|
|
 Re: كروونااااااااااا: الرعب وانهيار الأخلاق.. (Re: Kabar)
|
(3)
في نطاق الأسرة الصغيرة..عملنا تقليد خاص.. كل فرد يسجل الأماكن التي زارها ، التأريخ ، الزمن الذي تم انفاقه هناك..وهو مايسمى بــ (يومية الحوامة، مثلها ومثل يومية التحري بتاعة البوليس ديك..!!)
الحيكومة..كل ما تمرق بتجي راجعة شايلة اكياس كتيرة..مواد غذائية..مناديل ورق..فواكه..عصاير..لبن..ياخي لمن بقينا ما تلقى ليك حتة تخت فيها رجلك في البيت..!
مارق تغسل ايديك ، داخل تغسل ايديك..تقاليد جديدة للغاية..وصارمة كمان..
تنكة بتاعة زنجبيل وليمون..قاعدة على طول..تشرب ولا على كيفك..اما الشاي السادة بلا سكر..فهو مشروبي المفضل..وعندي تنكة خاصة لمشروب القرض..والله صحي..!
متابعة للأخبار المحلية..مسألة في طور الوجوب والأمر..
يوم الجمعة 26 مارس 2020..اعلنت الأخبار(مدينة كالقري) اغلاق سوق تي ان تي..
TNT Store
وهذا السوق ، هو سوق صيني بامتياز..وسوق خضار..دوما اشترى منه الفول المركب (الفول السوداني المسلوق)..!
غايتو جنس جهجهة..كل زول/ة من الأسرة مرق يومية الحوامة..والحيكومة ، من شلاقتها طلعت زارت هذا المول في مارس..!
وعينك ما تشوف الإ النور..!
الحمد لله..الحيكومة طلعت مشت حتة قريبة من المول بتاع تي ان تي..في اول مارس..والحالة كانت في 21 مارس..عشان تعمل موجات صوتية..!!!!
ولكن..
الخوف لا يعرف موجات صوتية ولا بتيخ..!
كبر
|
|
  
|
|
|
|
|
| العنوان |
الكاتب |
Date |
| كروونااااااااااا: الرعب وانهيار الأخلاق..!!!! | Kabar | 04-05-20, 11:50 PM |
| Re: كروونااااااااااا: الرعب وانهيار الأخلاق.. | Kabar | 04-05-20, 11:55 PM |
| Re: كروونااااااااااا: الرعب وانهيار الأخلاق.. | Kabar | 04-05-20, 11:56 PM |
| Re: كروونااااااااااا: الرعب وانهيار الأخلاق.. | Kabar | 04-05-20, 11:57 PM |
| Re: كروونااااااااااا: الرعب وانهيار الأخلاق.. | Kabar | 04-05-20, 11:58 PM |
| Re: كروونااااااااااا: الرعب وانهيار الأخلاق.. | Kabar | 04-06-20, 00:08 AM |
| Re: كروونااااااااااا: الرعب وانهيار الأخلاق.. | Kabar | 04-06-20, 00:11 AM |
| Re: كروونااااااااااا: الرعب وانهيار الأخلاق.. | Kabar | 04-06-20, 00:12 AM |
| Re: كروونااااااااااا: الرعب وانهيار الأخلاق.. | Kabar | 04-06-20, 00:22 AM |
| Re: كروونااااااااااا: الرعب وانهيار الأخلاق.. | أحمد محمد عمر | 04-06-20, 02:17 AM |
|
| |
Kabar
فيس بوك
تويتر
انستقرام
يوتيوب
بنتيريست