|
|
 Re: رسالة الصحفية رشان أوشي لوزير الصحة الانت (Re: محمد حيدر المشرف)
|
سلامات يا الهادي
عشان موضوعك في كم نقطة نرد ليك نقطة نقطة عليهو
أولا" نرد ليك على الردحي الكاتباهو الصحفية دي وسميتو رسالة !!
Quote: الحمدلله على قدر الله ..اللهم لا إعتراض على أمرك ..ربنا يرحم جدي ويسكنه الجنة مع الصديقين والشهداء، وهو علم من أعلام البحث العلمي في السودان ، خبير الارشاد الزراعي والاستاذ في عدد من الجامعات في السودان وخارج السودان ، بحوثه العلمية في مجالات الزراعة المختلفة تدرس الان في الجامعات الامريكية على رأسها جامعة "كورنيل".
انا دايرة احكي ليكم القصة الحتظل حسرة جواي لمن اموت ، جدي بروفسيور عوض الله محمد سعيد مريض ليه فترة بتضخم البروستاتا ، كما انه مريض ربو منذ طفولته ، ليه فترة بياخد في ادوية ، الادوية دي من اثارها الجانبيه انها بترفع ضغط الدم ،عشان كده بحتاج لعناية خاصة من قريب ،
|
الجزء الفوق ده حأختصرو ليك كالآتي :
مريض سبعيني (لا ادري كم بالضبط) عندو ربو وتضخم بروستات وارتفاع في ضغط الدم .
| Quote: قبل ايام طبيبه الخاص قرر ليه عملية لازالة البروستاتا المفروض تتعمل بكرة الاحد ، الليلة الصباح الضغط ارتفع ، وجاتوا كومة بتاعت ربو ، خيلاني اخدوه لمستشفى "النو" لقوا المستشفى ساكنها الطير ،كأنها مهجورة ، ولانه خيلاني 2 اطباء وواحد نظامي برتبة عقيد ، خفير الباب دخلهم بعد تحانيس ،قابلهم طبيب اظنه امتيار الله يجزيه خير حاول اسعافه ، وطلب منهم يمشوا مستشفى علياء لانه محتاج لعناية مكثفة البلغم قفل مجرى التنفس ، مشوا علياء قالوا ليهم نحن ممنوعين من استقبال اي حالات ، من الساعة 1 ظ ، خيلاني حايمين بيه في العربية مرة يضطروا ينفسوه براهم ويدلكوا صدره وهو راجل كبير فوق السبعين من العمر، |
قبل يوم من العملية المحددة للبروستات حصل ليهو إرتفاع في ضغط الدم وجاتو كومة بتاعت ربو! (ما عارف هي قاصدة شنو بكومة بتاعت ربو ! هل هو دخل في غيبوبة كمضاعفات للربو وكان فاقد الوعي !!)
مشوا مستشفى النو وحولوهم مستشفى علياء وطلع انو في مستشفى علياء (اعتقد مستشفى تابع للقوات المسلحة) ممنوعين من استقبال اي حالات.
| Quote: مشوا مستشفى الساحة وطبعا دي اسوأ مستشفى والشغالين فيها ديل ماممكن يكونوا بشر خلي ملايكة رحمة ، تخيلوا الدكتور بقول لخالي بكون عندو كورونا ،خالي قال ليه الزول ده عندو ربو وما قاعد يطلع من البيت بقول ليه بتطلعوا انتوا كمية سخف فظيعة، رفضوا يستلموا الحالة لانهم ما شغالين |
تخيلوا الصحفية مستغربة كيف الدكتور يقول لي خالها بكون عندو كورونا! وخالها يقول ليهو ما قاعد يطلع من البيت والدكتور قال ليهو انتو بتطلعو والصحفية شايفة انو ده كمية سخف فظيعة!!
السخف ياهو البتعمل فيهو الصحفية دي لانها جاهلة وما عاوزة تجتهد وتعرف مدى جهلها ده .الشايفاهو سخف ده يا استاذة دي بروتوكولات واضعنها متخصصين على مستوى منظمة الصحة العالمية وعلى مستوى اكبر المتخصصين في كل العالم, نعم لو جاء مريض سبعيني وعندو ارتفاع في الضغط واعراض تنفسية (اللهي في الحالة
دي تعتبر أعراض تنفسية شديدة وحادة ) ده يعتبر مريض مشتبه بالكورونا وحتى لو ما بيطلع من البيت بما انو ما مافي حجر صحي وناس البيت عادي بيلاقوهو وبطلعو برضو مشتبه كورونا ده ما سخف السخف ياهو البتسوي فيهو ده.
