|
Re: خاطرة(1)أن تكون شيئا ما: (Re: محمد عبد الله الحسين)
|
التماس للزمن ...لا يصل إليه
يا زمن وقّف شويه
وأهدي لي لحظات هنيّه
وبعدها شيل باقي عمري
وشيل شبابي شيل عينيا
يا زمن رفقاً بحالي
وبي حبيب عمري المثالي
بي سعادتو وبي هناههُ
وبي شرودي وإنشغالي
بي أحاسيسو ومشاعرهُ
وبكل خاطر في خيالى
يا زمن ما تبقي قاسي
نحن حققنا المُحال
نحن هدَّمنا وبنينا
ونسجنا في الخيال
ألف حيله لي لقانا
وألف حيله للوصال
يا زمن إنت جايى في النهايه
جايى ما عارف البدايه يا زمن جايى تجري
و إنت ما عارف الحكايه
بين حبايب عاشوا فتره
لى لقاهم أسمي غايه
يا زمن أرحم حبايب
لسه في عمر الزهور
جُود عليهم بي دقائق
قبل ما تعدِّي وتمُر
يملوا فيها الدنيا فرحه
ونشوه من خمر السرور
******************************* لاحظ نغمة التوسل و الاسترحام:
(يا زمن أرحم حبايب
لسه في عمر الزهور)
معاني حزينة
|
|
|
|
|
|
|
|
|