∆ يتحرشن و هن الشاكيات ∆

ود الأصيل
04-16-2017, 02:13 PM

يتحرشن و هن الشاكيات!!!
يا أخوانَّا موضوع التحرش دا جاي
من حتة العطالة وقلة الشغلة. عليك أمان
الله زولاً باقي في سهمة معايش دنيتو ما ح يكون
فاضي يحك راسو. والبتحرش بيهو بالجضم اليمين يلف
يقبل منو باليسار. فقد حكيى لي أحدهم أظنه- وليس كل الظن
أثم - يكون مخبول أو على أقل تقدير مسطول ، قال من واحد أيام
(أبو رجيلة) كان واقف شماعة ماخد وضع استراتيجي وراء واحدة بت ناس
يلا قوم يالسواق دوس لينا فرامل حاااارة .( فجأتن) كدا لمن لخبتت الكيميان و
جابت ليك فلانة في سدر فلان .و هاك يا الطقشة الماخمج لمان تصن الأضان.
البت طوالي اتلفتت و قامت قشطت ليك الجنا المسكين أم كف. قام أكلا في حنانو
ساه قصراً للشر؛ خاسَّة و كت شاف ليك عوينات الفضوليين تبحلق فيه متل البصل
في الروب و قال ليهم معليش يا جماعة أن الختيان). و قام اتسرسق بالراحة مشى
وقف قدام البنية. و قوم تاني يا سواق الجن أقبض لينا فراملك العجيبة و هاك يا
طشقة الدرون (تعادل هدف لهدف لكن هو ما هدف حبيبك) المرة لامن
جابت ليك فلانة المرة دي توش مشرقطة بين أحضان صلب فلان بورا ورا
أخونا ما كضب ناولا ليك طالوش أحر من زيت الطعمية ظاطو و بكدا أخد
حقو بمنطق : ( كما تدين دان ، لكن البادئ أطعم )
تخـــــــريمـــــــة ســـريـــعــــة و كـــــدا:
بالله زي دا تقول عليه شنو غير عفيت من
(بطناً جابتك الليلة ما بتندم)
*************