|
|
 Re: قراءة معاصرة لأحداث قديمة ، مازالت آثارها (Re: يحي قباني)
|
مرحباً بعودتك يا أبو ساندرا، وبالـ ( نيولوك ).
,والتحية لأرواح شهداء يوليو الذي صعدوا الدروات وفتحوا صدورهم للرصاص ببسالة نادرة ...
ﻫﺎﺷﻢ ﺍﻷﺧﻀﺮ ﺳﻼﻡ
ﺍﻟﺘﺤﻴﺎﺕ ﺍﻟﻨﻮﺍﺿﺮ
ﻧﺒﺪ ﺑﻲ ﻣﻴﻦ ﺍﻟﺮﺳﺎﻟﺔ
ﻭﻧﺒﺪﺍ ﻣﻦ ﻭﻳﻦ ﻳﺎ ﺭﻓﻴﻖ
ﻋﺎزّﺓ ﻓﻮﻕ ﻗﻴﻒ ﺍﻟﺒﺪﺍﻳﺔ
ﻭﺇﻧﺖ ﻓﻲ ﺁﺧﺮ ﺍﻟﻄﺮﻳﻖ
ﻭﺇﺣﻨﺎ ﺑﻴﻨﺎﺗﻜﻢ ﻣﺤﺎﺻﺮ
ﺷﻮﻗﻨﺎ ﺑﺎﻟﺮﻳﺢ ﻭﺍﻟﺤﺮﻳﻖ
ﺇﺣﻨﺎ ﺑﻴﻨﺎﺗﻜﻢ ﻧﺼﺎﺭﻉ
ذﻳّﻨﺎ ﻭذﻱ ﺍﻟﻐﺮﻳﻖ
ﻣﺮّﺓ ﻧﻤﺴﻚ ﻓﻲ ﺍﻟﻤﻴﺎﻩ
ﻣﺮّﺓ ﻓﻲ ﺿﻞ ﺍﻟﻮﻃﻦ
ﻣﺮّﺓ ﻓﻲ ﻋﻴﺪﺍﻥ ﺣﺰﻳﻨﺔ
ﺯﻧّﺖ ﺍﻟﺮﻳﺢ ﻓﻲ ﺍﻟﺒﺤﺮ
ﻓﻨّﺖ ﺍﻟﺮﻳﺢ ﻣﻦ ﺣﺮﺍﺯ
ﻟﻤﺎ ﻓﻄّﺎﻫﻮ ﺍﻟﻤﻄﺮ
ﻣﺮّﺓ ﻧﻤﺴﻚ ﻓﻴﻨﺎ ﺁﻩ
ﻳﺎ ﺑﺤﺮ ﻣﺄﺳﺎﺗﻨﺎ ﺁﻩ
ﻳﺎ ﺑﺤﺮ ﻣﺄﺳﺎﺗﻨﺎ ﺑﺲ
ﻳﺎ ﺑﺤﺮ ﻣﺄﺳﺎﺗﻨﺎ ﻓﻴﻖ
ﻳﺎ ﺑﺤﺮ ﻣﺄﺳﺎﺗﻨﺎ ﺃﻭﺳﻊ
ﺃﻭﺳﻊ ﺃﺳّﻊ ﻭﻻَّ ﺿﻴﻖ
ﻳﺎ ﺑﺤﺮ بي ﻏﺎﺩﻱ ﻫﺎﺷﻢ
ﻫﺎﺷﻢ ﺍﻟﺘﺤﺮﺍﻫﻮ ﻣﻴﻦ
ﻫﺎﺷﻢ ﺍﻟﺸﻜّﻌﺖ ﻓﻮﻗﻮ
ﺭﻳﺤﻚ ﺍﻟﻤﺰّﻉ ﺷﺮﺍﻋﻮ
ﻣﻮﺟﻚ ﺍﻟﺼﺎﺩﺭﺑﻮ ﺷﻮﻗﻮ
ﻃﻮﻗﻮ ﻭﺍﻟﺰﻣﻦ ﺍﻟﻘﻀﺎﻫﻮ
ﺗﺎﻻ ﻫﻢ ﺑﺎﻛﺮ ﻣﺴﺎﻓﺮ
ﻣﺎ ﺭﺟﻒ ﺳﺎﻋﺔ ﻭﺩﺍﻋﻮ
ﻫﺎﺷﻢ ﺍﻟﺴﻮِّﻳﺘَﻪ ﻓﻴﻬﻮ
ﻭﺳِﺒﺘﻮ ﻳﻀﺮﺏ ﺑﻲ ﻛﺮﺍﻋﻮ
ﻣﺎ ﻏﺮِﻕ ، ﻏﺮﻗﺖ ﻣﺮﺍﻛﺒﻮ
ﻫﺎﺷﻢ ﺍﻷﺧﻀﺮ ﺿﺮﺍﻋﻮ
