Quote:
يا سلام عبدالمنعم الخادي قريبك والله ناس الحشرو عباس ما ساهلين.
|
♤ يا ناس يا طاعمين و الله خجلان منكم عديل. و حأمسكم بالواحد أطبع قُبلة
الحياة على روسينكم. لكن عمو حقود دا كبيرنا الذي علمنا سحر البيان. و هو بحق كنز
مدفون في منبركم الحبوب هذا بزمانكم هذا . و لكن ( لا يُكرم نبيُّ في رهطه).
● فيا عمو أنت غلتان. (حشرو) دي يا ريت لو نحنا منها. لأنها حاضرة لمنطقتنا
نجي راكبين ليها الحمير و البغال ندقق العيش، من ضهاري الدنيا ناس كمل نومك
و شلعوها الخوالدة. بالمناسبة منها السيدة الثانية/ فاطنة خالد بوكسي قرمبعة
موبل 78 بتاعت المخلوع. تباً لهم جميعاً و الله لا طراهم و لا جاب باقيهم.
● بعدين قصتا أصلن (حشرو) دي كان منها شاب مسغف و داقش البنادر. فحب يغير
اسما زيها و زي أسامي نجوع كتار يكطعن الوضو. مسلن: الفنيسة و جعيبات و كربعات
(سهير) دي منها عقاب عصام أحمد البشير . قشنو ؛ قدر ما عمك أبعاج يصلحن يسميهن الفردوس، تاني يرجعن حليمة لقديما. و عندك لرضو المحطة البعد كوستي دي ماني عارفا إلا نسعل منها عمك كوستاوي و لا ود أب سن بعد يكروٍن و الاه يقومو لينا بالسلامة.
● الشاهد إنو الشاب القنديف الظريف دا أصطدم بحائط صدٍّ منيعٍ من أعيان البلد ؛
فلجأ إلى حشد حملة لمشروع للخروج من هذه القريةوالمعصلج أهلها. و تبعه جمعٌ غفيرٌ
من الشباب الواعد ، عمىوا قريةً موازيةً ليس بعيداً و سموها (عباس ) تيمناً بصاحبنا.لكن
للأسف، أتت الرياح بما لم تشتهِ السفنً و قامت حملةٌ مغرضةٌ مناهضةٌ من زواحف القرية (العميقة) و أصرو يدقو ليها يافطة منقوش عليها بخطٍّ ديوانيٍّ كوفيٍّ/حشرو عباس/
دفع الله ود الأصيل
فيس بوك
تويتر
انستقرام
يوتيوب
بنتيريست