|
Re: يا فتحي الضو تحالف شنو ...للقصة بقية (Re: adil amin)
|
عادل الأمين,
نقدك هادم كاضم كاضم. : ========================== "واجه مخازي حزبك الشيوعي الموثق اولا " "لمشارع والوفدة دي ردة حضارية والاشتراك الجنائي ما يعفيك من المسؤلية اطلاقا من 25 مايو 1969 لحدي 19 يوليو 1971 واجه مخازي حزبك الشيوعي الموثق اولا " ==========================
ومال القدال, وعبدالله علي ابراهيم وسخاروف ديل بيعملوا في شنو؟ منو القال ليك أعفينا نفسنا من المسؤولية؟ إنت يا عادل الأمين نصيح؟ ناس تتعب وتقدد عيونها بالبحث ويجي واحد في كلمتين يقول ليك واجه مخازي حزبك. الله يا يابا المواجهة بعد ده إن شالله تطير بعد ما شلناها ووقعنها بيها :)
ياخي أقرانا وأحكم. أفكر لإسمك ده فيه العدل والإيمان. والله أنا لو إسمي زي إسمك ما أنوم ذاتو من الهم. كويس إنك ما كنت النجاشي الذي احتمى إليه المسلمون. كان أخدوا سيك كبير. لكنك زي واحد جدنا بيسمع العاوزو بس. دي ما أول ولا تاني مرة ألفت نظرك إلى كتابات الشيوعيين حول إنقلاب مايو ويوليو. لكنك في كل مرة حالف بدينك وأيمانك مجرد النظر إلى تلك الصحيفة. ما ممكن تكون أعرف بالجرم من الذين وقع عليهم! والإدانة والحكم دون مراجعة محضر المتهم نفسه. ده اسمو حكم اب تكو. إنتقادك ده مثــَلـُه مثـل عربية طويلة شديد وما قادرة تلف الصينية. "كفـّها, كفــّها يا عادل". تكون سمعت بالنكتة دي طالما فنانك الجميل عثمان حسين :)
===================== انقلاب مايو قامت به المخابرات المصرية وكل الانقلابات في السودان محركا واحد مصالح مصر وحثالتا في السودان ما بتجي بالانتخابات ==============
كضبا كاضب. مصر مجرد شبل ماخد أكبر من حجمو. نمر من ورق. ماذا عن الدول الإستعمارية الكبرى؟ أوراق السودان في المخابرات الأمريكية منذ الخمسينات لحد الآن قصاصات بس. على عكس أوراق دول أخرى مثل غانا والكونغو تم الإفراج عنها كاملة إلى نهاية الستينات على الأقل. فنستطيع أن نعرف تماما كيف حصل الإنقلاب على نكروما والخيانة الفظيعة في حق لوممبا. ولكن لا نستطيع أن نعلم دور الأمريكان في إنقلاب عبود, أو الإحاطة بتورط الأمريكان والبريطانيين في إحباط إنقلاب 71. لكن رغم ذلك فعندما يأتي الحديث عن الإنقلابات العسكرية في السودان, بتجر نورك في الكلب المصري فقط.. وتنسى أو تتناسى الذئاب البريطانية والأمريكية. ليه الكورس ده بره المقرر بتاعك؟ ياخي معاك في التحقيق لكن ليه لائحة الإتهام عندك طويلة لمن ما قادرة تلف الصينية, بينما صلاحيات التحقيق بتاعك مقصرة عاملة كدة زي بنطلون أنصار السنة؟ ^_^
على فكرة, دار بيني وبين أحد المختصين في تاريخ السودان (راس كبير, خواجة متسودن, وبروفايلو بالجلابية والعمة, عريس بس ما باقيلو إلا يجيبو ليه بس حنة وجرتق) حوار مستفيض حول إنقلاب هاشم العطا: أفاد الرجل بعد عدد كبير من التوضيحات والخد وهات وصداعات النقاش الأكاديمي لتفادي سوء الفهم بأن البريطانيين هم القوة الحقيقية وراء إجبار طائرة المرحوم بابكر النور والمرحوم فاروق حمدالله على الهبوط في مطار بنينة ببنغازي. والأمريكان هم وراء حادث الطائرة العراقية (أعتقد وهذه الجزئية قيد البحث بأن هناك طائرتان واحدة اتلحست بضربة مباشرة والتانية وقعت بهبوط إضطراري (؟) في ظروف غير مقطوع الشك بها إلى اليوم). ياخي رسل وقول هات ما عندي نقرأ وما لدينا تقرؤه. لكن ظني بكرة حترجع تاني تفتح بوست وتتحدث عن "المرابطين الخمسة" وأمهم الغولاوية مصر. وكأننا يا بدر لا رحنا ولا جينا.
