♧ شُعَراءُ الفُصْحى بِأَدَواتِ زَمانِ الحَداثَةِ £

● الليلة يا عمو عادل مسكتنا راس خيت التحري وراء
قصيدة "الوداع" و بشهادة شاهدٍ من أهلها و أيُّ شاهدٍ؟
رجاء النقاش أديب و ناقد نحرير . مصري بعتبرو برة
قوس الدغمسة بتاع ( مصر و السودان حتة واحدى )
يعني حتة ( زايدة دودية ) . كان رجاء زميلاً و صديقاً
لناس إبراهيم الشوش و النور عثمان أبكر بمجاة الدوحة.

● و قبل ما أنسى را عمو طلب حثيث: تلفوني مخستك
ما بنزل صور و لا تسجيلات فدايرك تساعدني بي بالموية
الباردة و كةما أجيب مننمة من هءه التحف النوادر بس تلحقني
و تفزعني بتسجيل يكون نضيف؛ مشكوراً غير مأزورٍ؛و حجراً مبروراً
و سعياً مشكوراً و ذنباً مغفوراً. و لسة جاييك بالدرب التحت ؛ و الجراب
لامن مدفق عن ناس تيجاني يوسف بشير ، عبادي ، ود الرضي، ود الريح،
دسوقي ، صبحي ، المجذوب ، فيتوري ، الدوش ، تيجاني سعيد ، محمد
عبد الله شمو ، عمر و كامل عبد الماجد، السياب و نزاز و مؤكد يكون
سقط مني عمالقةٌ كثرٌ، إما سهواً أو جهلاً و ضيق ماعونٍ من أساسه.