♧ القومة ليك يا بلد£

♡ شايف أخونا دينق بهناك متفائل جدن قال : "يجب على الحكومة السودانية أن تستعين
بمساعدات دولية خصوصاً من أمريكا و الاتحاد الأوربي  و الافريقي" . هي نان ياخوي من
وين يا حسرة¿! إذا كان حمدوكنا ما مقصر قاد الدرب عليهم ساساقة. و كمان حلاة طابق
معاه وزير الأوقاف مفرح دا بالذات(السر شنو ماني عارف) و راجع كل مرة بخفَي حنين
منقوبين؛ تمامن كشأن من يدافع الأخبثين، و كبالع موس حلاقة على حدين.

● لا و كمان بدل يساعدونا ، قاولو:" دي ريحتك و لا فسيت"؛ حالفين يدفِّعونا
(الدِّية) عن يدٍ و نحن صاغرون عن ضحايا المدمرة كول. لحدما هدا على العليها
هي عايرة و أدوها سوط و فقعو ليها بانضورة من يوم شرفنا كورونا رصي الله
عنه و أرضاه طمبجا و تم لينا الناقصة مرة واحدة و هم زاتم بققو متلنا واحد في
في تولا ( و جيتك ياع عبد المعين تعينِّي؛ و لقيتك يا عبد عاوز المعين تتعان).

● عمومن ، افتح يا سمسم أبوابك نحن العنقالة : لاهو عاجبنا البنا (زواحف) و لا
البناول الطين( قحاطة). و لكن بكل صراحة (قرعة) القومة للوطن .. ديتراها باقية
لينا متل أكل الحَرِف الما بنعرف. و في رواية أخرى (يبخرو فيها و هي قاعدة تفسي) .

● ثم إننا باقيين في حيرة زاتو من أمر هذا البلد الحبوب :بهنا أستاءذنا كابلي
يقول لينا :" القومة ليك يا وطني"؛ نجي نقوم و قبال ما نستعدك واقفين، يجينا
الفرعون وردي يقول لينا : "في حضرة جنابك يطيب الجلوس . لامن بقينا غالبنا
النسويه.إلا غايتو نفضل معلقين في الهوا بين بين نظام {Understanding}