ما عاوز تفرز عيشك إنت حر. لكن لو في دي عترت ليك المشية, كان الله في عون كوش - لأنو داك بالجد هم أكبر ومبحث أشد وطئا على الساعي نحو الحقيقة. ياخي الشيوعيين ديل أروع حاجة حصلت في السودان. إتخيل تاريخ السودان دون "الإمام المهدي" (القدال), أو "علاقات الرق في السودان" (نقد), أو "البرجوازية السودانية" (فاطمة بابكر محمود). إتخيل السودان دون "قانون النشاط الهدام" ودون حكومة "وطنية" تذهب بعد "الإستقلال" إلى الإنجليز بكامل قواها العقلية لأخذ الشورة, نعمل شنو مع الشيوعيين ياخ؟ هسع بدينك الكعوك منو, الشيوعيين ولا ناس شورة إنجلترا, بما فيهم ختميتك بعد ما أخدوا مفتاح الإستقلال على طبق من ذهب؟ لكن مصيرك بكرة ... تتعلم.
بإختصار, إنت بتحارب في العدو الخطأ. لحد الآن نكافح ضد بلاغ كاذب عن مجزرة بيت الضيافة. وهذا طريق تعبر عنه أغنية "لو بتتحمل"
أنا لسه في عهدي الأمس.
|
|
|
|
|
|
|
العنوان |
الكاتب |
Date |
يا فتحي الضو تحالف شنو ...للقصة بقية | adil amin | 06-17-20, 04:25 AM |
Re: يا فتحي الضو تحالف شنو ...للقصة بقية | adil amin | 06-17-20, 07:28 AM |
Re: يا فتحي الضو تحالف شنو ...للقصة بقية | adil amin | 06-17-20, 07:49 AM |
Re: يا فتحي الضو تحالف شنو ...للقصة بقية | adil amin | 06-17-20, 08:22 AM |
Re: يا فتحي الضو تحالف شنو ...للقصة بقية | adil amin | 05-20-21, 04:17 AM |
Re: يا فتحي الضو تحالف شنو ...للقصة بقية | مازن سخاروف | 05-20-21, 10:04 AM |
Re: يا فتحي الضو تحالف شنو ...للقصة بقية | adil amin | 05-20-21, 11:59 AM |
Re: يا فتحي الضو تحالف شنو ...للقصة بقية | adil amin | 05-20-21, 12:06 PM |
Re: يا فتحي الضو تحالف شنو ...للقصة بقية | مازن سخاروف | 05-22-21, 10:43 AM |
Re: يا فتحي الضو تحالف شنو ...للقصة بقية | adil amin | 05-23-21, 03:53 AM |
Re: يا فتحي الضو تحالف شنو ...للقصة بقية | مازن سخاروف | 05-23-21, 02:30 PM |
Re: يا فتحي الضو تحالف شنو ...للقصة بقية | adil amin | 05-24-21, 03:11 AM |
Re: يا فتحي الضو تحالف شنو ...للقصة بقية | adil amin | 10-19-22, 04:07 PM |
Re: يا فتحي الضو تحالف شنو ...للقصة بقية | adil amin | 11-24-22, 06:07 AM |
Re: يا فتحي الضو تحالف شنو ...للقصة بقية | adil amin | 11-24-22, 06:34 AM |
|
|
|