ﻣﺎ ﻳﺒِﺲ ، ﻳِﺒﺴﺖ ﻫﺪﻭﻣﻮ
ﻣﺎ ﺣِﺮﻕ ، ﺷﻮﻣﺶ ﺷﻌﺎﻋﻮ
ﻭﺑﻖَّ ﻛﺎﻟﺤﻠﻢ ﺍﻟﻤﺼﻮﺑﺮ
ﻓﻲ ﺍﻟﺨﻮﺍﻃﺮ ﻛﻮﻡ ﺃﻣﺎﻧﻲ
ﻫﺎﺷﻢ ﺍﻟﻌﺸﻢ ﺍﻟﻤﻌﺘّﻖ
ﻓﻲ ﺧﻮﺍبي ﺍﻟﺠﻮﻑ ﺃﻏﺎﻧﻲ
ﻳﺎ ﺑﺤﺮ ﺗﺤﺮﺍﻫﻮ ﻣﻴﻦ
ﻳﺎ ﺑﺤﺮ بي ﻏﺎﺩﻱ ﺯﻭﻻً
ﻣﺎﺏ ﻧﺪﻟِّﻲ ﺍﻹﻳﺪ ﺑﻼهو
ﺇﻳﺪﻭ ﻓﻲ ﺇﻳﺪ ﺍﻟﺮﻓﺎﻗﺔ
ﻭﺇﻳﺪﻭ ﺑﻲ ﺟﺎﻱ ﻓﻲ ﺍﻟﺮﺳﻦ
ﻣﺎﺷﻲ ﻓﻲ ﺧﺎﻃﺮ ﺍﻟﻐﻼﺑﺔ
ﺍﻟﺒﻴﻔﺼﺢ ﻭﺍﻟﺮﻃﻦ
ﺳﺎﺭ ﻣﻘﻮِّﻧﻮ ﺍﻟﺘﻌﺎﺑﻰ
ﻭﺟﺎﻳﻲ ﻗﺎﺻﺪﻙ ﻳﺎ ﻭﻃﻦ
ﻭﺍﻟﺠﺎ ﻗﺎﺻﺪﻙ ﻛﺎﻟﺰﻣﻦ
ﻣﺎﺏْ ﻳﺼﺪﻧّﻮ ﺍﻟﻌﻮﺍﺭﺽ
ﻻﺏْ ﻳﻬﺪّﻧﻮ ﺍﻟﻤﺤﻦ
ﻭﻳﺎ ﻣِﺤﻦ ﻫﺎﺷﻢ ﻗﻤِﺤﻨﺎ
ﻓاﺳﻨﺎ ﻛﺮﺍﺳﻨﺎ ﻭﻗﺪﺣﻨﺎ
ﻫﺎﺷﻢ ﺍﻟﻤﺠﺮﻭﺡ ﺟﺮﺣﻨﺎ
ﻫﺎﺷﻢ ﺍﻟﻔﺮﺣﺎﻥ ﻓﺮﺣَﻨﺎ
ﻧﻠﻘﻰ ﻓﻲ ﺯﻳﻨّﺎ ﻭﺳﻤِﺤﻨﺎ
ﻳﻮﻱ ﻭﺳﻲ ﻧﻐﻤﺎً ﺻﺪﺣَﻨﺎ
ﻭﻓﻲ ﺗﺮﺣﻨﺎ ﺻﺒﺮ ﻣﻠﺤﻨﺎ
ﻧﻠﻘﻰ ﻓﻲ ﻛﻞ ﺍﻟﻤﺮﺍﺗﻊ
ﻓﻲ ﺍﻟﻤﺰﺍﺭﻉ ﻭﺍﻟﻤﺼﺎﻧﻊ
ﺇﻳﺪﻳﻪ ﺭﺍﻳﺔ ﻭﻓﺠﺮ ﻓﺎﻗﻊ
ﻓﻲ ﺍﻟﻤﺪﺍﺭﺱ ﻭﺍﻟﻤﺴﺎﺭﺡ
ﻓﻲ ﺍﻟﺒﻴﻮﺕ ﻓِﻄﻦ ﺍﻟﺸﻮﺍﺭﻉ
ﻓﻲ ﺍﻟﻜﻨﺎﺋﺲ ﻭﺍﻟﺠﻮﺍﻣﻊ
ﻧﻠﻘﻰ ﻓﻲ ﻛﻞ ﺍﻟﻤﻮﺍﻗﻊ
ﻫﺎﺷﻢ ﺍﻟﻘﺎﺻﺪﻧﻮ ﻧﺤﻨﺎ
ﻫﺎﺷﻢ ﺍﻷﺧﻀﺮ ﺿﺮﺍﻋﻮ
ﻣﺎ ﻭﻗﻊ ﻳﺎ ﻧﻴﻞ ﻓﻲ ﻓﻴﻀﻚ
ﻭﺇﻧﺖ ﻣﺎﺏْ ﻳﻐﺒﺎﻙ ﺷﺮﺍﻋﻮ
ﻫﺎﺷﻢ ﺍﻟﺴﻤﺢ ﺍﻟﻤﻌﺎﻓﻰ
ﻫﺎﺷﻢ ﺍﻟﺘﺴﻠﻢ ﺧُﻄﺎ
ﻭﻳﺴﻠﻢ ﺍﻟﺪﺭﺏ ﺍﻟﺨَﻄﺎ
ﻫﺎﺷﻢ ﺍﻟﻜﻢ ﻟﻠﻪ ﺃﺩّﺍ
ﻭﺍﻟﺒﺮﺍﺩﻯ ﺗﺪﻭﺭ ﻏُﻄﺎ
ﻭﺷﻦ ﻏﻄﺎﻫﺎ ﺑﻼ ﻏﻄﺎ
ﻫﺎﺷﻢ ﺍﻟﺤﺴﻦ ﺍﻟﻌﻄﺎ
ﻫﺎﺷﻢ ﺍﻟﺤﺴﻦ ﺍﻟﻌﻄﺎ
