Quote: ارض سلاح في ديوان ود الاصيل
كان منعوني من الريد
والجدي البحلمبو
بر جع تاني
للعرقي ومبيت الكمبو
|
لا والله يا عمو علا توريني جيهة الكنبو دا على وين
والصفنف زاتو كيف . عندنا كنابي قريب جعيبات بابكر
اللزفتها لينا كمان .بس ديل جبدة شوية جيهة المعيلق و ريفي
( بعاظ) اساميهنزاتن كجنة ، كرنجكو ، و كدسوة و حشرات،
أي والله لكن شُغلم لماصة ساي ولا بتودخ حتى . لكن بالله مالم
الرستلاوية ديل ما ناس عباقرة لامن مشكنبين عدييل كدا.
بالموناسبة واحد شكلو كدا مشكنب ولامستهبل، ال لينا
عندو حلول ناجعة مبتكرة و جاهزة للتخلص نهائياً من أزمة
السيوووولة الحاصلة في البلد دي. لحدت ما السيولةدي ح تعمل
( سيلان) في الشوارع ، للِّي ما يشتري و يشيل (على قفاه ) ممكن
يتفرج . فا شنو؛ قال إيه، قال ح ينصح "هؤلاء" يطبعو لينا جنيهات
جديدة تضبح الجدادة من اللضان للَّضان، و يقومو يعلموها بي مُدَد
صلاحية محدودة ، بحيثُ تنتهي خلال شهرواحد بس بالكتير،
عشان لزوم الما بجيبا يوردا للبنك تقوم تموت تجمع ليو في يدو .
# فبالله شوف جنس نوعية البني آدم دا شغال حماية و لا
مكافحة مستهلك؟! و لَّا خليك من كدا، هو تبع جهاز شنو؟!
لكن بالعكس تعال شوف ا لتاني دا معقداً للطيش. جايب ليه أوف
ر من البنك المركزي يعلن عن بداية إطلاق قروض ميسرة بدون فوائد
لصالح الشباب المعسر من عمر 20 إلى 60 سنة..و الراغب في إكمال
نصف دينه الحلو على طريقة زوراج الزهراءيعني بالعربي الفسيخ كدا
ياهو ( عرس الكورة ) الواحد دا. . .. و ذلك على مستوى كافة بنوك حمدوك \
.. حددت قيمة القروض ب500 مليون لكل عناس و عانسة.على الشباب المعني
بالأمرالتوجه إلى أقرب بنك مرفقين بملف يحتوي الوثائق المهمة جدن التالية:
1- ريشة من ذيل نعامة يتيمة ضايعة بين وحوش الغابة الكاسرة؛
2- شهادة وفاة هتلر عليها ختم بلدية حائط برلين المنهار؛
3- مقدمة ابن خلدون مشفوعة بصورة طبق الأصل لجواز سفر إبن بطوطة؛
4- لبن الطير في الباقير لعلاج ضرس ضبع عندو مرض سلس البول السكري؛
5- شوية غبار النور شرطن يكون مخموش من على سطح عطارد أو زُحَل؛
6- رقم موبايل فرعون موسى عليه و على نبينا الصلاة و السلام؛
7- نسخة من عقد قران روميو و جولييت في ثالة سبارك سيتي؛
8- صورة سيلفي لطارق بن زياد أثناء فتحه للأندلس..
* يلا ،بيت مال وعيال لكل الشابين و الشابات العُنَّس
من والعانسات و الأحياء منهم والأموات.
مودتي وكل شيس
ود الح ي ش ا ن ال ت ل ا ت ة
مؤذنٌ محجورٌ منزلياً بجزيرة مالطة.
دفع الله ود الأصيل
فيس بوك
تويتر
انستقرام
يوتيوب
بنتيريست