|
Re: مكتول هواك.. (Re: امتثال عبدالله)
|
تعقيب الشاعر السر عثمان الطيب على مقال محمد المرتضى مكتول هواك ==================== ما الذي أطار النوم من عيني وجعلني (أولع النور)،، وافتح هذا الجهاز السحري والف (على طول) الى (خريجو التربية) ،، لتقع عيني (الما بين نايمي وصاحي )،، على هذا الجمال اللغوي والاندياح الولهان؟؟ يا سلااام على كردفان... وعلى كل ما فيها وكل من فيها... ذات عام من التسعينات وضمن قافلة ثفافية مع طلاب مروي بالجامعات،،، زرت غربنا الحبيب.. تحديداً ام روابة... وكان ذلك في فصل الخريف... يا لطيف... من جو ام روابة. يا لطيف من طيبة وجمال اهل ام روابة... يا لوعة (سوق الروب) في ام روابة.. فيه وجدنا الحاجة عاشة الشايقية.. أمامها قدور مليئة باللبن.. الحليب منه والرائب.. حكت لنا انها من الحجير(قصاد القرير بالشرق)... قالت انها لم تر الشمال طيلة حياتها... سألتها : نان الشلوم اللاورا ديل مي شلوخنا... ضحكت وقالت: قالو بعد ولدوني،، حبوبتي جات ام روابة من الحجير وشلختني ورجعت... يا لطيف... غنينا وطنبرنا لجماهير ام روابة الحنينة وتحت رذاذ المطر صفقنا ورقصنا... فصفقوا لنا ورقصوا مثلنا... قضينا ثلاث ليال هناك... مرت كأنها ثلاث ثواني... اين يا ترى الان (زهرة ) وشقيقتها المريضة تلك...؟؟؟ في البص ظلن يغنن مع المسجل غناء محمد جبارة (الحنين وداني جيت بالساقي سادر)... كيف وصل اليهن غناؤنا من القرير وحفظنه عن ظهر قلب... قفزت (زهرة) مندهشة عندما قال لها احد بطان مروي : يا شابة... شايفي الزول الراكب ورا داك؟؟ دا سيد الغنية دي.. هزت زهرة راسها وتمتمت: ما شاء الله.. وابتسمت ثم خلدت الى مقعدها في البص... ثم... سلطانة... يا لها من سلطانة بحق وحقيقة... كنا قد التقيناها في سوق الروب...برفقة شقيقها الصغير.. كانت كما قالت في طريقها الى (الزريبة) قاصدة اولياء الله الصالحين ليدلوها على مكان (دهباية) سطا عليها (ود حرام... الله لا عوضو).. اصابني جمالها ورقتها وبراءتها في مقتل... اين انت الان يا سلطانة؟؟ لعل الرايحي اتلقت... عدت الى الخرطوم ثم جدة... كتبت وكتبت في صحيفة الخرطوم التي كانت تصدر في المهجر.. كتبت عن ام روابة... ام روابة يا بلد.. من ريدنا ليها ومن معزتا في قلوبنا.. نحضنا ونقلد ترابا.. من محبتا بين ضلوعنا.. يوم نسافر نحن باكر.. نترك ارواحنا وقلوبنا امانة لي ناسا وهشابا... اما (سلطانة) الباحثة عن (دهيباتها) المفقودة فقد قلت لها : سلطانة... يا بت الغرب.. دهبايي... الله اداني ياك.. صدفة درب.. يوم جينا من مروي الشمال.. نيل شوقي كان كاتلو الظما.. فات خلاّ واديهو ونزح... رهدك.. على قوزو ارتمى.. لاقاهو.. من محلو استجار.. بي حضنو في الصيف احتمى.. عينيهو جفف دمعتن.. شال من عيون ريدك شرب.. سلطانة... يا بت الغرب.. يا غيمة لاقتني الضِّحَي... منشري فوق الناس مطر حجبت تباريح الأسى السكنت مسارب الروح وكر.. ************** اعذروني على البوح... لم يبقى من العمر وقت للدسديس والغتغتة..
