♧ في زٍحامِ المُتَناقِضاتِ£

/ يجازي الكان السبب/
[]اسكتش (4)
(هل تؤدي كل الطرق حقاً إلى روما؟!!)
[]1,2,3،،، ستوب ، أكشن/:_
[]حيث يتوجه قروب من الخريجين ذوي العقول الشابة النيرة و السواعد السمراء
يضربون في الأرض بحثاً عن أي حاجة تجيب قرش، إن شاء الله حتى في غوث
اللاجئين، إلى حيث أُشير عليهم بوجود (فاعل خير) في سفارة أجنبية تُعنى بالمشردين.

# بعد طرقة خفيفة واحدة و قبل التي تليها يفتح الباب و كأن أحداً يرقب قدومهم بالثانية.
فإذا بغريب تورات ملامحه ما بين لحية مستعارة كثة و نظارات كالحة السواد يرحب
بهم من كرسيه الدوار. قال ببرود شديد:

[]- تفضلوا ، و نخش في الموضوع بدون مقدمات فنحن أناس عمليون، و لا وقت لدينا لضيافة و مجاملات فارغة!!
#فقد تبين لنا من السيفيهات على الداتا بيز إنكم مجموعة شباب طموحين و عايزين تعيشوا بأي طريقة. أها نحن ح نوفر
ليكم أقصر و أملس الطرق المؤدية إلى (تل أب...) عفواً، قصدي إلى روما مباشرةً، فإيه رأيكم؟!
- و الله يا سعادتك عارفنك ما بتقصر ، و برضو دا كان عشمنا الجايين بيهو ،علا لاكين كيف؟
نعمل شنو يعني، عشان نتخارج و نطلع أهلنا من النفق المظلم دا؟!

- أولاً لا أنفاق و لا ظلام و لا ظلمات بعد اليوم ، ممكن تعملوا أشياء سهلة جداً علي الزيكم و بالذات
لحالكم الشايفو و لكنها ربما كانت ممتنعة و معصلجة شوية في ظروف مختلفة وكل زمن ليه رجالة!!

- يعني ممكن سعادتك توضح أكتر ، بس عشان نفهم وما نتوه وراء شيطان التخمينات ؟!

- تعملوا لينا تساهيل لتمرير مشاريعنا في بلدكم الحدادي مدادي دا و التقول ساكناه أشباح ما ناس!!

- يعني قصدك يا خبيث يا ابن ال(...) نبيع ليك بلدنا بثمن بخس دراهم معدودة؟! هنا تتمعر وجوه شباب
القروب و كل واحد منهم قعد يبرطم بعبارات فالتة خليط بين الحسرة و ندب الحظ و السب و اللعن وو..إلخ

- و الله يا ها دي بس الفاضلة، لن ترضى عنا حتى نتبع ملتك و نبيع ليكم سوداني الجو ة ورداني بريدو ؟!
- لاكين ما قلت لي يا خوي، أي سودان يقصد هذا المرابي اليهودي عديم الأصل، أوعة يكون منيش على سودان
توشكي و البجراوية ؟! أم سودان سلطنة الفونج و على دينار و ود حبوبة و على عبد اللطيف؟! أم سودان
الأقاشي و الكاشف و عشة الفلاتية و ود اللمين.. برضو تقول لي نلوم ديل و لا نقول: الله يجازي الكان السبب!!
ود ال ح ي ش ا ن ال ت ل ا ت ة
مؤذنٌ محجورٌ منزلياً بجيزرة مالطة