♧ عرضُ حالٍ عاجلٍ للجنة إطالةِ التَّمْكينِ £

▪اسمع أخونا ود فكي بلة، يا زاحف ثكلتكم أمهاتكم
و أخواتكم من الرضاعة؛ و هاك دي كمان نزبدك بيها
فوق الشعر بيت:
♧حكمة و الله و حكاية..أدهشتني من البداية£
▪رجلٌ(جزَّازٌ)، يعمل بجز الغنم و البغال و الحمير لتركبوها
و زينة و امرأته (هزَّازةُ) اللبن ، بتهز الروب. ذهبا إلى مسيد أبوي الشيخ/ العبيد ود بدُر ، و قال ليه الراجل : يابوي الشيخ ، أنا جابيك ترقد لي بالخيرة، تبقيني شيخ عرب و زعيم قبيلة و ناظر خت كمان. قام ود بدُر قال ليو: اسمع ، إتا كان داير تبقى زعيم ليك شنة و رنة لازماتنك خمس صفات، أولاهن : عينك تتعود على السهر ، تانى ليومك تضوق القهر، و تالت يكون ليك
قوة ضهر ، رابع يكون عندك خلق وخامس يكون لسانك فلق و إيدك طلق. و الما عندو محبة ما عندو الحبة. أها لو ماعندك ديل كلهن بس من حيسك دا تحقب سكينك تجز و مرتك ترجع تهز ،انتهى البيان.

●》فياجماعة الخير ، قلنا : (المحرش ما بكاتل) و الزول
أكان بقى بُلهان و سجمان و صلبو مرخرخ و حديثو متختخ،
دا عمرو ما ينفع للزعامة.تحين جنس الكلام دا ليك يابو برنيطة هووي إنتا يا المشتح لي إضنيك ، عَراض متل صفق العُشَر.
توقيع/ دفع الله ود الأصيل
ود ال ح ي ش ا ن ا ل ت ل ا ت ة
مؤذنٌ محجورٌ منزلياً بجزيرة مالطا