كمال عبيد!!! في جوبا.....

Quote: أبدا يا منعم ولا واحد في المية! واوسي مشكلته كهربا بتقطع و بنزين غالي و خبز دقيق فينو مش كدا! بتاع دارفور و جبال النوبة و النيل الازرق ما سمع اساسا بالكهربا ولو اديته بنزين ما حيعرف يعمل بيه شنو وما بياكل دقيق الفيني بتاعنا دا واساسا مشكلة الاكل و البنزين و الكهربا رفاهية بالنسبة لمشاكله الحقيقية! اتولد وعاش في معسكر او في كركور و ما بقدر يطلع خطوات برة يجيب حطب يولع بيه النار ولما الدنيا تليل بتاع واوسي بكون شايل هم الكهرباء تقطع هو بكون شايل هم الليلة تعدي بدون زيارة الانتنوف و إلقاء التحية عليه ببرميل التي ان تي! طالب واوسي اهو كدا كدا بلقى بوكسي ملح يوصله مركز الامتحان القريب منه حيث بلقى طربيزة وكرسي و سقف يضلل عليه, بتاع دارفور بتكون شفت الصورة بتاعة امتحاناتهم في الواطة على الأحجار تحت الشمس فا لو اديته 15% من مقاعد الجامعة شوية كدا تزيل بيها الغبن التاريخي وتتيح ليهم اللحاق بالتنمية الفاتتهم شايفها كتيرة! طيب ما مشكلة ياخدوها من نسب القبول الخاص القاربت على الخمسين في المية