|
Re: الدولار يصل ٥٠٠ جنية مع بداية العام الجدي� (Re: امتثال عبدالله)
|
البلابل عنهن امتثال لكن برضه ابتسام اسم جميل...لكن ما معقولة هي بسمات وانا ابتسام...واساسا نحن نسينا البسمة في الغربة القساية ومن فقع المرارة من تصرفات الحكومة الانتقالية .. طبعا ما حتصدق اذا قلت ليك ان تجار العملات وصلوا سعر الدولار امس ٣٠٠ جنيه ... يعني حتفتكر مع بداية العام الجديد حيصل كم ............................... الغير الاسم دا ما أنا .. دا الكى بورت .. لو انا غيرت الاسم بضح طوالى .. الحمدلله الكى بورت ما مشى بعيد ابتسام بسمات بسومة ياهم البلابل ذاتا اسم على مسمى .. على العموم بما انى صاحب الكى بورت مديون ليكم بالضبيحة . ........... متوقع الارتفاع الجنونى للدولار .. الحكومة مفروض تكون عندها الحلول جاهزة .. مش تتفاجأ فى كل شىء .. بعد ما الفاس وقع فى الرأس و اللجنة الاقتصادية فشلت قالوا عايزين يعملوا مؤتمر اقتصادى .. اول شئ تجئ اللجنة الاقتصادية تقر بالفشل و ثانيا تعتزر انها ضيعت زمن فى حلول وهمية خدعت الشعب .. ثالثا تلملم خلقاتها و تغادر المسرح السياسى ..دا هو بداية الحل الصحيح .. شوف فلاحتهم نفس الناس الفاشلين منتظرين يمدوهم بالحلول ليقودوا التغير .. غرضهم يكونوا فى السلطة جاهلين ما جاهلين يكونوا فى القيادة .. ما بقدموا استقالتهم ابدا .. هم قاعدين قاعدين بالقوة بالرجالة .. إذا الشعب عايز يساعدهم يساعدهم .. و اذا ما عايز يساعدهم هم قاعدين فى السلطة إلى أن يقضى الله أمرا كان مفعولا .. دى القصة يا امتثال . الانسان الجاهل لا يستخدم الحكمة .. بل يستخدم العنف لتحقيق أغراضه .. الآن هم فى انتظار الشعب أن يمدهم بالشرعية لاستخدام العنف .. لن يستخدموه ضد المخربين بل ضد من يفكر فى تغيرهم فى المستقبل .. لانهم هم المخربين للاقتصاد كيف يحاربون أنفسهم . الحل بسيط جدا .. يحتاج إلى قرار واحد فقط .. من غير قطع رقاب و سجن من غير دليل ملموس .. لكنها عمى البصيرة نقول شنو .
|
|
|
|
|
|
|
|
|