل بلا بطيخ ووقت الفطور بكون بدأ بالتمر تأسياً بالنبي ودعا ثبت الأجر إن شاء الله وهو متأكد إنه خلاص غفر له وكأنما صام الدهر
|
|
 
|
|
|
|
|
| العنوان |
الكاتب |
Date |
| فصل الدين عن الاخلاق !! | عبدالحفيظ ابوسن | 10-17-20, 10:09 AM |
| Re: فصل الدين عن الاخلاق !! | أحمد محمد عمر | 10-17-20, 10:44 AM |
| Re: فصل الدين عن الاخلاق !! | عبدالحفيظ ابوسن | 10-17-20, 11:26 AM |
| Re: فصل الدين عن الاخلاق !! | علي دفع الله | 10-17-20, 02:17 PM |
| Re: فصل الدين عن الاخلاق !! | عبدالحفيظ ابوسن | 10-17-20, 02:39 PM |
| Re: فصل الدين عن الاخلاق !! | عبدالمنعم الطيب حسن | 10-17-20, 03:36 PM |
| Re: فصل الدين عن الاخلاق !! | عبدالحفيظ ابوسن | 10-18-20, 04:50 AM |
| Re: فصل الدين عن الاخلاق !! | Haytham Ghaly | 10-18-20, 06:22 AM |
| Re: فصل الدين عن الاخلاق !! | عبدالحفيظ ابوسن | 10-18-20, 06:17 AM |
| Re: فصل الدين عن الاخلاق !! | عبدالحفيظ ابوسن | 10-20-20, 07:27 AM |
|
| |
فيس بوك
تويتر
انستقرام
يوتيوب
بنتيريست