|
|
 Re: مدني عباس مدني يكتب سجن الإطار هو أن تصبح � (Re: Hafiz Bashir)
|
يا حافظ هي غير أزمة الخبز القلب الحكومة شنو!
مشكلة الخبز دي كانت بتمشي وتجي لكن من بداية 2018 اتخذت شكل حاد شديد
أنا ذات يوم حايم من 5 صباحاً لحدي 11 بي رجلي مدني كلها فرن فرن ما لاقي ولا ربع عيشة واولادي مشوا المدارس بلا فطور كل همي ألقى لي عيش سندويتشات بس ألحقه الأطفال ديل وفي النهاية ربك كرعي ساقني لي حي عمالي صاحب الفرن من الحلة العمالية ذاتها جازف ليهم شوال عجنه سريع شلت منه عيش ورجعت البيت جري لقيت الأولاد جو راجعين قالوا فكوا المدارس كلها عشان مافي عيش واستمر الحال دة يمكن زي 3 يوم يمشوا المدرسة الصباح ويجيبوهم الساعة 10 لأنه البلد كلها عدمانة الرغيفة شغالين قراصة وكسرة بس
مدني لما مسك الوزارة كانت مشكلته معلومات .. أيوة مافي أي معلومات موثقة عن مسار القمح المدعوم كله شغل سماسرة وحرامية وكذلك السكر وحتى الأسمنت بتاع المصانع المحلية ديل كلهم ما بسلموهن إلا لي وكلاء معروفين بأكلوا ناس الحكومة عشان يظلوا ضمن الوكلاء
واحد من حلتنا بعرفه حق المعرفة زول عاطل الشباب بزوغه منه في الشارع عشان بقعد يقابض في السفة وحق الفطور .. الزول دة كيف ما عارف فجأة لقى توكيل سكر من مصنع كنانة كل البعملوا ببيع اسمه للتجار يعني يطلع ليهم السكر من المصنع ويقبض سعره أضعاف أضعاف الزمن داك كان السكر تكلفته من المصنع بحسب كلام صاحبي شغال في كنانة كان 25 جنيه بكل تكاليفه لحدي الضرائب بطلع من المصنع يتباع في السوق بي 150 و 200
العاطل دة بعد التوكيل بي أقل من سنة كان ساكن في عمارة 4 طوابق
الداير أقوله ليك إنه معضلة مدني أكبر بكتير مما تتصورها وما بتتحل لكائن من كان بعصا موسى لأنه البلد دي ملجنة بشكل ما تتصوره .. كونه بس مدني عندو خطط واضحة المعالم ومعروفة دي تتحسب ليه وتخلينا نصبر ونتمنى ليه التوفيق لأنه مافيا المنتفعين من الحكومة السابقة متغلغلة داخل مفاصل كل اقتصاد البلد
|
|
 
|
|
|
|
|
| العنوان |
الكاتب |
Date |
| مدني عباس مدني يكتب سجن الإطار هو أن تصبح في ذهن المتلقي وزيرا للعيش | عمر سعيد علي | 07-11-20, 06:51 AM |
| Re: مدني عباس مدني يكتب سجن الإطار هو أن تصبح � | محمد البشرى الخضر | 07-11-20, 11:21 AM |
| Re: مدني عباس مدني يكتب سجن الإطار هو أن تصبح � | جمال ود القوز | 07-11-20, 01:54 PM |
| Re: مدني عباس مدني يكتب سجن الإطار هو أن تصبح � | Ali Abdalla | 07-11-20, 02:19 PM |
| Re: مدني عباس مدني يكتب سجن الإطار هو أن تصبح � | Hafiz Bashir | 07-11-20, 03:13 PM |
| Re: مدني عباس مدني يكتب سجن الإطار هو أن تصبح � | أحمد محمد عمر | 07-11-20, 03:58 PM |
| Re: مدني عباس مدني يكتب سجن الإطار هو أن تصبح � | Hafiz Bashir | 07-11-20, 04:29 PM |
| Re: مدني عباس مدني يكتب سجن الإطار هو أن تصبح � | أحمد محمد عمر | 07-11-20, 05:08 PM |
| Re: مدني عباس مدني يكتب سجن الإطار هو أن تصبح � | Hafiz Bashir | 07-11-20, 05:49 PM |
| Re: مدني عباس مدني يكتب سجن الإطار هو أن تصبح � | منتصر عبد الباسط | 07-12-20, 00:36 AM |
| Re: مدني عباس مدني يكتب سجن الإطار هو أن تصبح � | Hani Arabi Mohamed | 07-12-20, 01:33 AM |
| Re: مدني عباس مدني يكتب سجن الإطار هو أن تصبح � | Asim Ali | 07-12-20, 01:57 AM |
|
| |
فيس بوك
تويتر
انستقرام
يوتيوب
بنتيريست