ﻫﺎﺷﻢ ﺍﻟﺼﺎﺡ ﻳﺎ ﺧﻄﺎ
ﻫﺎﺷﻢ ﺍﻟﺤﺴَﻦ ﺍﻟﻌﻄﺎ
ﺳﺎﻓﺮ ﻗﺒﻠﻨﺎ ﻭﻗﻠﻨﺎ ﻟﻴﻪ
ﻳﺎ ﻣﺎﺷﻲ ﻟﻠﻮﻃﻦ ﺍﻟﻮﺳﻴﻊ
ﻳﺎ ﻣﺎﺷﻲ ﻳﺎ ﻛﻢ ﺯﻭﻝ ﻳﺠﻮﺍ
ﻳﺎ ﺟﺎﻳﻲ ﺑﻲ ﻛﻢ ﺯﻭﻝ ﻣﺸﻮﺍ
ﻳﺎ ﻣﺎﺷﻲ ﻓﻲ ﻛﻢ ﺯﻭﻝ ﺗﺼﻞ
ﺭﺳِّﻞ ﺳﺮﻳﻊ
ﻭﺑﻠِّﻎ ﺳﻼﻣﻨﺎ
ﺍﻟﺸﻮﻕ ﻓﻈﻴﻊ
ﺳﻠِّﻢ ﻋﻠﻰ ﺍﻟﻤﺤﺠﻮﺏ
ﻭﺟﻮﺯﻳﻒ ﻭﺍﻟﺸﻔﻴﻊ
ﺳﻠِّﻢ ﻋﻠﻰ ﺣﻠﻤﻚ
ﻣﺤﻤﺪ ﻭﺍﻟﻤﺴﻴﺢ
ﺳﻠِّﻢ ﻋﻠﻰ ﻧﻔﺴﻚ ﻳﺎ ﻫﺎﺷﻢ
ﻭﺩ ﺟﻤﻴﻊ
ﻣﻦ ﻓﺎﺕ ﻳﻮﻗِّﻴﻨﺎ ﺍﻟﺨﻄﺮ
ﻣﻦ ﻗﻮﻟﺐ ﺍﻟﺤﺮ ﻭﺍﻟﺼﻘﻴﻊ
ﺑﻴﻨﺎﺗﻮ ﺷﺎﻥ ﻳﻄﻠﻊ ﻣﻄﺮ
ﺃﻭ ﻳﺤﻀﻦ ﺍﻟﻌﺎﻟﻢ ﺭﺑﻴﻊ
ﺍﻟﻨﺎﺱ ﺑﺘﺮﺣﻞ ﻗﻮﻝ ﻟﻮ ﻟﻴﻪ
ﺷﺎﻥ ﺣﻖ ﻳﻔﻀِّﻞ ﻣﺎ ﻳﻀﻴﻊ
ﺍﻟﻨﺎﺱ ﺑﺘﺮﺣﻞ ﻛﻞ ﻳﻮﻡ
ﻭﺍﻟﺤﻖ ﻣﻌﺎﻫﻮ ﻋﻠﻰ ﺍﻟﻌﻤﻮﻡ
ﺍﻟﻨﺎﺱ ﺑﺘﺮﺣﻞ ﻭﻣﺎﺏ ﺗﻀﻴﻊ
ﻭﺍﻟﺤﻖ ﺑﻴﻔﻀﻞ ﻭﻣﺎﺏ ﻳﻀﻴﻊ
ﺍﻟﺤﻖ ﺣﻴﺮﺟﻊ ﻳﺎ ﺑﻠﺪ
ﺣﻘِّﻚ ﺣﻴﺮﺟﻊ ﻟﻴﻚ ﻭﺑﻴﻚ
ﻗﻮﻟﻴﻬﺎ ﻭﺇﺣﻨﺎ ﻣﻌﺎﻧﺎ ﺣﻖ
ﺍﻟﺤﻖ ﺣﻴﻔﻀﻞ ﻳﺎ ﻗﻄﻴﻊ
ﻧﺘﻼﻗﻰ ﻓﻮﻕ ﻗﻴﻒ ﺍﻟﻔﺠﺮ
ﺑﻴﻦ ﺍﻟﺘﻴﻘﻆ ﻭﺍﻟﻬﺠﻴﻊ
ﻭﻳﺎ ﺇﻧﺘﻮ ﻳﺎ ﻧﺤﻨﺎ
ﻳﺎ ﻧﺤﻨﺎ ﻳﺎ ﺇﻧﺘﻮ
ﻳﺎ ﺃﺑّﺎﻥ ﺿﻤﻴﺮﺍً ﺗﺎﻩ
ﻧﺘﻼﻗﻰ ﻳﻮﻣﺎً ﻳﻮﻡ
ﻭﺑﻴﻨﺎﺗﻨﺎ ﺣﺪ ﺍﻟﻠﻪ
ﻭﻳﺎ ﺇﻧﺘﻮ ﻳﺎ ﻧﺤﻨﺎ
ﻳﺎ ﻧﺤﻨﺎ ﻳﺎ ﺇﻧﺘﻮ
ﻳﺎ ﻧﺤﻨﺎ ﻳﺎ ﺍﻟﻤﺤﻨﺔ
حميد
|
|
 
|
|
|
|
|
| العنوان |
الكاتب |
Date |
| قراءة معاصرة لأحداث قديمة ، مازالت آثارها تتداعى | عبدالرحمن بركات / أبو ساندرا | 07-19-20, 02:40 AM |
