Quote: كتبabumalaz : ود البادية اريتك طيبياخى انا لست من المنبرشين وضد الانبراش والتسفيروالعقل بقول لكل مسؤلياته ولكل حقوقه و واجباته ( ودا ماكسير تلج ولا انا من المتهششين )والفيصل الاحترام المتبادل والودجوانب القصور حسب الامكانية المتاحة و وضع الواقع المعاش في الحسبان و لو عندك رأى اخر قولو انا متابع . لكن ياخى أنا أقول ليك وزير الداخلية متنكر و حايم معانافى الراكوبة تجيب لى الهوا
|
●أبو ملاذ بالله عليك تبطل كبكبة و رجفي..
و يكون في معلوميتك انتهى زمن الديديس و الدغمسة ؛
و نحنا ثورتنا دي تطهير و نسف تمكين لكلو و من صميم
أهدافها و أعلى ما في خيل مطالبها مع إزالة القراي برضو
استئصال شأفة وزيرات الداحلية ديل بالذات و بدون رأفة
للصالح العام ؛ سواء الصالحات منهن و الطالحات ، لا وبل
دايرين نلغي حاجة اسمها وزارات من أساسو.. و لا حتى النائب
العام ظاطو ما ح ينجو..ديل شن فيهن عليك الله برا التسيب
والضحك و القرقراب و تكدس موفين ومظفات على الفاضي .
بس الواحد متل المشمع ليه في طوطحانية.قال ماشي وين؟
ماشي الشغل! أها و جايي من وين؟ جايي من الشغل؛ تبا لكم!.
يعني بس حدو التمام الصباحي دا و بعد داك تلقاه فللي على زنكي
الخدار أو الملجة إن شاء الله في سوق تمبول ؛ يشتري ليه صفيحة
بانضورة على كم عجورة و تبشة يفرشن فوق خؤذة و يكتب عليها
العالمية للخضرات و الفواكه و يترزق من وراها لا برة الدوام الرسمي.
● فدحين وزير داخليتك دا خليه يشوف ليه طريقة يتلم شوية.
ما ذا و إلا قصماً عظماً ح نلبس ليه تهمة اختلاس و حيتزة عملة
أجنية و تهريب أموال دولة لماليزبا نوديه ليك في 60 داهية
و لا موش عارف إيه؛ بعدين دبان لازرق ما يعرفلوش طريق
جرة واصل. طيب لو ما منهم يلا تضم صوتك تهتف معانا
هنا : راكوبة حرة حرة و الباقي يطلع لينا برة.
● علا برضو ، ممكن من باب الاحتراس إنو لا
لا ما تنامش واصل. و إذاً غلبك النعاس طب
تنوم بعين واحدة و تعمل الاحتؤاطات الآتية :
1) أول هام و قبل ما تخت رويسك اانغبلك دا تقو
كل شوية تعمل تمشيط كامل للأوضةو للعنقريب
دا شناط شناط و مخدة مخدة تحسباً لوجود أية
أسلحة دمار شامل ، أو مع الرأفةـ، (تقطيع كامل).
2) بالنسبة للأكل تمشي لأمك إن شاء الله تأكل قرض
و تحلي نيم . و لا كمان أقولك آجنا ولا داخلية و لا هم
يحزنون؛ أحسن تشوف ليك مخرج طوائ تهج من العش
كلو كلو و تمشي تعيش في الطبيعة يعني مثلاً في وجبة
العشا تجيب عيشة فار عليها رشوشة من ورك النملة
ببصلة كلاب ٣مع كوب من لبن العشر المقنن.
بروكتم والود بيننا..........