|
|
|
|
|
|
|
العنوان |
الكاتب |
Date |
مكتول هواك.. | محمد المرتضى حامد | 04-13-20, 08:59 PM |
Re: مكتول هواك.. | محمد على طه الملك | 04-13-20, 11:09 PM |
Re: مكتول هواك.. | ABUHUSSEIN | 04-13-20, 11:32 PM |
Re: مكتول هواك.. | عبدالله عثمان | 04-14-20, 01:53 AM |
Re: مكتول هواك.. | محمد المرتضى حامد | 04-19-20, 09:52 PM |
Re: مكتول هواك.. | محمد المرتضى حامد | 04-15-20, 09:43 PM |
Re: مكتول هواك.. | محمد المرتضى حامد | 04-14-20, 12:11 PM |
Re: مكتول هواك.. | جمال ود القوز | 04-14-20, 02:04 AM |
Re: مكتول هواك.. | يحي قباني | 04-14-20, 09:06 AM |
Re: مكتول هواك.. | عبدالله عثمان | 04-14-20, 02:30 PM |
Re: مكتول هواك.. | عبدالله عثمان | 04-14-20, 02:42 PM |
Re: مكتول هواك.. | عبدالله عثمان | 04-14-20, 02:59 PM |
Re: مكتول هواك.. | امتثال عبدالله | 04-14-20, 03:54 PM |
Re: مكتول هواك.. | يحي قباني | 04-14-20, 04:43 PM |
Re: مكتول هواك.. | Yasir Elsharif | 04-14-20, 05:14 PM |
Re: مكتول هواك.. | ابو جهينة | 04-14-20, 05:24 PM |
Re: مكتول هواك.. | محمد المرتضى حامد | 04-23-20, 09:25 PM |
Re: مكتول هواك.. | محمد المرتضى حامد | 04-23-20, 01:30 PM |
Re: مكتول هواك.. | حيدر حسن ميرغني | 04-14-20, 05:21 PM |
Re: مكتول هواك.. | محمد المرتضى حامد | 04-24-20, 02:44 AM |
Re: مكتول هواك.. | محمد على طه الملك | 04-14-20, 05:26 PM |
Re: مكتول هواك.. | امتثال عبدالله | 04-14-20, 05:57 PM |
Re: مكتول هواك.. | Osman Musa | 04-14-20, 07:09 PM |
Re: مكتول هواك.. | عبدالله عثمان | 04-15-20, 07:30 AM |
Re: مكتول هواك.. | Yasir Elsharif | 04-15-20, 08:32 AM |
Re: مكتول هواك.. | علي عبدالوهاب عثمان | 04-15-20, 10:09 PM |
Re: مكتول هواك.. | Osman Musa | 04-16-20, 04:55 PM |
Re: مكتول هواك.. | Ahmed Yassin | 04-16-20, 05:22 PM |
Re: مكتول هواك.. | احمد عمر محمد | 04-16-20, 10:33 PM |
Re: مكتول هواك.. | محمد المرتضى حامد | 04-26-20, 07:28 PM |
Re: مكتول هواك.. | محمد المرتضى حامد | 04-26-20, 06:44 PM |
Re: مكتول هواك.. | محمد المرتضى حامد | 04-25-20, 11:19 PM |
Re: مكتول هواك.. | محمد المرتضى حامد | 04-24-20, 07:42 PM |
Re: مكتول هواك.. | محمد المرتضى حامد | 04-22-20, 09:11 PM |
Re: مكتول هواك.. | محمد المرتضى حامد | 04-22-20, 06:53 PM |
Re: مكتول هواك.. | محمد المرتضى حامد | 04-22-20, 11:20 AM |
Re: مكتول هواك.. | محمد المرتضى حامد | 04-20-20, 10:08 PM |
Re: مكتول هواك.. | محمد المرتضى حامد | 04-20-20, 09:08 PM |
Re: مكتول هواك.. | Kabar | 04-17-20, 04:49 AM |
Re: مكتول هواك.. | امتثال عبدالله | 04-20-20, 00:55 AM |
Re: مكتول هواك.. | Fatima Alhaj | 04-20-20, 10:48 PM |
Re: مكتول هواك.. | عبدالله عثمان | 04-21-20, 09:24 AM |
Re: مكتول هواك.. | امتثال عبدالله | 04-21-20, 10:21 AM |
Re: مكتول هواك.. | محمد المرتضى حامد | 04-21-20, 09:20 PM |
Re: مكتول هواك.. | محمد محمد قاضي | 04-21-20, 10:09 PM |
Re: مكتول هواك.. | Haytham Ghaly | 04-22-20, 08:05 AM |
Re: مكتول هواك.. | عبدالله عثمان | 04-22-20, 08:59 AM |
Re: مكتوخل هواك.. | عبدالله عثمان | 04-23-20, 02:49 PM |
Re: مكتوخل هواك.. | عبدالله عثمان | 04-23-20, 08:03 PM |
Re: مكتول هواك.. | يحي قباني | 04-23-20, 07:57 PM |
Re: مكتول هواك.. | امتثال عبدالله | 04-23-20, 09:14 PM |
Re: مكتول هواك.. | احمد يوسف (خور جهنم) | 04-24-20, 04:40 AM |
Re: مكتول هواك.. | امتثال عبدالله | 04-24-20, 08:41 AM |
Re: مكتول هواك.. | عبدالله عثمان | 04-24-20, 09:08 AM |
Re: مكتول هواك.. | عبدالله عثمان | 04-25-20, 05:12 AM |
Re: مكتول هواك.. | احمد يوسف (خور جهنم) | 04-25-20, 05:52 AM |
Re: مكتول هواك.. | عبدالله عثمان | 04-25-20, 09:45 PM |
Re: مكتول هواك.. | امتثال عبدالله | 04-26-20, 07:23 PM |
|
|
|