| Re: قراءة معاصرة لأحداث قديمة ، مازالت آثارها | يحي قباني | 07-19-20, 02:48 AM |
| Re: قراءة معاصرة لأحداث قديمة ، مازالت آثارها | عبد الله حسين | 07-19-20, 04:25 AM |
| Re: قراءة معاصرة لأحداث قديمة ، مازالت آثارها | محمد أبوالعزائم أبوالريش | 07-19-20, 10:10 AM |
| Re: قراءة معاصرة لأحداث قديمة ، مازالت آثارها | خالد العبيد | 07-19-20, 10:37 AM |
| Re: قراءة معاصرة لأحداث قديمة ، مازالت آثارها | Deng | 07-19-20, 10:44 AM |
 Re: قراءة معاصرة لأحداث قديمة ، مازالت آثارها | Yasir Elsharif | 07-19-20, 10:47 AM |
| Re: قراءة معاصرة لأحداث قديمة ، مازالت آثارها | HAIDER ALZAIN | 07-19-20, 11:06 AM |
| Re: قراءة معاصرة لأحداث قديمة ، مازالت آثارها | يحي قباني | 07-19-20, 12:42 PM |
| Re: قراءة معاصرة لأحداث قديمة ، مازالت آثارها | adil amin | 07-19-20, 02:07 PM |
|
| |
فيس بوك
تويتر
انستقرام
يوتيوب
بنتيريست