اجيك للنقطة المهمة في الكلام ده كلو (الإهمال ده مسؤول منو منو؟)
الحصل ده حاليا" بيحصل في كل العالم وفي دول الإسعاف ممكن يصلك في خمسة دقائق وبي ضغطة زر ممكن تعرف كل التاريخ المرضي وغرف العناية في المستشفى الصغير بتكون أكتر من غرف العناية عندن في المستشفيات المرجعية
الحصل ده هو انهيار النظام الصحي نتيجة للجائحة الحصل في كل العالم والمساهم الأكبر في الإنهيار ده هو الجهل البتنشريهو ده ! لما تمشي مستشفى والطبيب يقول ليك ده اشتباه كورونا يبقى كلام الطبيب هو الصحيح وكلامك هو السخف ولما الطبيب يحاول يفزر الحالات المشتبهة
الهدف الأساسي بعد علاج المريض هو منع الإنتشار لحماية النظام المنهار أصلا" ده من زيادة الإنهيار عشان لو جاء مريض تاني يلقى ما تبقى من الرعاية الطبية ! دكتور أكرم لا حيجي يشوف المريض لا حيدفع من جيبو ويبني مستشفيات دكتور أكرم بيضع سياسات وهي نفس السياسات
المعمول بيها في كل العالم ونجح نجاح كبير فيها لكن لن تنجح هذه السياسات وفي صحافة بالجهل ده وفي ناس شايفين انو يقولو لأحد اقربائهم أنو مشتبه بي كورونا دي كمية سخف فظيعة!!
|
|
 
|
|
|
|
|
| العنوان |
الكاتب |
Date |
| رسالة الصحفية رشان أوشي لوزير الصحة الانتقالي أكرم علي التوم | Elhadi | 05-10-20, 08:03 AM |
| Re: رسالة الصحفية رشان أوشي لوزير الصحة الانت | Elhadi | 05-10-20, 08:04 AM |
| Re: رسالة الصحفية رشان أوشي لوزير الصحة الانت | Elhadi | 05-10-20, 08:16 AM |
| Re: رسالة الصحفية رشان أوشي لوزير الصحة الانت | Elhadi | 05-10-20, 08:18 AM |
| Re: رسالة الصحفية رشان أوشي لوزير الصحة الانت | Hani Arabi Mohamed | 05-10-20, 08:30 AM |
| Re: رسالة الصحفية رشان أوشي لوزير الصحة الانت | Elhadi | 05-10-20, 08:32 AM |
| Re: رسالة الصحفية رشان أوشي لوزير الصحة الانت | Elhadi | 05-10-20, 08:37 AM |
| Re: رسالة الصحفية رشان أوشي لوزير الصحة الانت | محمد البشرى الخضر | 05-11-20, 00:19 AM |
| Re: رسالة الصحفية رشان أوشي لوزير الصحة الانت | Elhadi | 05-11-20, 05:09 AM |
| Re: رسالة الصحفية رشان أوشي لوزير الصحة الانت | Elhadi | 05-11-20, 05:20 AM |
| Re: رسالة الصحفية رشان أوشي لوزير الصحة الانت | Elhadi | 05-11-20, 05:22 AM |
| Re: رسالة الصحفية رشان أوشي لوزير الصحة الانت | Elhadi | 05-11-20, 05:34 AM |
| Re: رسالة الصحفية رشان أوشي لوزير الصحة الانت | Elhadi | 05-11-20, 05:50 AM |
| Re: رسالة الصحفية رشان أوشي لوزير الصحة الانت | Hasheem Karouri | 05-11-20, 06:11 AM |
| Re: رسالة الصحفية رشان أوشي لوزير الصحة الانت | محمد البشرى الخضر | 05-11-20, 07:54 AM |
 Re: رسالة الصحفية رشان أوشي لوزير الصحة الانت | عزالدين عباس الفحل | 05-12-20, 06:57 PM |
| Re: رسالة الصحفية رشان أوشي لوزير الصحة الانت | محمد حيدر المشرف | 05-11-20, 08:24 AM |
| Re: رسالة الصحفية رشان أوشي لوزير الصحة الانت | محمد حيدر المشرف | 05-11-20, 04:46 PM |
| Re: رسالة الصحفية رشان أوشي لوزير الصحة الانت | علاء سيداحمد | 05-11-20, 07:04 PM |
| Re: رسالة الصحفية رشان أوشي لوزير الصحة الانت | عبدالمنعم الطيب حسن | 05-11-20, 07:38 PM |
| Re: رسالة الصحفية رشان أوشي لوزير الصحة الانت | عثمان الأمام | 05-11-20, 07:44 PM |
| Re: رسالة الصحفية رشان أوشي لوزير الصحة الانت | عثمان الأمام | 05-11-20, 07:58 PM |
| Re: رسالة الصحفية رشان أوشي لوزير الصحة الانتh | نعمات عماد | 05-11-20, 08:41 PM |
| Re: رسالة الصحفية رشان أوشي لوزير الصحة الانت | علي عبدالوهاب عثمان | 05-11-20, 08:44 PM |
| Re: رسالة الصحفية رشان أوشي لوزير الصحة الانت | محمد محمد قاضي | 05-11-20, 09:04 PM |
| Re: رسالة الصحفية رشان أوشي لوزير الصحة الانت | Elhadi | 05-12-20, 09:04 AM |
| Re: رسالة الصحفية رشان أوشي لوزير الصحة الانت | Elhadi | 05-12-20, 09:05 AM |
| Re: رسالة الصحفية رشان أوشي لوزير الصحة الانت | Elhadi | 05-12-20, 09:19 AM |
| Re: رسالة الصحفية رشان أوشي لوزير الصحة الانت | عثمان الأمام | 05-12-20, 07:17 PM |
|
| |
فيس بوك
تويتر
انستقرام
يوتيوب
بنتيريست