الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الشاعر والاديب والناقد الدكتور - عز الدي� (Re: الكيك)
|
كتب عبدالوهاب هلاوى لصديقه المرحوم عزالدين هلالى قبل وفاته:
هلالي ... عبدالوهاب هلاوي ...
يا هلالي يا اخ .. ما تبطل الحركات تقوم .. شفت البلد نايمه وخلاص .. قررت يا مساهر تنوم ..
عاجباك يعني الرقده .. يا اخ بطل دلع .. وشن الوجع .. ما نحن من خلقونا ناس .. اصحاب وجع .. وما من ركع .. وشن لينا نحن بلا الهموم .. يا هلالي يا اخ .. ما تبوظ اعصاب النسيم .. ما تسهر الليل والنجوم ..
واجعك شنو .. هل دي البلد .. ام ده الغنا .. ام دي الظروف المحزنه .. انا نفسي اهمس للطبيب .. شوف يا الحبيب .. القصه مافي الاكوسجين القصه في الزول الهجين يصحي وينوم .. ما بين بيوت الطين .. وبين ضي النجوم يا هلالي يا اخ .. ما تبطل الحركات تقوم .. خلاك شنو تلازم الشجن .. خلاك شنو تحب الوطن .. كان يا اخ تحب عند اللزوم ....
تشخيص شنو .. ورقدة شنو .. لي زول معذبو موطنو ما سمعت اصلا يا زمن .. طبع الزمن .. ما سمعت بي انسان .. وعندو مرض وطن .. ولما الحلم يصبح بعيد .. وكان عندو زي حبل الوريد .. هل من مزيد .. يا حب وطن .. بتخلل الروح والبدن ...
وبكره بتطيب .. صدقني يا صاحبي الحبيب .. بكره بتطيب .. وعلي حرفك النادي الخصيب .. بكره البلد .. زييك تطيب .. بس تاني حاسب يا ظريف .. ما تكون شفيف .. في دنيا ما بتعرف شفيف .. خليك بس . نص من ملايكه .. ونص بشر .. وما تلقي شر .. بس تاني مره عليك جمالك .. يا لطيف .. عليك ظلالك .. ياوريف .. خليك بس نص في الارض .. والباقي طيف .. في لجة الموج المخيف ..
عبدالوهاب هلاوي ...الي صديق العمر عزالدين هلالي .. في وعكته الطارئه..
|
|
|
|
|
|
|
|
|