|
|
 Re: الطلاق بعد تقدم العمر:هل فرصة للحرية و الت (Re: محمد عبد الله الحسين)
|
الحبيب محمد .. تحياتي ..
صدقني متعة الحياة في هذه السن .. كيف الواحد يفارق رفيقة العمر بعد علاقة عشرات السنوات
أجمل سنوات العمر .. طبعاً دائماً الرجل يكون أكبر سناً وأكثر شكوى ومرض وغيره
وشريكة الحياة تكون فيها حيوية أكثر نسبياً .. ما عارف أوروبا .. ولكن عندنا يا سلام دي أجمل الايام
فقط قليل من الصحة والعافية .. وزيارة الاحفاد وللبيت الكبير .. والونسة مع الدفعة والعمل الاجتماعي اللجان
والجمعيات ومنتديات الثقافة وتكون مرجعية في القرية .. وترجع للزراعة .. وكمان الحاجة واقربائها وصديقاتها .. وفي هذا العمر
يكثر المزاح والحكايات الساخرة بين الاثنين واستعراض أيام الشباب ..
أكبر مشكلة هي وفاة الزوجة قبل الزوج دي حكاية مؤلمة جداً جداً يترك الفراغ والهم والغم حتى الابناء والبنات والاحفاد
يكونوا في حيرة لأن مع باقي سنين العمر لا يمكن الزواج .. ولكن ولله الحمد في معظم الحالات يغادر الرجل قبل الزوجة
هنا الموضوع يكون ساهل جداً .. ممكن تعيش في اي من بيوت البنات .. الابن من صعب العيش معهم لأن الزوجة هي المتحكمة في المنزل
لكن البنت يا سلام هي السترة وهي الملجأ .. لأن بيت الولد فقط مسموح الديوان .. لكن مع البنت ممكن ( يا بنت جيبي لي السروال ده ) .. ممكن تمشى المطبخ
أي مكان في البيت ما في حرمة مكان .. بيت الولد ( لا ) .. عشان كده البنت بقت أهم من الولد .. لأن المشكلة ما في الدخل المادي ( المهم السترة ) حتى البنت أصبحت
مصدر دخل ومنتظمة أكثر من الولد ..
======================
اذكر قبل عشرات السنوات سمعت في جلسة تضم الاعمام تحت شجرة امام منزلنا
عن الزواج بعد الكبر .. عمي أحمد الله يرحمه كان إنسان حكيم جداً .. اعترض على اخوانه
وذكر بالاسم أحد الاعمام وقال ( من يوم ما اتزوج حتى ما خلى الشباب يقعدوا قدام البيت ( بقى معقد ) .. قبل كم يوم
زوجته مشت العرس في آخر الحلة .. طلع وراها وقاعد قدام بيت العرس لحد ما الموضوع انتهى سهر في الفاضي وكمان الغيرة )
ملاحظة يالحبيب محمد ( ما عارف أحكي بالعامية لأن الكلام أساساً بالنوبية ..)
تحياتي الحبيب محمد .. موضوع جميل ..
|
|
 
|
|
|
|
|
| |
علي عبدالوهاب عثمان
فيس بوك
تويتر
انستقرام
يوتيوب
بنتيريست