Quote: الكحلاوى يغنى للكاشف أنا يا طير محل ما تطير بشوفك.. و كانت بت جميلة ترقص .. جا واحد وقف بينها وبين الكحلااوى و قعد يبشـر و يعمل فيها بيرقص.. الكحلاوى علق فى أنا يا طير يا طير يا طير يا طير و يؤشر ليه عشان يزح |
ياك الله حبيبنا أبو الريش .. و أنت ضيفٌ كريم و ابن أخٍ كريم
و أنت داخل علينا برجلك اليمين و صلاة النبي فوقك. يلا تعال على
جنبة كدا نحكي ليك واحدة قريبة من حقت عمك الكحلاوي.دا أبو داوود
شلك بتحبو ، مرة كان عندو ارتباط عداد رامي عندنا في الحصاحيصا
* لكن قبال يمشي كان عندو وصلة هنا عاوز يكلفتا في احتفال
جماهيري ساهر و لسوء حظو خاتنو بعد عمك خدر بشير. فأبو داوود
مستنيه على أحر من جمرن تهبو ريح الهبباي ، فدايرو يخلص عشان
برضو يطلع ياخد دورو و يمرق يسافر. لكن عمك خدر بشير مزودا
(كوزين)فمما جا ليك في حلاة زوزو بقى معلق فيها .. والله فوق زوزو ..و
ياحلاة زورو و زوزو طرابنا و يا حلاة زوزو زوزو تعبانة . و ينزل بيها
من المسرح و يطلع بيها في النيمة المجاورة و يشيل و يمطمط في شلاليفو
و يا حلاة زوزو. و أبو داوود بهنا خلاس طفح به الكيل و بلغ به السيل الزُّبى
في اللحظات قام جا شويفع هامتو غليدة كدا وقف ليه قدامو ضاراه أبو داوود
لكزو قال :يا ود الناس ما تزح كدي ولا كدي إنتا كمان عامل لينا راسك
مقدودس متل سرج العجلة.. يلا انكشح من قدامنا ما تجيك شلوفة
مشرقطة طايرة أرضي جوي تتوكك تشيل نخرتك .