|
Re: كروونااااااااااا: الرعب وانهيار الأخلاق.. (Re: Kabar)
|
عن قعاد البيت ايام كروونا..!
فرصة عجيبة سنحت لي لأتفرج على الأشياء ، مرة اضحك ، مرة تغلبني القراية..مرة يغشاني رعب الكروونا.. ثلاث مواقف طريفة ، قابلتها وانا قاعد في البيت خوفا من السيدة كروونا..قمت بعض المراجعات في النت..وقابلت ثلاث مواقف طريفة وعجيبة..
الموقف الآولاني:
في صحيفة الراكوبة ، في سنة 2012 ، كتب ثروت قاسم مقال بعنوان (ماذا قال عن السودان وماهي الامور الثلاثة التي يركز عليها… اوباما لماذا يستمر في التعاون مع نظام البشير ؟ والطريفة ليست في المقال ، وانما في احد المعلقين ، وهنا الإسم والتعليق..
Quote: محمد النور كبر جننت مصطفى سرى يا محمد النور كبر هههههههههههه
|
فالمعلق يكتب باسم (محمد النور كبر) ، ويشير بخبث ان ثروت قاسم هو محمد النور كبر..الذي جنن صديقنا مصطفى سري..! ضحكت حتى بانت فواطري ذاتو.. صحيح كتبت مقالات في موقع الراكوبة ، ولكني مطلقا لم اكتب أي تعليق ولم اشارك في التفاعل هناك..! والمضحك حكاية انو ثروت قاسم هو محمد النور كبر..!!!!!!!!!!!! خيال ناس امسودان واسع ، لكن لم اكن اتصور انه واسع لهذا الحد..!
الموقف الثاني:
في منتدى سودانيات ، 2011 ، كتب صديقنا شهاب كرار خيط بعنوان (أفيال مالي) ، فتداخلت وكتبت:
Quote: كتر خيرك يا شهاب يا صديقي.. ياخي مالي دي قاطعة فينا عرق عدييل..وبتعجبني حياتهم و اصرارهم على عكس حاجاتهم زي ما هي.. خصوصا لو اتفرجت في كليبات المزيكا..ياخي ام كيكي قاعدين يعرضوها في المهرجانات العالمية.. عندهم مجموعة اثنية اسمها شعب الدقون.. ياخي ديل يتخيل لي الدنيا دي كلها تاركين فيها اثر..! الغريبة في السودان عندنا الطيور بتهاجر بنفس الطريقة.. خصوصا طائر اسمو أم منقور..و هو نوعين.. بيهاجر من الجنوب وكت المطر يكتر..و بيرجع في الصيف..و السرب بيمشي بنفس الطريقة اياها..و لو ناس العلوم ربنا هداهم و مشوا درسوا حركة الطائر ده..ح يلقوا انو نفس الشدرة الفيها عش السنة الماضية.ز بيتم تجديد العش فيها و في نفس الموقع من الغصون..!! طبعا عشان ما عندنا امكانيات الناشونال جيوغرافيك.. يبقى كلامنا فرضية محتاجة التحقق.. و دمت كبر (طبعا الوش الجديد مافي غلاط نوهائي.. نغالط شنو ياخي ضيعنا سنين و ما وصلنا لحاجة.. فاخير نكتب كلام وصفي عسى و لعل)..
|
وكان رد شهاب كرار:
Quote: كبر يا صديق
أنا الان أكتب هذا الكلام من Mopti إقليم الدوغون والان اتعلم في لغة الدوغون لو ان هناك شعب من المحتمل انه يعرف اسرار الكون كلها، فلا يوجد ادنى شك لدي انهم سيكونون الدوغون.
|
قرأت هذا الرد اكثر من كذا مرة ، وطاف بي طائف..هل هناك احتمال ان يكون شهاب كرار في مالي؟ فهذه مناطق يعرفها جيدا ، ويسهل الوصول اليها من السودان..!!! ولكم تمنيت ان يصدق هذا الحدس..!!
الموقف الثالث..
كنت ابحث عن بعض المعلومات عن بعض المدن ، منها مدينة الدلنج ، واكتشفت ان هناك تداول لمعلومات عن مدينة لقاوة ومدينة الدلنج ، وكلها هي معلومات كتبتها من قبل في هذا المنتدى ، البعض يذكرني كصاحب المعلومة وموثقها ، والبعض الآخر يعمل نايم.. من اطرف السادة العاملين نايمين ، احدهم يضع صورة بعمة وجلابية (ياخي لم تشوفها لمن تخاف من هيبتها..!!)..وبكل بساطة ناشر معلومات عن مدينة الدلنج ، قمت بكتابتها في هذا المنتدى..وهي موجودة في ارشيف المنتدى ، وصاحبنا لم يكلف نفسه بالإشارة لصاحب المادة الأساسي ولا حتى المنتدى الذي نشرته فيه المادة لأول مرة وهو سودانيز اونلاين..!
التحية للأستاذة هند ابوضامر ، فلقد قامت بنشر كتابتي عن مدينة لقاوة ، ووضعت اسمي في صدر المادة ، وهي المادة التي صارت معين لكثير من اهل تلك المدينة للتعرف عليها ومحاولة معرفة من اين جاء الإسم ، والوصف لملامح المدينة القديمة..!
كبر
|
|
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
كروونااااااااااا: الرعب وانهيار الأخلاق..!!!! | Kabar | 04-05-20, 11:50 PM |
Re: كروونااااااااااا: الرعب وانهيار الأخلاق.. | Kabar | 04-05-20, 11:55 PM |
Re: كروونااااااااااا: الرعب وانهيار الأخلاق.. | Kabar | 04-05-20, 11:56 PM |
Re: كروونااااااااااا: الرعب وانهيار الأخلاق.. | Kabar | 04-05-20, 11:57 PM |
Re: كروونااااااااااا: الرعب وانهيار الأخلاق.. | Kabar | 04-05-20, 11:58 PM |
Re: كروونااااااااااا: الرعب وانهيار الأخلاق.. | Kabar | 04-06-20, 00:08 AM |
Re: كروونااااااااااا: الرعب وانهيار الأخلاق.. | Kabar | 04-06-20, 00:11 AM |
Re: كروونااااااااااا: الرعب وانهيار الأخلاق.. | Kabar | 04-06-20, 00:12 AM |
Re: كروونااااااااااا: الرعب وانهيار الأخلاق.. | Kabar | 04-06-20, 00:22 AM |
Re: كروونااااااااااا: الرعب وانهيار الأخلاق.. | أحمد محمد عمر | 04-06-20, 02:17 AM |
|
|
|