ماذا تعرف عن "الهامش" في شمال السودان؟؟

Quote: تحياتي الشيخ! و تشكر علي offer الكريم ! حين ذكرت المشاريع و تموضعها في وسط و شمال السودان ، كان الاجدي ان اسال ماهي المشاريع التي اقيمت في دارفور و جبال النوبه و جنوب الازرق و شرق السودان في عهود الحكم الوطني ؟ هي الظلامات التي جعلت جنوب السودان دوله قائمه الان! سد مروي مثلا الذي صار عبئا علي دافع الضريبه السوداني وهو الفشل بذاته كبري ام الطيور كم يخدم من المواطنين مثلا مقارنه بمراكز النازحين في دارفور مسلخ الكدرو لماذا يقام في الوسط بدلا عن مناطق الانتاج وكذا مصفاه الجيلي! يقيني الراحل اروك يعلم اجابه سؤاله بعدم تمرد الشمال ،،،هل تتمردون علي ابنائكم؟!!! الكليه الحربيه و الوزارت السياديه نعم كلها مسيسه و جهويه و ترزح في الانانيه القبليه وهذا يفسر معظم الجنرالات في القوات النظاميه من منطقه جغرافيه صغيره ( عشره ميل مربع) سابحث عن احصائيه في هذا الصدد ،،،، ولذا ضربت مثل الانقسنا بتتفور من اول معاينه بجهويه مقيته مقارنه بمولود شندي وممكن تلقي قريبك ضابط مرموق يتوسط ليك قبل المعاينه حتي لو كانت بك (علل) وصارت الدائره الجهنميه تواصل الدوران في كل الازمان !! لا ذنب للترابله ولا الومهم بقدر الاعتراف بتحملهم بفشل ابنائهم في الحكم و استشراء الجهويه بفعل مقصود فهم استفادوا من حظوه الحكم بطريقه مباشره او غيرها!! اما التهميش الحقيقي فهو في مراكز النزوح و اللجوء و التوليد بالحبل و الفاقد التعليمي جراء الحمله الشعواء للجيش في جهات السودان المختلفه ،،،،لم يلجأ هولاء للبندقية الا للمظالم التي حاقت بهم (بعضها صارت مهنه زيها زي الجيش الجهوي) ما هو الحل يا الشيخ في هذا اللولب المستعر؟ يجب الاعتراف عشان نمشي قدام للتصحيح