ما رائيك في هذه الصورة ؟؟

Quote: كل سوداني لازم لازم لازم يقرأ الكلام دا.. طيب طبعا نحن شعب حاقد وطلعنا على الكيزان ديل رغم إنهم ملائكة في صورة بشر تعالوا أوريكم بعض إنجازات الكيزان في السودان... ١_انفصال الجنوب(أكبر كارثة حدثت في السودان في الالفية الثالثة بسببها فقد السودان أكتر من ٧٠٪ من دخله القومي). ٢_في حرب الجنوب ودارفور موت أكثر من ٢ مليون و٢٠٠ الف سوداني وتشريد اكتر من ٥ مليون مواطن(١.٩ مليون قتيل في الجنوب و٣٠٠ الف في دارفور دا طبعا غير حرب شرق السودان وكردفان والنيل الازرق). ٣_تدمير أكبر مشروع حكومي في العالم (مشروع الجزيرة) فقد السودان أكبر داعم للأقتصاد. ٤_تدمير أطول سكك حديد في العالم(دمروها عشان دخلوا الشاحنات والباصات السياحية فزادت تكلفة النقل على المواطن). ٥_ايقاف أكثر من ٥ الف مصنع في مختلف ارجاء السودان لأسباب سياسية(اتخيلوا شردوا كم عامل وموظف). ٦_جعلوا من السودان دولة مغلقة توصف بالارهاب فتم في عهدهم حظر السودان اقتصاديا(دا سبب الأزمة الاقتصادية الي الآن). ٧_تم في عهد البشير احتلال حلايب وشلاتين من قبل المصريين والفشقة وجبال بني شنقول من قبل اثيوبيا (اصبحنا دولة بلا سيادة). ٨_بيع كل أصول السودان خارجيا والتي تقدر بالمليارات خاصة في لندن (والقروش ما معروفة فاتت وين). ٩_تدمير الخطوط البحرية السودانية والخطوط الجوية كذلك (يكفي انهم باعوا خط هيثروا الذي يربط الخرطوم بلندن ولسسه ما معروف منو الباعو). ١٠_كل الانجازات من كباري وطرق وغيرها التي شيدوها تم تشييدها بقروض ربوية ستدفع من خيرات هذا الشعب (أكثر من ٥٠ مليار اخدوها الكيزان وعملوا مشاريع كلها فاشلة يعني اي حاجة عملوها بالدين). ١١_تضخم سعر الجنيه مقابل الدولار الي ان وصل ١٣٠ في عام ١٩٩٢ فتم بقرار خزعبلي حذف الصفريين الاخيريين وذلك خداعا للرأي العام وتم تغيير العملة للدينار(يعني بقيمة الجنيه القديم البشير خلى الدولار بيساوي ٩٠٠٠ جنيه سوداني). ١٢_تشريد كل الاستثمار الاجنبي بقصد السيطرة على السوق(اغلب المستثمرين الكانوا بيجوا السودان بيحاربوهم بالضرائب لحدي يزهجوا ويخلوا البلد عشان تماسيح الانقاذ يستوردوا البضائع من برا ويضبحوا بيها المواطن). ١٣_تشريد ملاييين الشباب حاملي الشهادات العلَمية واستبدالهم بكيزان فاقد تربوي (تدمير الخدمة المدنية بالكامل). ١٤_تدمير المنهج الدراسي بشكل ممنهج حتى أصبحت الشهادات الجامعية السودانية غير معترف بها في معظم دول العالم(بعد إن كانت الأجود في أفريقيا والشرق الأوسط). ١٥_تخزيب كل القوات النظامية وجعلها غير قومية (اذا لم تستلم استمارة الحزب الحاكم لن تدخل القوات النظامية). ١٦_سرقت اكثر من ١٠٠ مليار من أموال النفط وتحويلها الي دول خارجية مثل ماليزيا والإمارات وتركيا (اتخيلوا بس لو سرقوها وشغلوها في