|
|
 Re: الامارات .. اتفاق تطبيع مع اسرائيل (Re: osama elkhawad)
|
الحديث دة يا أسامة أول مرة سمعته في الابتدائي من استاذنا الاسلامي
وكلمنا عن شجر الغرقد البزرعوهو اليهود حالياً بكثافة في فلسطين عشان يتدسوا وراهو .. وكان تفكيرنا في محاربة الشجر اليهودي الكافر دة وهل المفروض المجاهدين يبدو بالشجر ولا اليهود؟
لما أعيد التفكير في الأيام ديك ما بشعر بي حنق عليهم ولا شايفهم تعمدوا الكذب .. بل ما كانوا بكذبوا أساساً .. المعلومات دي كانوا متأكدين منها شديد بينهم وبين نفسهم ومستعدين يدقوا 10 مصاحف قسم على صدقها
نفس الاستاذ كان بحدثنا بإعجاب وإلهام عن البطل الاسلامي القعقاع وبتذكر لما يجيب سيرته كلنا بنقعد نصفق في الفصل لأنه كان بمثل لينا رجل المستحيل (أدهم صبري) وكمان اتسمت بإسمه كتائب اسلامية في حرب الجنوب
لاحقاً عرفت إنه القعقاع شخصية خيالية وبطولاته كانت عبارة عن حدوتة اسلامية قبل النوم زيه وزي عبد الله بن سبأ اللي حملوهو وزر الفتنة الكبرى كلها وطلعوا منها الصحابة ملائكة أبرار لا يأتيهم الباطل من بين يديهم ولا من خلفهم
مشكلتنا مع اسرائيل دينية .. يعني العامة مقتتنعين بإنه لا يؤمن أحدكم حتى يقاطع اسرائيل .. والمسألة دي شائعة في كل شؤون الدين .. أغلب المعتقدات عبارة عن عادات لكن هي منزلة من عند ربنا غير قابلة للمناقشة .. كمثال اتناقشت مع جارنا حول الأضحية وهو مقتنع تماماً بإنه واجب على كل مسلم بل خلى زوجته العاملة حق أضحيتها لأهلها في السودان لأنهم ما محتاجين أضحيتين هنا
سألته ليه ضحيتين قال لي لأنه الأضحية واجبة على كل بالغ! سألته هل قرأ حديث يفيد ذلك قال لي لأ والله لكن دة الدرسونا ليه زمان
عذرته لأني شخصياً لم أفكر في موضوع الأضحية دة إلا بعد بوست لي د. أحمد الحسين في البورد هنا اسمه الأضحية غير واجبة لا على الغني لا الفقير (أو نحو ذلك) فقلت لجارنا نفس العبارة دي وقلت ليه هل تعلم إنه لا عمر بن الخطاب لا أبوبكر الصديق ما كانوا بضحوا! بل هل تعلم إنه ابن مسعود كان بقول أنا أغنى واحد فيكم لكن ما بضحي عشان الناس ما يفتكروها واجبة؟!!
طبعاً اندهش شديد وقال لي أكيد في حاجات غايبة عنك لأنك ما فقيه في الدين فما ممكن تكون أمة محمد دي كلها بتضحي 14 قرن وما فيهم زول عارف المعلومات الإنت عارفها دي!!
شنو الغايب عني؟ دي ما فكر فيها ولا محتاج يفكر .. فهو زي كل عوام المسلمين مقتنعين بإنه الدين محروس بالعادة والخير فيّ وفي أمتي .. إلخ
صاحبي طبيب اغترب في سلطنة عمان زوجته طبيبة متميزة جداً نائب أخصائي وباقي ليها امتحان واحد وتكمل التخصص
تركت الطب وتحولت لربة منزل لأنه بحسب كلامهم القانون في عمان يمنع ممارسة الطب بالنقاب! قناعتها الدينية بالنقاب خلتها ضحت بكل سنين دراستها وخبرتها ببساطة شديدة لأنه أمر الله غير قابل للمناقشة .. في حين إنها لو كلفت نفسها وبحثت بحياد في الموضوع يوم واحد بس حتكتشف إنه الحجاب ذات نفسه عادة خلي النقاب
|
|
 
|
|
|
|
|
| العنوان |
الكاتب |
Date |
| الامارات .. اتفاق تطبيع مع اسرائيل | جلالدونا | 08-13-20, 04:36 PM |
| Re: الامارات .. اتفاق تطبيع مع اسرائيل | Abureesh | 08-13-20, 04:42 PM |
| Re: الامارات .. اتفاق تطبيع مع اسرائيل | جلالدونا | 08-13-20, 04:44 PM |
| Re: الامارات .. اتفاق تطبيع مع اسرائيل | جلالدونا | 08-13-20, 04:49 PM |
| Re: الامارات .. اتفاق تطبيع مع اسرائيل | Abureesh | 08-13-20, 04:54 PM |
| Re: الامارات .. اتفاق تطبيع مع اسرائيل | Abureesh | 08-13-20, 04:55 PM |
| Re: الامارات .. اتفاق تطبيع مع اسرائيل | جلالدونا | 08-13-20, 05:02 PM |
| Re: الامارات .. اتفاق تطبيع مع اسرائيل | جلالدونا | 08-13-20, 05:10 PM |
| Re: الامارات .. اتفاق تطبيع مع اسرائيل | عبدالقادر محمد | 08-13-20, 05:35 PM |
| Re: الامارات .. اتفاق تطبيع مع اسرائيل | osama elkhawad | 08-13-20, 11:33 PM |
| Re: الامارات .. اتفاق تطبيع مع اسرائيل | اخلاص عبدالرحمن المشرف | 08-14-20, 04:02 AM |
| Re: الامارات .. اتفاق تطبيع مع اسرائيل | صديق مهدى على | 08-14-20, 11:39 PM |
| Re: الامارات .. اتفاق تطبيع مع اسرائيل | osama elkhawad | 08-15-20, 00:56 AM |
| Re: الامارات .. اتفاق تطبيع مع اسرائيل | osama elkhawad | 08-15-20, 01:20 AM |
| Re: الامارات .. اتفاق تطبيع مع اسرائيل | osama elkhawad | 08-15-20, 02:16 AM |
| Re: الامارات .. اتفاق تطبيع مع اسرائيل | أحمد محمد عمر | 08-15-20, 07:45 AM |
| Re: الامارات .. اتفاق تطبيع مع اسرائيل | حسن ادم محمد العالم | 08-15-20, 08:02 AM |
| Re: الامارات .. اتفاق تطبيع مع اسرائيل | osama elkhawad | 08-15-20, 04:27 PM |
| Re: الامارات .. اتفاق تطبيع مع اسرائيل | Ahmed Yassin | 08-15-20, 04:44 PM |
| Re: الامارات .. اتفاق تطبيع مع اسرائيل | osama elkhawad | 08-16-20, 06:26 AM |
| Re: الامارات .. اتفاق تطبيع مع اسرائيل | جلالدونا | 08-16-20, 05:02 PM |
| Re: الامارات .. اتفاق تطبيع مع اسرائيل | جلالدونا | 08-16-20, 06:06 PM |
| Re: الامارات .. اتفاق تطبيع مع اسرائيل | osama elkhawad | 08-16-20, 07:26 PM |
|
| |
فيس بوك
تويتر
انستقرام
يوتيوب
بنتيريست