مكيـن تيـراب ما بعرفوا لكن جهاز للمغترب لي شان شنو!

Quote: كمال الشادي جهاز المغتربين وما أدراك ما جهاز المغتربين ------------------------------------------- فيما يبدو والله اعلم أننا ك ( مغتربين ) متبلين بالعاهات ، يفكنا حرامي يمسكنا غنماية . نحن ( المغتربين ) يا أيها القاعدين في البلد وفي الكراسي ، مش بقر للحلب ولا شياه للسلخ . علمونا في إدارة الاعمال أن أصح القرارات الاقتصادية تلك التي تأتي من تحليل وجمع البيانات . يعني شنو ؟؟؟ يعني في البداية والكلام موجه للحيوان الجديد بتاع جهاز المغتربين خليني اسألك كم سؤال : 1- بتعرف كم عدد المغتربين السودانيين في العالم ؟ 2- بتعرف كم عدد المغتربين السودانيين في مدينة حائل السعودية مثلا ؟ 3- بالمقابل بتعرف كم عدد السودانيين المغتربين في مدينة دبلن في آيرلندا 4- بتعرف كم عدد الاسر السودانية في دول الغربة ؟ 5- هل عندك إحصائية دقيقة بعدد سنوات الغربة ومتوسط مكوث المغترب في دول المهجر أو دول الغربة ؟ 6- بتعرف كم عدد الاطفال السودانيين في دول الغربة ودول المهجر ؟ 7- بتعرف كم حجم الاسر السودانية في دول المهجر ودول الغربة ؟ 8- بتعرف كم الدخل الشهري لكل وظيفة في كل دولة ؟ يعني الطبيب او المحاسب في السعودية كم دخله وفي استراليا كم دخله ؟ 9- هل بتعرف نوع الانظمة الداخلية لكل بلد والضرائب المفروضة علي كل مغترب أو مهاجر ، بمعني يا غنماية بتعرف وانا هنا في الرياض في السعودية بتعرف كم علي من ضرائب واستقطاعات علي الحكومة السعودية سنوياً ؟ واللا ما بتعرف ؟ بالمقابل نفس الشخص البيشغل وظيفتي في استراليا أو في فرنسا بتعرف كم التزاماته تجاه حكومة الدولة اللي هو مقيم فيها ؟ 10 - بتعرف يا شاطر معدل التوفير السنوي للمغترب في كل دولة علي حده 11- هل بتعرف كيف بندرس أولادنا في الغربة وكم مصاريف المدارس الخاصة والمدارس العالمية ؟ 12- بتعرف يا حيوان كيف ووين بندرس اولادنا الجامعات ؟ يعني كم بندفع لاولادنا عشان يدروسو جامعات سواء في السودان او في غير السودان ؟ 13- بتعرف في كم اسره بتعيش دون حد الكفاف في الغربة ؟ 14- بتعرف في كم اسره في الغربة عائلهم يا أما مريض أو مات وما عارفين يعيشو عيشة كريمة ؟ 15- بتعرف في كم اسره انحرفت في الحياة بسبب الاوضاع الاقتصادية السيئة في الغربة ، ناس دخلت السجن وناس تانية الله يستر عليهم ، بتعرف عددهم واللا لا ؟ 16- بتعرف في كم سوداني في السجون ؟ في سجون الدول اللي هم شغالين فيها . --------------------------- اها والكلام هنا موجه للغنماية الجابوهو لجهاز المغتربين نوع الاسئلة دي يا شاطر انت لازم تسألها وتسأل اكتر واعمق منها ليييييه ؟؟؟ ايوه قلت لي ليييييه ؟ عشان تعرف تخطط يا شاطر . تعرف تخطيط إقتصادي يعني شنو واللا ما بتعرف ؟؟؟ اها اكان ما بتعرف سجم امك وسجم امنا معاك سجم امك لانه انت غنماية ساكت وسجم امنا لانه جابو لينا واحد غنماية زيك يكون مسئول عننا فات كرار التهامي الحرامي وجانا واحد حيوان زيك . يا غنماية قبل ما تتخذ اي قرار مهم وإستراتيجي يطلع عين ام ابو اهلنا ، إتواصل معانا يا غبي ، بلدك الهسي دي من حمدوك لاصغر مسئول فيها مدورنها وممشنها ناس عاشو حياتهم كلها بره السودان ، يعني نحن مشاء الله كدا عندنا تراكم خبرات ومتعلمين ومعانا شهادات فوق الجامعية تتلتل فهمت يا غبي . قبل ما تتخذ اي قرار شاورنا اتواصل معانا ونحن في عصر التواصل والاتصالات ياخ اعمل ليك صفحة في الفيس او ويب سايد زي خلق الله عشان نعرفك وتعرفنا جاي من فوق الهموم تنط لينا بي قرارات ما انزل الله بها من سلطان حريقة فيك وفي اللي عينك ابوك لابو اللي عينك غنماية .