السودان لكن الحقد اعمى). ١٧_بيع الشباب السوداني كمرتزقة في حروب لاناقة لنا فيها ولا جمل كأول سابقة في السودان لكسب حفنة من الريالات(بقوا يضريوا بينا المثل في اننا عبيد لمن يدفع الاموال). ١٨_في آخر عهده أصبح البشير يسير دولاب العمل من الاعانات والهبات والشحدة(البشير اخر أيامه بقى حايم من بلد لبلد حتى الامراء في الخليج بقوا يتهربوا منه عشان ما يشحدهم وبقوا يستقبلوه مدراء المطارات ويجي كلب يقلك البشير أسد افريقيا). ١٩_الرئيس الراقص (أصبح شخص الرئيس من نوادر السودان فقد اصبح كل العالم يعرفه ع انه الرئيس الرقاص لدرجة مرة سوداني بيمازح مصري قال ليه مصر كلها رقاصات رد عليه المصري خليك من الحريم دي شغلتهم انصح رئيسك يبطل رقيص احسن). ٢٠_سرقت اموال المواطنيين ووضعها في البنوك ومنع المواطنيين منها كسابقة تاريخية (يعني قروشك في البنك وانت ما قادر تاخدها زي واحدة بتحكي لي قالت إنه ابوها كانت عنده عمليه فمشت تاخد من قروش أبوها الفي البنك فقالت كل يوم بتمشي تبكي للمدير بدون فايدة لحدي ربنا اخد امانته من ابوها) ٢١_تكوين مليشيات قبلية تشكل الي الآن خطرا على السلام والامن في السودان (مرتزقة الجنجويد ممكن يخربوا البلد كلها اذا في جهة ادتهم قروش كتيرة وهم الآن المتحكمين في الذهب). وغيرها الكثير الكثير من الانجازات التي قد فعلها الكيزان والتي بسببها سنطالب بعودتهم مجددا¡¡ الانسان الفاهم بس عارف انه كل الأزمات الحالية بسبب الكيزان والناس اصلا طلعت عشان البشير لو كان أستمر اكتر من كدا كنا وصلنا مرحلة المجاعة الحقيقية وكان حصلت حروب أهلية البنوك قروش ما كانت فيها والعملة متضخمة بسرعة جنونية وكل الدول الكان بيشحدها البشير وقفت الدعم.. غلاء الاسعار وازمة الخبز والوقود الحالية طبيعية جدا لأنه البلاد مافيها اي صادرات تسد الصرف الحكومي ودي طبعا مشكلة عملها النظام الفات لأنه كان بيعتمد على الشحدة وعشان المشاكل دي تنتهي عايزة زمن ما من المنطق مشكلة عمرها ٣٠ سنة نحلها في يوم وليلة .. الحاجة المؤسفة نفس الكيزان السبب في كل البيحصل دا عايزين يقعنوا الشارع يرجعهم عشان يكملوا انجازاتهم الفوق دي..اتخيلوا انهم بيطلعوا حاليا مظاهرات لأنهم بدوا يجوعوا وهم اتعودوا علي الراحة والسرقة وما يقدروا يعيشوا زينا ¡هم طالعين عشان يسرقونا من جديد يعني ما عشان خاطر عيون الغلابة. لازم نصبر وما نغلط نفس الغلط الغلطناه في الثورات القديمة إننا نيأس سريع ونسلم بلدنا تاااني للعساكر وبسببهم ليوم القيامة حا نكون بلد فقيرة ومتخلفة وتابعة لدول تانية.. لا تعليم لا صحة ونكون في حروب نفقد بسببها الآلاف ويتشردوا من تاني الملايين. لو عجبك المنشور شييرو في كل القروبات وفي صفحتك واتفاعل معاه بالتعليق لازم نوعي كل الناس ولازم ثورتنا تنجح ✌️✌️ بقلمي : باشمهندس حسام حسين