♧ قَد لا أكذِبُ و لَكِنِّي فَقَط أتَجَمَّلُ£

♧حكاية ريدة بين اتنين كادحين£
_________}4{__________
《المشهد الرابع》
المكان / منزل أهل سهى
الزمان / " يا ليل أبقالي شاهد على نار شوقي جنوني£
سهى تستلقي على سريرها محتضنة تلفونها بوسادتها خاليةً و تتقلب
كما السنسنة الحمراء بعد تردد تضغط على زر الإتصال بأناملَ راجفةٍ.
~》 باسل يرد "من طرف الأثير جات أقرب رسايل": مرحبتين أنا قلت
ما أتصل و أخليك براحتك لكن بصراحة الشوق غلب و القلوب شواهد
~》سهى:طبعن الكلام الطاعم ده بتقولوا لأي واحدة يا (دونجوان)
~》باسل بغضب مفتعل / أرجوووك يا سُهى أنا ما من الصنف ده !!
~》سهى : خلاص يا سيدي سماح؛ ما تزعل و كلمني عن تجارب غربتك
~》باسل: يا سلام على ريدي..الخلاك بقيت {CD} .يو لا يهمك يا ستي نحن
الآن مستقرين في السودان بعد طفشان سنين ضوئية , أهلي كانوا في بلاد
البترو-دولار ,, و أنا عشت حياتي كلها من تبيت هناك بس رهين غربتين!!

~》سهى: ما فاهمة اغتراب في رحم اغتراب و لا كيف يعني!!؟
~》باسل : أيوة يا ستيومحسوبك كنت بدرس طيران في الفلبين
و مما اتخرجتا هسي لي سنة ثمانية شهور حسوماً شبه( طاير ) .
●تسَهِّي سُهَى و تتخيل شاب وسيم و لابس بدلة طيران (WoW)
~》باسل: معاي إنتي؟سارحة مالك يا حبيبة .. ساهية و أفكار
بعيدة بقرا فى عيونك حياتى.. و عاملة مشغولة بجريدة .. بتقرى
فىإيه..كلمينى يا سلام..مهتمة عاملة يعني لازم تقري هسة مقال!
●》سهى : لا و الله معاك .. معاك لكن شايفة خالو زمنو قرب يجي
~》المهم ياستي شهادة طيران و رخصة مدنية و فرص عمل عدم.
~》يعني هسع إنتا ماك شغال و لا شن..ثم مواسية: حال الشباب؟
~》لا كمان نا لدرجة عاطل؛ أنا شغال في شركة (سكوديير ). بنظام
المقطعية يعني زي ما تقولي بالمشوار.و أهو ما متل أبوك لكن بربيك.
~》تضحك سهى محدثة نفسها بنبرة من بدأ يدرك شيئاً فشيئاً(دا تربالي)
حلوة بالمشوار دي ؛ ثم تردف : أوكي ، عن إذنك هدا خالو جاي علي.
****************************************************