Quote: الأصلية كتبت بواسطة/ bentalneel [ كتبت] هوووووووووووووووووووووي ياناس الثورة شوفوا ليكم ثورة نافعة ما يكون "كلام الليل يمحوه النهار" ولا " لا تواخذوا السكارى فيما يقولون"اها قلنا عملتوا الثورة وانتصرتوا بعد كدا برضو البتمسك الحكم دكتاتورية يعني فيك فيك وقالو الجن البتعرفو ولا الجن المابتعرفو دحين انعدلو وارعو بي قيدكم ما نقوم نعمل نحنا ثورة وثورتنا معروفة قوية والاسلحة فيها ما زيها مثيل فتاكة ومدمرة والله تكترو ولا تقلقو تلحقو امات طه ورونا الشطارة تلقوا العين الحارة فتكم بي عافية
|
والله يا بت النيل أبونا والجنس سوداني ، كان جيتي
للنصيحة و بيني وبينك برانا كديياها دي ظاطا الخايفين منها..
يعني بصراحة الموقفغير مطمئن أبداً. أول هام انتن مكركن لا
يؤمن و تاني هامو دا الأهم إنو جماعتنا ما شادين الحيل خالس..
دا غير إنوفيهم طابور خامس. يعني بقرشين مستعدين يشتغلو معاكن
مرتزقة.والباقيين يعجبوك بس في الشمارات و قرع الطبول و أول ما
يشوفوالكوع حمى كتير منهم بتلحس.. يعني زي ما تقولي مجانين
ليلىكتار لاكين شقي الحال هو البقع في القيد..طبعاً ياخواا، سمعتو
بمكيدة ليلي العامريةالتي دبرتها لكي تكشف قيسها الحقيقي.
قالو أدت خادمتها صحن و سكين و قالت لها أمشي
أقيفي فوق خشم الدرب و كلما يجي راجل يظهر أنو مجنون ليلى
أسعليه السعال دا: ألست أنت قيس بن الملوح؟؟ فإن أجابك ببلى. قولي له :
إن سيدتي ليلى تقرئك السلام و تطلب منك أن تجدع لي أنفك كي آخذها إليها
عربون غرام في هذ الإناء!!! فأول واحد جا ماش عليها أشعث أغبر و لابس
ليك مرقع و حالتو بالبلاء قامت الخادمة نادتو ليك و قالت ليه نفس الكلام.
فزولك مما اشتم رائحة المؤامرة و لقى الحكاية فيها كطع نخرة و سيلان
دمي قام يتنحنح و يتلفت جاي ثم جاي و قال للخادمة: اسمعي آآلخت
هوي والله أنا مجنون ليلى وأي حاجة و حب ستي ليلى على
العين والراس علا لاكين أم كطيع النخرين دا براه بس
ما فينا فغايتو بلغيها سلامي الحار و ودعتك الله!
و مسك دربو عديييييييييييل اتلحس! ...