《3》
●يلا الزول دا مما(تبزوهو) بحقنة أب نيني دي و تاني عينك ما تعرف
ظاطو منو اللي طفى النور. بالله تقول بس معبنها شطة قبانيت كافرة
بس و كبوها (زرقوها ) ليو بورا في فتحة الشرج . يلا بعد 5 دقائق قام
يولول و يسرخ. حير فهمم زاتو . تاني عادوا الفحوصات و الزول دا يناهف
و يسرخ بأعلى حسو. قام أخساوي الغفلة أظنو تعلمجي ساي .. وقف حمارو
في العقبة و قال ليهم إذا عندكم زاملة و إمكانيات خُمُّو زولكم دا سوقوه الخرتوم
بكان ناس البُلهان دا و الكضباشي ديل قاعد يتندلو ينومو و تيارة دا زاتو بقوم
..أهل العيان قالوا جدن..جابولم دفار أجروه إسعافدفعولو دم قلبم؛ و اللخساوي
أمر ممرض من عندو يتعشبط يركب يمش معاهم و أداهم كمان عدد 2 حقنة
احتياطي و حرشو قال ليو : الزول دا لو سمعتو قنت قال بغم ساي ، و قام
يسوي في جنس سرخيوهو ديل رشو منهن بالتانية عشان بهجس .. أها
وكت بقو في نص المشوار كديجيهة قرية 7 ود اللبيح و لا ود النجومي،
بلد عربينا محمد موسى ، و لسة العيان يكورك . قام التمرجي أصلو
ما مقق ليو راح ماعرو ليك بالحقنة التانية .. قال ليهم عاد
دي كان ما لحقتو أهل الكهف هاكم أمعطو شنبي دا.
(عدل بواسطة دفع الله ود الأصيل on 09-30-2020, 07:45 AM)