|
Re: هاشم فى العيد .. وكل عام وأنتم بخير (Re: دفع الله ود الأصيل)
|
Quote: هاشم ميرغني لا يتكرر ، التلفزيون والاذاعة ظلموه عندو قدرة علي التطريب عالية بعدو قريب قريب اي عبدالعزيز محمد داوؤد و كل اغاني الحقيبة هو مجيد فيها صفوة جمالك وجوهر صدر المحافل قلبي مالو اليوم
وبرضو في زول هناك قولة سلام تبقالو روح هاشم اتخطف سريع |
دكتورة إخلاص أتاريك سميعة غنا من النوع الممتاز إختيارتك للإغانى، وفعلاً هاشم فى أغانى الحقيبة ما بتحصل أما حنجرته الفخيمة وقدراته على التطريب عالية جداً وعبد العزيز أبوداؤود فعلاً حنجرة فريدة وتطريب عالى عند زيارة هاشم ميرغنى لأمريكا أحد معجبيه كان بيسمع شرائطه وأول مرة يشوفو .. قال لى أنا كنت بتخيلك زول طويل أخدر وضخم وبى صلعة .. وصف ليهو أبوداؤد
ما عارف ليه ذكرتينى هاشم فى بدايغته كان مرات خيلانى بيجبوه فى جلسات إستماع رخرافية .. مرة جا وقبل ما يصلحو الجلسة فى الحوش .. كان قاعد فى الديوان .. وبدا يغنى قدامه تربيزة فيها طفاية سجاير معدنية مفتخرة، المسافة بعيدة عن هاشم هو طويل والتربيزة إرتفاعها قصير Coffee Table الفى نص طقم الجلوس .. خالنا المامور رحمة الله ليه كان ما بفوت يسجل أى أغنية لهاشم فرش منديل فوق طفاية السجائر ووضع فوقه المايك .. ورغم دا لامن هاشم بصوته الفخيم الجهورى غنا الطفاية كانت بتهتز أما صوته بتحس وكأنه يملأ أى فراغ فى الغرفة .. الما سمع هاشم بيغنى مباشرة فاتو كتير من متعة الطرب .. وطبعا لامن يغنى بيكون فى سكون تام للحضور بيصيخو السمع تماماً يخيل ليك ما فى زول عاوز حتى يحرك أصبعه عشان ما يعمل شوشرة .. فيلم ونسة جانبية وللا إمرآة أو راجل يتونسوا أو حتى يعاينو لبعض مافى، لأنه الإبداع القدامهم دا يتملكهم وينأسروا له طواعية
أذكر اليوم ذاك كان بدأ يغنى رمية آمنه السمحة لأول مرة .. كانت روعة .. وقبل ما ينتهى منها دخل علينا قريب رحمة الله عليه شفقان قطع علينا الغنا قال يا أخوانا خلاص الجلسة جاهزة فى الحوش والنساوين جو. أنا لحدى هسة زعلان عشان قطع الرمية الجميلة.طبعا هاشم أكلها لكن كان معاقبتو لينا ما غنى الرمية دى مرة تانية فى تلك الأمسية .. لكن ما قصر أطرب وأشجى
رحمة الله عليه.
|
|
|
|
|
|
|
العنوان |
الكاتب |
Date |
هاشم فى العيد .. وكل عام وأنتم بخير | نادر الفضلى | 05-25-20, 08:22 PM |
Re: هاشم فى العيد .. وكل عام وأنتم بخير | MOHAMMED ELSHEIKH | 05-25-20, 09:38 PM |
Re: هاشم فى العيد .. وكل عام وأنتم بخير | نادر الفضلى | 05-25-20, 09:45 PM |
Re: هاشم فى العيد .. وكل عام وأنتم بخير | علي عبدالوهاب عثمان | 05-25-20, 09:54 PM |
Re: هاشم فى العيد .. وكل عام وأنتم بخير | نادر الفضلى | 05-26-20, 05:16 PM |
Re: هاشم فى العيد .. وكل عام وأنتم بخير | علي عبدالوهاب عثمان | 05-26-20, 05:28 PM |
Re: هاشم فى العيد .. وكل عام وأنتم بخير | يحي قباني | 05-27-20, 02:31 AM |
Re: هاشم فى العيد .. وكل عام وأنتم بخير | يحي قباني | 05-27-20, 02:34 AM |
Re: هاشم فى العيد .. وكل عام وأنتم بخير | اخلاص عبدالرحمن المشرف | 05-27-20, 02:48 AM |
Re: هاشم فى العيد .. وكل عام وأنتم بخير | نادر الفضلى | 05-27-20, 04:37 AM |
Re: هاشم فى العيد .. وكل عام وأنتم بخير | نادر الفضلى | 05-27-20, 04:42 AM |
Re: هاشم فى العيد .. وكل عام وأنتم بخير | اخلاص عبدالرحمن المشرف | 05-27-20, 05:41 AM |
Re: هاشم فى العيد .. وكل عام وأنتم بخير | اخلاص عبدالرحمن المشرف | 05-27-20, 05:57 AM |
Re: هاشم فى العيد .. وكل عام وأنتم بخير | دفع الله ود الأصيل | 05-27-20, 09:22 AM |
Re: هاشم فى العيد .. وكل عام وأنتم بخير | نادر الفضلى | 05-27-20, 10:21 AM |
Re: هاشم فى العيد .. وكل عام وأنتم بخير | نادر الفضلى | 05-27-20, 10:25 AM |
Re: هاشم فى العيد .. وكل عام وأنتم بخير | ABUHUSSEIN | 05-27-20, 10:48 AM |
Re: هاشم فى العيد .. وكل عام وأنتم بخير | ABUHUSSEIN | 05-27-20, 11:06 AM |
Re: هاشم فى العيد .. وكل عام وأنتم بخير | Osman Musa | 05-27-20, 11:41 AM |
|
|
|