Quote: ة كتب طارق محقر: سلام للجميع واوعا واحد يجيب سيرتي هنا، لأني لا بطقع ولا بجيب الحُوجار.
|
بالله من الطارق؟؟؟
يا ود محقر تعيش أنت و يموت غيركتعيش و الدنيا ما تضيرك ،
ما هو يا تجيب الحجار يا براهن بجن لا عن صنقورك.. كدي أولن
في التبادي اللخو، حدد لينا موقعك وسنك ومهنتك بالظبط ؛ يعني داخل
القفص و لا خارجه؟؟عشان برضو نديك و صفتك بالتمام و الكمال.. و في
كل الأحوال رياح التغيير عاتية و هي آتية شاء من شاء وأبى من أبى.. عشان
كدا من هسة أحسن أملأ عبك حجار و أرجاها في الكريبة . أنا إذا دار محور
سوعالك عننا وكدي، فبصراحة براها رويحتنا مكركة ؛ و بالزات كمان
في زمان الكرونة دا يا دوب فقعو ليها بانضورة ، بقت عايرة و أدوها
سوط . يعني بقينا في حظر( تبولٍ ) تام ، و خاردج منظومة الدوام
و منظومة المنام و حتى منظومة المدام ظاطو . و مرحبتين
حبابو الشر محل ما بتق .. و تنقد الرهيفة إن شاء الله
أصلو ما تترتق..بوركتم رسولٌ والود بيننا