هل يجوز منع الناس عن صلاة الجمعة والجماعات إكراهاً؟

Quote: يا جماعة شوفوا اجرام الزواحف 🦖🦕🐉 واحكموا بانفسكم... قاتلهم الله 🤔 #عااااااااجل #مهم جدا جدا جدا ✋ من الصباح وقبال افتح عيوني جاتني رسالة في الماسنجر من حساب غريب قال لي انا كوز من الصحافة وعايزك توصل المعلومة دي لكل الناس.. قلت ليه خير قول في شنو.. قال لي والله الكلام البقولوا ليك دا كله حقيقة.. قال : كان عندنا اجتماع مكاتب في الواتساب اجتمعنا قبال اسبوعين وطلعنا بقرارين.. _زيادة الأزمة الاقتصادية في السودان. _تثبيط الناس عن الحظر والحجر المنزلي عشان الكورونا ينتشر ويعمل مشكلة كبيرة للحكومة وما تقدر تتعامل معه لانه نحن عارفين مافي امكانيات في المستشفيات وعارفين لو انتشر حا يكون كارثة صحية لأنه السودان ما زي باقي الدول الانتشر فيها الشعب همجي وامكانياتنا الصحية صفر..فلما الحكومة تفشل في احتواء الفيروس نرجع نحن وبدون تعب بنمسك البلد حسب اتفاق قياداتنا مع قيادات القوات النظامية. قال لي والله لما بدينا نشتغل في موضوع الازمة الاقتصادية الكلام دا يمكن من شهر ٧ / ٢٠١٩ وكان احساسي عادي عشان نفششل الحكومة ونرجع نحن كمنقذين بس موضوع كورونا من البداية انا من جوا قلبي م موافق وما قدرت اتكلم ولما امس سمعت انه الاصابات وصلت ٦٦ والله لما دموعي نزلت لأنه الاسبوع الفات اشتغلت الحملة بتاعت تغبيش الوعي الصحي.. اي دي بنوصل بيها فهم للناس ع حسب فهمهم وقسمناها كدا : ١_نقول مافي كورونا اصلا في السودان ودا شغل سياسي ٢_نوصل الناس مرحلة انه حتى لو في كورونا اها نموت بالجوع يعني لو قعدنا في البيوت¡ ٣_الحظر الشامل نخوف الثوار إنه حا يحصل فيه انقلاب. ٤_نخاطب العاطفة الدينية إنه الجوامع ما تتقفل وإنه الشيوعيين بيحاربوا الدين عشان كدا عايزين يقفلوا الجوامع ودي خدمونا فيها ناسنا ائمة مساجد. وفعلا الحملة نجحت شديد لدرجة نحن ما أتوقعناها لما واحد بينزل مننا منشور بيقول فيه اصلا انا ما مقتنع في كورونا في السودان بيلقى تجاوب لما نحن زاتو نتخلع. المهم والله انا م قدرت استحمل كل دا لأنه الشعب دا فيه اهلي وانا م اضمن أنهم ما يتصابوا والزول الواحد ممكن ينقل العدوى لحلة كاملة.. عليك الله وصل كلامي دا لكل الناس.. #انتهى كلام الكوز..... والله دا الكلام القالوا لي.. وانا اقول الحاصل شنو الفيس كله شغال والله نصلي في الجامع وما عارف حانموت من الجوع ومافي كورونا.. شباب بالله شيروا المنشور واتفاعلوا معاه كلكم بتعليق..بملصقات.. المهم تعليقك دا بيوصل المنشور لعشرة غيرك. اللهم قد بلغت اللهم فأشهد ✋ منقول .... عواطف لندن 17/04/202