أكان الحالة وِصلت لكِدا قوموا أدِفنو فطيصتكم والبركة فينا ؤ فيكم ...

Quote: Nadir Hamad كلامك اعوج يا ود المدير، معقول بعد 30 سنة موت ودمار وسرقة وعذاب داير ترجعنا القرون الوسطى من جديد؟ ياخي دة وضع انتقالي ورث بلد مدمرة ومنهوبة بالكامل، وزادت عليها كورونا لخبطت الدنيا كلها الدول الراسية اتهزت، وفيضان ما حصل من 100 سنة ودولة عميقة شغالة مضاربة في الدولار عشان تركع البلد حقد ساكت، وشغالة توقظ في فتن كانت دافناها تحت النار سنين، وعسكر متواطئين شغالين صالح ورقهم لا هماهم بلد تحرق ولا تنتهي، انتظر الانتخابات، ياخي حكم الشعب داير صبر، على الاقل الان ممكن ترفع صوتك في اي مكان وتقول رايك؟ولو زول سرق مليون جنيه بتلقاه في الجرايد تاني يوم، معقول داير ترجعنا بيوت الاشباح وحكم جهاز الأمن؟ داير ترجعنا شوية حرامية بأسم الدين يبيعوا ويشتروا فينا، يقسموا البلد بيناتم شوية صعاليك كتالين كتلا حرامية فاتوا ابليس بغادي؟ والشباب الماتت دي تروح ساكت سنبلة؟ عيب والله ياخي.البلد كانت محتلة من واحد من أجرم الانظمة في التاريخ، الناس اتحررت وضريبة الحرية دايرة صبر عشان البلد تتبني وتقوم، البلد كانت مريضة، والعافية درجات يا ود المدير، مافي زول فرحان بالكوارث الا الكيزان المجرمين الناقصين الحرامية كلاب السكك، الثورة ثورة حرية، كل حر مسئول من الدفاع عنها، وفي يوم قريب حيتحاسب الكيزان وتلمهم السجون ويطفحو كطل مليم سرقوه باعتراف كبارهم انفسهم.