أنا بأقصد إنه ما نتتظر الغرب لما يسمع ويحن ،،، والى أن يحدث ذلك يجب أن نتحرك ونبحث عن أمننا ومستقبل بلادنا ونبنيهو زي ما قلتي ،،، مثلاً شفت فيديو لشباب بيعبوا في معقم أيدي في زجاجات ،،، كل واحد قاعد جمب برميل فيه ماسورة وبيعبئ الفتيل من الماسورة ويقفلوا بالغطاء ،،، وبيغنوا لعثمان حسين ،،، وهدفهم 2000 عبوة ،،، العمل جيد ويشكرون عليه ،،، وفيه نوع من الثورية ،،، لكن من ناحية إقتصادية ،، لما تفرد ليك 10 صيادلة عشان يقوموا بي عمل عمال عاديين ،، أو حتى بعمل مكينة واحد ،،، ممكن نعتبرها Pathetic وتعبر عن إننا دائما ما نستصغر أنفسنا ونلجأ للحلول البسيطة ،،، ويلا يا جماعة نجمع 100 دولار من كل زول ونبني مزيرة عشان نحل مشكلة المدرسة ،،، حلول بسيطة وبدائية ،،،، مثلاً دي ماكينة صنع الماسك ،،، وكلها أصغر من تربيزة الصفرة وزول واحد بيشغلها وموادها الخام ما عايزة قومة نفس ،،،، ببساطة شديدة ممكن تخلق مصنع صغير ،، وسعرها كله ما يفوت كم ألف دولار ،،، وما محتاجة مساحة كبيرة للعمل ،،، ،،، وتحت منها ماكينة تعبئة سوائل 4 عيون ،،، في واحدات نصف أوتوماتيكية يعني بترص ليها القزاز وفي واحدات أوتوماتيكية بالكامل وكلهن أسعارهن ما حاجة كبيرة وممكن تكون مشروع ممتاز لتصنيع المعقمات ،،،، لكن نحن ما بنفكر في الأعلى طوالي بنفكر بس برميل وتقدوا نركب فيه ماسورة ونملأ القزاز بالواحدة ،، وزاتها ما عملية صحية ،،، تحياتي
▼ ▼
ماكينة تعبئة السوائل ،،، وللعلم في ماكينات أفضل منهم وبأسعار مناسبة وممكن تخلق نقطة بداية لمشروع صناعي قابل للتطور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة