ول ابا عتمان موسى..حبابك يا صديقي عيد سعيد وبخيت ، كتر خيرك على العبور هنا..والتحية لذاك الشاب.. زمان يا عتمان ، الواحد كان عندو فرقة وكت شوية..بتدي الزول فرصة البحث والمتابعة ، وذلك ايمانا برسالة المنبر في تبادل المعرفة والمثاقفة..يعني تجيب راس خيط ونجد فرصة في متابعة الخيط لتحقيق الدهشة والمتعة والجمال..وهو مثلما فعل صاحبنا وصديقنا ول ابا احمد ياسين..تديهو راس خيط تقول ليهو الزول السمين عازف الجيتار ، ويديك الإسم كاملا وتكتمل الصورة..! سوف ابحث عن هذا الشاب..وموسيقى وردي الواحد بقى يتعامل معاها بصورة الخيار والفقوس..بقينا يا صديقي أي حتة فيها استخدام كيبورد بنزوغ منها ..لأن تسجيلات وردي القديمة زي (الحزن القديم) وغيرها..مش بتخليك تشخط التراب ..ياخي دي بتفتح طاقات عجيبة..ياخي الواحد لمن يسمعها بيرجع لتفاصيل الزمن..زوق الناس..مزاجهم..طريقة لبسهم..اهتمامتهم..الخ..! زمان كنت متخيل الساكسفون الة خنشورة (عكس حنكوشة)..يمكن التجارب القليلة التي شفناها في امسودان..لكن اكتشفت انو هذه الآلة..فيها الصفتين..ممكن تكون هاردبيت.. Hard beat وممكن تكون ناعمة ورومانسية ..لدرجة ان هناك مواد كتير تساعد في العلاج النفسي عبر خلق لحظة الهدوء والطمأنينة..! ومع ذلك..لازالت في ذهني صورة عازف/ة الساكسفون كناس حواري متلهم ومتل ناس الجيتار الأكوستيك..!
كتر خيرك يا صديقي..واهديك الشابة سوزي ايزيس..وهي من نامبيا البلد الذي لا اعرف عنه كثيرا..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست